Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Samuel 3: “Magsalita Ka, Panginoon; Sapagkat Nakikinig ang Iyong Lingkod”

“1 Samuel 3: ‘Magsalita Ka, Panginoon; Sapagkat Nakikinig ang Iyong Lingkod,’” Manwal ng Titser ng Seminary para sa Lumang Tipan (2026)

“1 Samuel 3: ‘Magsalita Ka, Panginoon; Sapagkat Nakikinig ang Iyong Lingkod,’” Manwal ng Titser ng Seminary para sa Lumang Tipan

Ruth; 1 Samuel 1–7: Lesson 70

1 Samuel 3

“Magsalita Ka, Panginoon; Sapagkat Nakikinig ang Iyong Lingkod”

The boy Samuel in bed watching an oil lamp burn.

Sa inyong palagay, gaano kadali ninyong makikilala ang tinig ng Panginoon sa inyong buhay? Isang gabi, nangusap ang Panginoon sa batang si Samuel. Sa tulong ni Eli, nakilala kalaunan ni Samuel ang tinig ng Panginoon. Sumagot siya, “Magsalita Ka, Panginoon, sapagkat nakikinig ang iyong lingkod” (1 Samuel 3:9). Nangungusap din sa atin ang Panginoon, at tulad ni Samuel, kailangan nating matutuhang makilala ang Kanyang tinig. Ang lesson na ito ay makatutulong sa mga estudyante na maghangad at makahiwatig ng personal na paghahayag.

Paghahanda ng estudyante: Itanong sa mga estudyante ang “Paano ninyo naririnig ang tinig ng Panginoon sa inyong buhay?” Sabihin sa kanila na pag-isipan kung paano sila sasagot. Maaari din nila itong itanong sa kanilang mga kaibigan o kapamilya.

Mga Posibleng Aktibidad sa Pag-aaral

Pakikinig sa tinig ng Panginoon

Maaaring anyayahan ang isang boluntaryo na handang magpapiring na pumunta sa harap ng klase. Piringan ang estudyante. Isa-isang anyayahan ang ilang miyembro ng klase na tawagin sa pangalan ang estudyante. Hilingin sa nakapiring na estudyante na tukuyin kung sino ang tumawag sa kanyang pangalan.

Bakit mas madaling makilala ang ilan sa mga tinig?
Ano ang ilang espirituwal na aral na maaaring may kaugnayan sa aktibidad na ito?

Maaaring magbahagi o hindi magbahagi ang mga estudyante ng mga alituntunin na tulad ng mga katotohanang nakasaad sa lesson na ito. Kung gagawin nila ito, anyayahan silang maghanap ng katibayan o kaalaman tungkol sa mga katotohanang ito habang pinag-aaralan nila ang 1 Samuel 3. Kung hindi, ayos lang. Pasalamatan ang lahat ng estudyante para sa ibinahagi nila.

Isulat sa pisara ang sumusunod na katotohanan: Nangungusap sa atin ang Diyos at nais Niyang makilala natin ang Kanyang tinig. Ipaliwanag na nangungusap sa atin ang Panginoon sa pamamagitan ng Espiritu Santo (tingnan sa Doktrina at mga Tipan 8:2). Kilala ito bilang personal na paghahayag. Tutukuyin ng mga estudyante ang mga karagdagang alituntunin ng personal na paghahayag sa buong lesson.

Itinuro ni Pangulong Russell M. Nelson:

Isa sa mga bagay na paulit-ulit na ikinikintal ng Espiritu sa aking isipan … ay ang kahandaan ng Panginoon na ihayag ang Kanyang isipan at kalooban. Ang pribilehiyong makatanggap ng paghahayag ay isa sa mga pinakadakilang kaloob ng Diyos sa Kanyang mga anak. …

Talaga bang nais ng Diyos na mangusap sa inyo? Oo! (“Paghahayag para sa Simbahan, Paghahayag para sa Ating Buhay,” Liahona, Mayo 2018, 94–95)

Anyayahan ang mga estudyante na pag-isipan ang mga sumusunod na tanong:

Naniniwala ka ba na gusto talagang mangusap ng Diyos sa iyo? Bakit oo o bakit hindi?
Gaano kalaki ang kumpiyansa mo sa iyong kakayahang makahiwatig ng paghahayag?
Bakit madali o mahirap para sa iyo na makilala ang tinig ng Diyos (o personal na paghahayag) sa iyong buhay?

