Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Samuel 1: “Ipinagkaloob sa Akin ng Panginoon ang Aking Kahilingan na Idinulog sa Kanya”

“1 Samuel 1: ‘Ipinagkaloob sa Akin ng Panginoon ang Aking Kahilingan na Idinulog sa Kanya,’” Manwal ng Titser ng Seminary para sa Lumang Tipan (2026)

“1 Samuel 1: ‘Ipinagkaloob sa Akin ng Panginoon ang Aking Kahilingan na Idinulog sa Kanya,’” Manwal ng Titser ng Seminary para sa Lumang Tipan

Ruth; 1 Samuel 1–7: Lesson 69

1 Samuel 1

“Ipinagkaloob sa Akin ng Panginoon ang Aking Kahilingan na Idinulog sa Kanya”

Nagsumamo na ba kayo sa Ama sa Langit para sa isang pagpapalang tila nangangailangan ng inyong pagtitiis at pananampalataya? Matagal nang inaasam ni Ana, na isang mabuting babaeng Israelita, na magkaroon ng anak. Bagama’t hindi natupad ang kanyang mabubuting hangarin “taun-taon” (1 Samuel 1:7), patuloy na kumilos si Ana nang may pananampalataya at humiling sa Ama sa Langit para sa pagpapalang ito. Nasagot ang mga mapagpakumbabang panalangin ni Ana nang matanggap niya ang kapayapaan, kagalakan, at ang isang anak na pinangalanan niyang Samuel. Ang lesson na ito ay makatutulong sa mga estudyante na maunawaan na diringgin ng Ama sa Langit ang kanilang mga mapagpakumbabang panalangin at pagpapalain Niya sila.

Paghahanda ng estudyante: Sabihin sa mga estudyante na mag-isip ng isang karanasan kung saan sila o ang isang kakilala nila ay nakatanggap ng sagot sa panalangin. Maaaring maghanda ang mga estudyante na ibahagi ang karanasang iyon bilang bahagi ng aktibidad sa pag-aaral.

Mga Posibleng Aktibidad sa Pag-aaral

Kapag tila hindi nasagot ang mga panalangin

Pagkatapos ng isang seminary lesson tungkol sa panalangin, nilapitan ka ng isang kaibigan at inamin niya sa iyo na, “Nagdarasal naman ako, pero hindi ko sigurado kung nasasagot ang mga ito.” Habang nag-uusap kayo, nagtanong siya ng tatlong bagay.

Paano ko malalaman kung dinidinig at sinasagot ng Ama sa Langit ang aking mga panalangin?
Ano ang ilang paraan na sinasagot ng Ama sa Langit ang mga panalangin?
Ano ang magagawa ko upang gawing mas makabuluhan ang aking mga panalangin sa Ama sa Langit?

Ang sumusunod na aktibidad ay isang pagsusuri sa sarili. Nagbibigay-daan ang mga pagkakataong ito na masuri ng mga estudyante ang kanilang kasalukuyang pag-unawa sa mga katotohanang pag-aaralan nila sa klase. Makatutulong din ito sa mga estudyante na makita kung ano ang maaari nilang kailanganin o gustuhing matutuhan.

Sa scale na 1 (mababa) hanggang 5 (mataas), i-rank kung gaano kalaki ang kumpiyansa mong masasagot mo ang bawat tanong mula sa sitwasyon.

Pumili ng isang tanong na gusto mong matutuhan pa sa araw na ito. Isulat ang tanong na iyon sa iyong study journal. Habang nag-aaral ka, hingin ang patnubay ng Espiritu upang makatulong sa pagsagot sa tanong na pinili mo.

Matagal nang inaasam ni Ana na magkaroon ng anak

Sa lupain ng Efraim, isang matwid na Israelita na nagngangalang Elkana ang nakatira kasama ang kanyang dalawang asawa na sina Penina at Ana (karaniwan sa panahong ito ang pag-aasawa ng mahigit sa isa at katanggap-tanggap ito sa Panginoon).

