Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 25; 35–40: “Pinuno ng Kaluwalhatian ng Panginoon ang Tabernakulo”

“Exodo 25; 35–40: ‘Pinuno ng Kaluwalhatian ng Panginoon ang Tabernakulo,’” Manwal ng Titser ng Seminary para sa Lumang Tipan (2026)

“Exodo 25; 35–40: ‘Pinuno ng Kaluwalhatian ng Panginoon ang Tabernakulo,’” Manwal ng Titser ng Seminary para sa Lumang Tipan

Exodo 35–40; Levitico 1; 4; 16; 19: Lesson 52

Exodo 25; 35–40

“Pinuno ng Kaluwalhatian ng Panginoon ang Tabernakulo”

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Bilang pagsunod sa utos ng Panginoon, nagtayo ang mga Israelita ng tabernakulo, o templo, sa ilang. Ang tabernakulong ito ay isang naililipat na santuwaryo kung saan maaaring manahan ang Panginoon kasama ng Kanyang mga tao habang naglalakbay sila. Ang lesson na ito ay makatutulong sa mga estudyante na makadama ng mas matinding hangaring sambahin ang Panginoon sa Kanyang templo.

Paghahanda ng estudyante: Maaari mong anyayahan ang mga estudyante na gamitin ang Gospel Library o temples.ChurchofJesusChrist.org upang maghanap ng mga larawan ng mga templo o video na nauugnay sa templo. Sabihin sa mga estudyante na isipin ang nadarama nila tungkol sa templo ng Panginoon. Sabihin sa kanila na pag-isipan kung paano sila natutulungan ng mga makabagong templo na maalala ang Ama sa Langit at si Jesucristo.

Mga Posibleng Aktibidad sa Pag-aaral

Ano ang layunin ng mga templo?

Maaari mong simulan ang lesson sa pamamagitan ng pagbabahagi ng sumusunod na sitwasyon. Pagkatapos ay maaari mong ipakita ang mga tanong kasunod ng sitwasyon at anyayahan ang mga estudyante na talakayin ang mga ito sa kapartner.

Isipin kunwari na malapit nang ilaan ang templo sa inyong lugar. Inaanyayahan ninyo ang isang kaibigan na sumama sa inyo sa temple open house. Tinanggap ng kaibigan ninyo ang imbitasyon ninyo ngunit binanggit niya na wala siyang alam tungkol sa mga templo.

Ano ang gusto ninyong maunawaan ng inyong kaibigan tungkol sa mga templo at sa layunin ng mga ito?
Paano kayo tutugon kung tatanungin kayo ng kaibigan ninyo kung bakit mahalaga sa inyo ang mga templo?

Matapos talakayin ng mga estudyante ang kanilang mga sagot sa kanilang kapartner, anyayahan silang isipin ang kanilang mga sagot sa sumusunod na tanong.
Gamit ang scale mula 1 (mababa) hanggang 5 (mataas), paano ninyo ire-rate ang inyong hangaring patuloy na sambahin ang Panginoon sa templo?

Maaari mong anyayahan ang mga estudyante na isipin kung bakit ganoon ang sagot nila sa naunang tanong.

Sa pag-aaral ninyo ngayon, bigyang-pansin kung ano ang maituturo sa inyo ng Espiritu Santo tungkol sa mga templo at kung paano tayo naiuugnay ng mga ito sa Ama sa Langit at kay Jesucristo. Maghangad ng inspirasyon upang matulungan kayong makadama ng mas matinding hangarin na sambahin ang Panginoon sa Kanyang mga templo.

Iniutos ng Panginoon sa mga Israelita na magtayo ng tabernakulo

Habang nakikipag-usap kay Moises sa Bundok ng Sinai, hiniling ng Panginoon sa mga Israelita na ialay ang kanilang ginto, pilak, at iba pang mahahalagang materyal upang makapagtayo ng santuwaryo, o tabernakulo, para sa Kanya. Sa ating panahon, hinihiling din sa atin na magtayo ng mga templo upang magsilbing santuwaryo o lugar ng kabanalan.

Basahin ang Exodo 25:8, at alamin kung bakit nais ng Panginoon na magtayo ang mga Israelita ng santuwaryo.