Ipahayag na kumpiyansa ka na nais ng Diyos na mangusap sa iyong mga estudyante.

Sa buong lesson, sikaping hanapin at tukuyin ang mga mensahe mula sa Panginoon. Sikaping maunawaan kung paano Siya nangungusap sa iyo.

Mga alituntunin ng paghahayag

Ipinanganak ni Ana si Samuel bilang sagot sa kanyang mga panalangin. Noong bata pa si Samuel, dinala siya ni Ana sa tabernakulo kung saan maaalagaan siya ni Eli. Isang gabi, narinig ng batang si Samuel ang tinig ng Panginoon.

Bago ibigay ang mga tagubilin sa ibaba, maaari mong ipaliwanag na ipinahihiwatig ang ilang alituntunin sa mga banal na kasulatan. Ibig sabihin nito ay hindi direktang nakasaad ang mga ito sa mga talata. Matutulungan tayo ng Espiritu Santo na matukoy ang mga ipinahiwatig na alituntunin habang tinatanong natin ang ating sarili ng mga bagay na tulad ng “Ano kaya ang nais ng may-akda ng mga talatang ito na matutuhan ko?” o “Ano ang ilan sa mahahalagang aral na itinuturo ng mga talatang ito?”

Pag-aralan ang 1 Samuel 3:1–10, 19, at maghanap ng mga kaalaman at katotohanan tungkol sa pagtanggap ng paghahayag mula sa Diyos.

Kapag tapos nang mag-aral ang mga estudyante, anyayahan sila na isulat sa pisara ang mga alituntuning natuklasan nila. Gamit ang sarili nilang mga salita, maaaring natukoy ng mga estudyante ang mga alituntuning nakalista sa ibaba. Kung nahihirapan silang tukuyin ang mga alituntunin, maaari mong ilista ang sumusunod at anyayahan silang tukuyin ang mga parirala o talatang nagtuturo ng mga ito.

Matiyagang lumalapit ang Panginoon sa atin kahit na sa una ay hindi natin makilala ang Kanyang tinig (tingnan sa talata 4, 6, 8, 10).
Nangungusap ang Panginoon sa mga kabataan (tingnan sa talata 4, 6, 8, 10).
Kadalasan ay nangangailangan ito ng oras at pagsasanay para maging pamilyar sa tinig ng Panginoon (tingnan sa talata 7, 10, 19).
Matutulungan tayo ng iba na makilala ang tinig ng Panginoon (tingnan sa talata 8–9).
Kapag nagpakita tayo ng kahandaang makinig at kumilos, mas marami pang ipapahayag ang Panginoon. (tingnan sa talata 10, 19)

Bakit maaaring maging kapaki-pakinabang ang mga alituntuning ito habang sinisikap nating makilala ang tinig ng Panginoon sa ating buhay?
Paano ipinakita sa mga ito ang pagmamahal ng Diyos sa atin?

Pagkilala sa tinig ng Panginoon

Nangungusap sa atin ang Panginoon sa maraming paraan sa pamamagitan ng Espiritu Santo. Ang kaalaman kung paano Siya nangungusap sa inyo ay makatutulong sa inyo na mas makilala ang Kanyang tinig sa inyong buhay.

Kapag tapos nang mag-aral ang mga estudyante, maglaan ng oras para matalakay nila ang natuklasan nila at para makapagtanong. Gamitin ang oras na ito na ipabahagi sa mga estudyante kung paano nila naririnig ang tinig ng Panginoon sa kanilang buhay. Maaari ka ring magbahagi ng personal na karanasan at ipaliwanag kung paano mo Siya naririnig.

Pasalamatan ang mga estudyante para sa mga ibinabahagi nila. Ipaalam sa kanila na ang kanilang mga kontribusyon ay nagdudulot ng makabuluhang pagbabago sa klase.

Pagiging pamilyar sa tinig ng Panginoon

Tulad ni Samuel, maaaring mangailangan ng panahon at pagsasanay para maging pamilyar tayo sa tinig ng Panginoon at mahiwatigan ang personal na paghahayag (tingnan sa 1 Samuel 3:7, 10, 19).