Basahin ang 1 Samuel 1:1–8 at alamin ang mga hamong kinakaharap ni Ana. (Ang “kaagaw” sa talata 6 ay posibleng si Penina.)

Ano ang nalaman ninyo?
Kung nahihirapan kayo sa mga personal na hamon tulad ni Ana, ano ang maiisip o madarama ninyo?

Basahin ang 1 Samuel 1:9–20 at 2:1–2 at alamin ang ginawa ni Ana bilang tugon sa mga hamon sa kanya.

Ano ang nalaman ninyo?
Ano ang matututuhan natin tungkol sa Ama sa Langit at sa panalangin mula sa salaysay na ito?

Maaaring magbahagi ang mga estudyante ng iba’t ibang naisip nila. Pasalamatan sila at tanungin kung bakit mahalagang malaman ang natuklasan nila. Kung hindi binanggit ng mga estudyante ang sumusunod na katotohanan, isulat ito sa pisara at itanong kung paano naging katibayan nito ang kuwento tungkol kay Ana: Kapag humiling tayo sa Ama sa Langit sa mapagpakumbabang panalangin, dinidinig at pinagpapala Niya tayo.
Ano ang ilan sa mga salita o parirala sa 1 Samuel 1:9–20 na nagpapakita na mapagpakumbaba at makabuluhan ang mga panalangin ni Ana?
Ayon sa talata 17–18, anong kapanatagan ang ibinigay ng Panginoon kay Ana habang naghihintay siya na mabiyayaan ng isang anak?

Dinidinig ng Ama sa Langit ang ating mga panalangin at pinagpapala Niya tayo

Maaari mong gamitin ang sumusunod na aktibidad upang palalimin ang pag-unawa ng mga estudyante tungkol sa katotohanang natukoy nila sa itaas at sagutin ang tatlong tanong mula sa simula ng lesson. Ang isang paraan upang magawa ito ay ibigay o ipakita ang mga tagubilin sa ibaba para sa bawat tanong (A, B, at C). Maaari mong bigyan ng opsiyon ang mga estudyante na mag-aral nang mag-isa o gumawa sa maliit na grupo kasama ang iba pang estudyante na pinili rin ang tanong na iyon. Maaari mo ring ilagay ang mga estudyante sa mga grupong may tigtatatlong miyembro, kung saan pipili ang bawat tao ng ibang tanong na pag-aaralan. Maaari nilang ibahagi sa grupo ang malalaman nila.

Tanong A: Paano makatutulong ang kuwento tungkol kay Ana upang maniwala ang isang tao na dinidinig ang kanyang mga panalangin at pinagpapala siya ng Ama sa Langit?

Gumamit ng mga tool sa pag-aaral ng mga banal na kasulatan tulad ng Gabay sa mga Banal na Kasulatan at Gospel Library upang makahanap ng ilang scripture passage o pahayag mula sa isang lider ng Simbahan na makatutulong sa isang tao na maunawaan na sinasagot ng Ama sa Langit ang mga panalangin (halimbawa, Santiago 1:5–6; Enos 1:2–10; 3 Nephi 18:20; Doktrina at mga Tipan 90:24).

Tanong B: Paano makatutulong ang kuwento tungkol kay Ana upang maunawaan ng isang tao ang ilan sa mga paraan ng pagsagot ng Ama sa Langit sa kanyang mga panalangin?

Gumamit ng mga tool sa pag-aaral ng banal na kasulatan tulad ng Gabay sa mga Banal na Kasulatan at Gospel Library para makahanap ng ilang salayasay sa banal na kasulatan o pahayag mula sa isang lider ng Simbahan na makatutulong sa isang tao na maunawaan ang ilan sa mga paraan ng pagsagot ng Ama sa Langit sa mga panalangin (halimbawa, Lucas 22:39–44; 2 Corinto 12:7–9; Mosias 24:10–16; Doktrina at mga Tipan 6:22–23; 8:2–3).

Tanong C: Paano maaaring makatulong ang kuwento tungkol kay Ana para sikapin ng isang tao na gawing mas mapagpakumbaba at makabuluhan ang kanyang mga panalangin?