Ano ang ilang paraan kung paano natin sisikaping makilala ang tinig ng Panginoon, tulad ng ginawa ni Samuel?

Maaaring kabilang sa ilang ideya ang pakikipag-usap sa isang magulang o pinagkakatiwalaang guro ng tungkol sa kung paano makatanggap ng paghahayag tulad ng pakikipag-usap ni Samuel kay Eli. Sinabi ni Samuel, “Magsalita ka; sapagkat nakikinig ang iyong lingkod” (1 Samuel 3:10). Marahil ay maaari nating linawin sa Panginoon na handa tayong pakinggan ang Kanyang mga mensahe sa pamamagitan ng pagkakaroon ng mga sandali upang magnilay at makinig pagkatapos manalangin o sa buong maghapon. O maaari nating isulat sa journal ang ilan sa mga paraan kung paano natin maaaring tinatanggap ang mga mensahe mula sa Ama sa Langit, tulad ng mga nasa handout.

Sa inyong study journal, gumawa ng plano para sa isang bagay na gusto ninyong gawin para mahanap at mahiwatigan ang paghahayag mula sa Diyos sa inyong buhay.

Magpatotoo na kapag nakatuon ang pagsusumikap ng mga estudyante sa mga araw na nagdaan, madaragdagan ang kanilang kakayahang mahiwatigan ang personal na paghahayag. Ipaalam sa mga estudyante na bibigyan sila ng pagkakataong pagnilayan ang kanilang mga pagsisikap upang mahiwatigan ang personal na paghahayag sa Lesson 80: “I-assess ang Iyong Pagkatuto 5.”

Karagdagang Resources

Ano ang mensahe ng Panginoon kay Samuel?

Ang mensaheng ibinigay ng Panginoon kay Samuel ay na si Eli ay parurusahan dahil sa pagtanggi niyang itama ang masamang pag-uugali ng kanyang mga anak (tingnan sa 1 Samuel 3:11–14). Habang lumalaki si Samuel, kinilala siya ng Israel bilang propeta ng Panginoon (tingnan sa 1 Samuel 3:20).

Paano ko madaragdagan ang aking kakayahan na marinig ang tinig ng Panginoon?

Itinuro ni Pangulong Russell M. Nelson:

20:27

Ipanalangin sa pangalan ni Jesucristo ang inyong mga alalahanin, ang inyong mga takot, mga kahinaan—oo, ang pinakainaasam ng inyong puso. At makinig! Isulat ang mga naiisip ninyo. Itala ang inyong nadama at isagawa ang mga bagay na ipinahiwatig sa inyong gawin. Habang inuulit mo ang prosesong ito araw-araw, buwan-buwan, taun-taon, kayo ay “uunlad sa alituntunin ng paghahayag.” (“Paghahayag para sa Simbahan, Paghahayag para sa Ating Buhay,” Liahona, Mayo 2018, 95)

Paano matutulungan ng isang titser ang mga estudyante na mahiwatigan ang personal na paghahayag?

Ipinaliwanag ni Brother Chad H Webb, Administrador ng Seminaries and Institutes of Religion:

20:37

Paano ninyo matutulungan ang isang estudyante na nakadarama na wala siyang mga espirituwal na karanasan? Kung minsan nakakarinig ang ating mga kabataan ng mga kuwentong tila kamangha-mangha at hindi natatanto na nangungusap din sa kanila ang Espiritu Santo sa iba’t ibang simpleng paraan, tulad ng kapag may inspiradong tanong sila o kapag nagbasa sila ng mga banal na kasulatan at inisip na markahan ang isang talata nito. Tulungan natin silang malaman kung paano nakikipag-ugnayan ang Panginoon sa bawat isa sa kanila at huwag ituro na ang paraan ng pakikipag-usap ng Panginoon sa atin ang tanging paraan para makausap Niya sila. Mag-ingat tayo na huwag sabihin sa ating mga estudyante kung kailan nila madarama ang Espiritu Santo. Hindi dahil sa nadarama natin ang Espiritu bilang guro ay nangangahulugan na gayon din ang nadarama ng lahat ng estudyante sa sandali ring iyon. Makabubuti ring maunawaan na maaaring mahirap na maranasan ito ng mga yaong nakararanas ng pagkabalisa at depresyon. Gayunman hindi hadlang sa Panginoon ang mga problema sa kalusugan sa pag-iisip. Kilala at nauunawaan Niya sila at makahahanap Siya ng mga paraan para maiparating ang Kanyang pagmamahal at patnubay sa kanila. Kakaunti lamang ang magagawa natin na higit na makakatulong sa kanila at iyon ay ang matutuhang tumanggap ng personal na paghahayag at kumilos nang ayon dito. (“Ang Kanyang mga Kinatawan” [training broadcast kasama si Pangulong Ballard, Enero 21, 2022])