Gumamit ng mga tool sa pag-aaral ng banal na kasulatan tulad ng Gabay sa mga Banal na Kasulatan at Gospel Library para makahanap ng ilang scripture passage o pahayag mula sa isang lider ng Simbahan na makatutulong sa isang tao na nais gawing mas mapagpakumbaba at makabuluhan ang kanyang mga panalangin (halimbawa, Enos 1:2–10; Alma 5:45–46; Eter 3:1–5; Doktrina at mga Tipan 46:30).

Ipakita ang pag-unawa

Upang matulungan ang mga estudyante na ibahagi ang natutuhan at nadama nila ngayon, maaari silang makipagpartner sa isang tao na nag-aral ng isa sa iba pang mga tanong at magturo sa isa’t isa. Maaari mong palalimin ang talakayan sa pamamagitan ng pag-anyaya sa mga estudyante na ibahagi sa klase ang kanilang mga natutuhan at hikayatin ang mga estudyanteng nag-aral ng iba pang tanong na magdagdag ng mga ideya.

Sa pagtapos sa iyong klase, tiyakin sa mga estudyante na tulad ni Ana, kailangan nating maghintay kung minsan sa sagot ng Ama sa Langit sa ating mga panalangin. Sa Kanyang paraan at itinakdang panahon, dinidinig ng Ama sa Langit ang kanilang mga panalangin at sila ay pagpapalain Niya.

Karagdagang Resources

Paano natin magagawang mas makabuluhan ang ating mga panalangin?

Itinuro ni Pangulong Russell M. Nelson:

20:27

Anong karunungan ang kulang sa inyo? Ano sa palagay ninyo ang kailangan ninyong malaman o maunawaan kaagad? Tularan ang halimbawa ni Propetang Joseph. Humanap ng tahimik na lugar na palagi ninyong mapupuntahan. Magpakumbaba sa harapan ng Diyos. Ibuhos ang inyong puso sa inyong Ama sa Langit. Humiling sa Kanya ng kasagutan at kapanatagan.

Ipanalangin sa pangalan ni Jesucristo ang inyong mga alalahanin, ang inyong mga takot, mga kahinaan—oo, ang pinakainaasam ng inyong puso. At makinig! Isulat ang mga naiisip ninyo. Itala ang inyong nadama at isagawa ang mga bagay na ipinahiwatig sa inyong gawin. Habang inuulit ninyo ang prosesong ito araw-araw, buwan-buwan, taun-taon, kayo ay “uunlad sa alituntunin ng paghahayag.”

Talaga bang nais ng Diyos na mangusap sa inyo? Oo! (“Paghahayag para sa Simbahan, Paghahayag para sa Ating Buhay,” Liahona, Mayo 2018, 95)

Ipinaliwanag ni Elder Dale G. Renlund ng Korum ng Labindalawang Apostol:

14:39

Kapag pinagninilayan natin ang kabutihan ng ating Ama sa Langit at ni Jesucristo, nadaragdagan ang ating tiwala sa Kanila. Nagbabago ang ating mga dalangin dahil alam natin na ang Diyos ay ating Ama at tayo ay Kanyang mga anak. Hindi natin hangad na baguhin ang Kanyang kalooban kundi iayon ang ating kalooban sa Kanya at kamtin para sa ating sarili ang mga pagpapalang nais Niyang ipagkaloob, kung hihilingin natin ang mga ito. Inaasam natin na maging mas mapagkumbaba, mas dalisay, mas matatag, mas katulad ni Cristo. Ang mga pagbabagong ito ay pinagigindapat tayo para sa mga karagdagang pagpapala mula sa langit. (“Pagnilayan ang Kabutihan at Kadakilaan ng Diyos,” Liahona, Mayo 2020, 43)

Ipinaalala sa atin ni Pangulong Jeffrey R. Holland ng Korum ng Labindalawang Apostol:

14:11

Huwag na huwag ninyo pagdudahan [ang pagmamahal ng Diyos para sa inyo], at huwag ninyong tigasan ang puso ninyo. Tapat na ipagpatuloy ang mabubuting gawain na naghahatid ng Espiritu ng Panginoon sa inyong buhay. Humingi ng payo sa mga mayhawak ng mga susi para sa inyong espirituwal na kapakanan. Humingi ng mga basbas ng priesthood at pahalagahan ito. Makibahagi sa sakramento linggu-linggo, at kumapit nang mahigpit sa nakasasakdal na mga pangako ng Pagbabayad-sala ni Jesucristo. Maniwala sa mga himala. Nakita ko nang dumating ang napakarami sa mga ito nang lahat ay nagpapahiwatig na wala nang pag-asa. Ang pag-asa ay hindi kailanman nawawala. Kung hindi man dumating kaagad o nang lubusan o hindi na talaga dumating ang mga himalang iyon, alalahanin ang sariling halimbawa ng pagdurusa ng Tagapagligtas: kung hindi lumampas ang mapait na saro, inumin ito at maging matatag, na nagtitiwalang darating ang mas masasayang araw. (“Parang Basag na Sisidlan,” Liahona, Nob. 2013, 40–41)

Mga Karagdagang Aktibidad sa Pag-aaral

Damhin ang kapangyarihan ng panalangin

Ang video na “I Pray When … #didyouthinktopray” (1:56) ay makatutulong sa mga estudyante na pagnilayan ang mga pagkakataong naiisip nilang manalangin. Maaari kang magbigay ng papel at mga marker at anyayahan ang mga estudyante na gumawa ng sarili nilang sign para sa #didyouthinktopray. Maaaring magtipon ang mga estudyante ng mga video ng klase at i-post ito sa social media.

1:56

Ang video na “God Wants You to Pray” (3:28) ay makatutulong sa mga estudyante na maunawaan na hindi kailanman magiging dahilan ang anumang bagay na magagawa nila upang hindi sila maging karapat-dapat na manalangin sa Ama sa Langit.

3:29

Inilaan ni Ana si Samuel sa Panginoon

Maaaring tila kakatwa para sa mga estudyante na nangako si Ana na ibibigay niya sa Panginoon ang kanyang anak na si Samuel. Tulungan ang mga estudyante na maunawaan ang alituntunin ng paglalaan, na siyang pangako natin na ibibigay sa Ama sa Langit para sa Kanyang mga layunin ang lahat ng pagpapalang ipinagkaloob Niya sa atin (tingnan sa “Consecration,” sa Topics and Questions). Maaari mong anyayahan ang mga estudyante na gumawa ng listahan sa pisara ng mga pagpapalang ibinigay sa kanila ng Panginoon. Pagkatapos ay sabihin sa mga estudyante na talakayin kung paano nila maibibigay o mailalaan sa Panginoon ang bawat item upang maisakatuparan ang Kanyang mga layunin. Pagkatapos ay maaaring pag-aralan ng mga estudyante ang 1 Samuel 2:18–21, at alamin kung paano pinagpala ng Panginoon sina Ana at Elkana dahil sa kanilang kahandaang ibigay si Samuel sa Panginoon. Si Samuel ang magiging propeta ng Panginoon sa Israel.

1 Samuel 2:1–10: Ang awit ni Ana

Upang matulungan ang mga estudyante na maipakita ang kanilang pag-unawa na sinasagot ng Ama sa Langit ang mga panalangin, maaari mong anyayahan ang mga estudyante na pag-aralan ang awit ni Ana sa 1 Samuel 2:1–10. Maaaring maghanap ang mga estudyante ng mga salita at parirala na nagpapakita ng natutuhan ni Ana tungkol sa Panginoon sa pamamagitan ng kanyang karanasan. Pagkatapos ay sabihin sa mga estudyante na gumawa ng sarili nilang awit sa kanilang study journal. Maaaring isulat ng mga estudyante ang natutuhan nila tungkol sa Ama sa Langit, kay Jesucristo, at sa kapangyarihan ng panalangin.