Mga Karagdagang Aktibidad sa Pag-aaral

Alternatibong Simula

Hilingin sa ilang boluntaryo na pumunta sa harap ng klase. Anyayahan sila na tumayo nang tuwid at abutin ang sahig gamit ang kanilang mga daliri o kamay. Malamang na mas kaya itong gawin ng ilang estudyante kaysa sa iba.

Ano ang magagawa ng isang tao sa paglipas ng panahon para madagdagan ang kanyang kakayahan na abutin ang sahig?
Paano maaaring nauugnay ang aktibidad na ito sa sumusunod na pahayag?

Inanyayahan tayo ni Pangulong Russell M. Nelson:

Hinihimok ko kayong dagdagan pa ang espirituwal na kakayahan ninyong makatanggap ng personal na paghahayag. (“Paghahayag para sa Simbahan, Paghahayag para sa Ating Buhay,” Liahona, Mayo 2018, 95)

Anyayahan ang mga estudyante na maghanap ng mga alituntunin na makatutulong sa kanila na dagdagan pa ang kanilang kasalukuyang kakayahan na tumanggap ng personal na paghahayag habang pinag-aaralan nila ang 1 Samuel 3.

Mangaral ng Aking Ebanghelyo

Sa halip na gamitin ang handout, anyayahan ang mga estudyante na pag-aralan ang “Matutong Tukuyin ang mga Pahiwatig ng Espiritu” sa Mangaral ng Aking Ebanghelyo, “Kabanata 4: Hanapin at Umasa sa Espiritu.” Bigyan ng oras ang mga estudyante na magbahagi at magtanong tungkol sa kanilang nabasa.

Paano Ko Nagagawang Pakinggan Siya

Sa halip na hilingin sa mga estudyante na ibahagi ang isinulat nila sa ikatlong column ng handout, maaari mong gawin ang sumusunod:

Ipaliwanag na maraming lider ng Simbahan ang nagbahagi kung paano nila nagagawang pakinggan ang tinig ng Panginoon. Panoorin ang isa o mahigit pa sa kanilang mga video na may pamagat na “Paano Ko Nagagawang Pakinggan Siya” na makukuha sa Gospel Library.

Anyayahan ang mga estudyante na isipin kunwari na hiniling sa kanila na mag-record ng kanilang sariling video na “Paano Ko Nagagawang Pakinggan Siya.” Bigyan sila ng oras na magsulat ng maikling script para sa kanilang video. Maaaring kabilang dito ang mga personal na karanasan at mga banal na kasulatan na pipiliin nila o mula sa handout. Kapag tapos na sila, anyayahan ang ilang estudyante na basahin sa klase ang kanilang script.

Nangungusap ang Diyos sa atin sa pamamagitan ng mga banal na kasulatan

Anyayahan ang mga estudyante na basahin ang Doktrina at mga Tipan 18:34, at alamin ang sinabi ng Panginoon na maaari nating patotohanan habang binabasa natin ang mga banal na kasulatan.

Anyayahan ang mga estudyante na pagnilayan ang kanilang personal na pag-aaral ng mga banal na kasulatan. Hilingin sa ilang boluntaryo na handang magbahagi kung paano nila narinig ang tinig ng Panginoon sa mga banal na kasulatan. Maglaan ng oras para marebyu ng klase ang kanilang mga personal na mithiin sa pag-aaral ng mga banal na kasulatan, at gumawa ng mga pagbabago kung kinakailangan.

Mga opsiyon sa video

Upang mas maunawaan ng mga estudyante kung paano natin makikilala ang tinig ng Panginoon, maaari mong ibahagi ang isa mga sumusunod na video na makukuha sa Gospel Library:

2:13

5:55