Ano ang nalaman ninyo?
Ano ang itinuturo sa inyo ng dahilan ng Panginoon sa kautusang ito tungkol sa Kanya at sa nadarama Niya tungkol sa atin?

Simbolismo ng tabernakulo

May sinisimbolo ang mga bagay at ordenansa sa tabernakulo. Layunin ng mga ito na turuan ang Israel tungkol sa Ama sa Langit at kay Jesucristo at kung paano maglakbay sa buhay pabalik sa Kanila.

Matapos magkaroon ng sapat na oras upang makapag-aral ang mga estudyante, sabihin sa kanila na ibahagi ang natutuhan nila. Maaari mong itanong ang tulad ng mga sumusunod bilang bahagi ng talakayang ito.

Anong mga simbolo ang tila partikular na makabuluhan o interesante para sa inyo?
Ano ang itinuro sa inyo ng mga simbolo mula sa tabernakulo tungkol sa inyong Ama sa Langit at kay Jesucristo?

Mga makabagong templo

An exterior shot of the Kinshasa Democratic Republic of the Congo Temple. We see exterior images of the temple.

Maaari kang magpakita ng larawan ng isang makabagong templo. Ipaliwanag na kabilang sa mga templo ngayon ang mga ordenansa ng Melchizedek Priesthood na ipinagkait ng Diyos sa mga sinaunang Israelita dahil sa kanilang paghihimagsik. Sa kabila ng pagkakaibang ito, maraming pagkakatulad ang ating mga templo at ang sinaunang tabernakulo.

Anong mga pagkakatulad ang nakikita ninyo sa ating mga templo at sa sinaunang tabernakulo?
Anong mga katotohanan ang matututuhan ninyo mula sa mga pagkakatulad na ito?

Hikayatin ang mga estudyante na magbahagi ng iba’t ibang sagot sa naunang tanong. Maaari mong ilista sa pisara ang mga katotohanang matutukoy ng mga estudyante. Gamit ang sarili nilang mga salita, maaaring matukoy ng mga estudyante ang katotohanang tulad ng sumusunod:

Iniuutos sa atin ng Panginoon na magtayo ng mga templo upang makatahan Siya kasama natin.
Ang mga ordenansa at simbolo ng templo ay nagtuturo tungkol sa Ama sa Langit at kay Jesucristo.
Tinutulungan tayo ng templo na maghandang bumalik sa Ama sa Langit at kay Jesucristo.

Ipaliwanag na tulad ng sinaunang tabernakulo, may nilalamang mga simbolo ang mga makabagong templo na nagtuturo sa atin tungkol sa Ama sa Langit at kay Jesucristo.

Baptistry (Temples) at Provo City Center Temple

Winnipeg Manitoba Temple. An interior image of the temple featuring the Sealing Room. There are chairs around an altar. Above the altar is a chandelier. There is a stained glass window on one side.

Paano tumutulong sa inyo ang mga makabagong templo na maalala ang Ama sa Langit at si Jesucristo?

Bilang bahagi ng inyong talakayan sa naunang tanong, maaari kang magpakita ng mga larawan ng mga partikular na silid sa loob ng mga makabagong templo. Halimbawa, matapos ipakita ang isang larawan ng bautismuhan sa templo, maaari mong itanong sa mga estudyante kung ano ang maituturo sa atin ng ordenansa ng mga pagbibinyag para sa mga patay tungkol sa Ama sa Langit at kay Jesucristo. Maaari mong ipakita ang mga larawan sa itaas o ang mga larawan na kasama sa artikulong “Inside Temples,” na makikita sa ChurchofJesusChrist.org.

Maaari mo ring ipanood ang video na “Welcome to the Washington D.C. Temple” (11:46), na makikita sa ChurchofJesusChrist.org. Ang video na ito ay isa pang resource na tutulong sa mga estudyante na makita kung paano tayo tinuturuan ng mga makabagong templo tungkol sa Ama sa Langit at kay Jesucristo. Kung limitado ang oras, maaari mong panoorin ang isa sa mga sumusunod na bahagi: time code na 0:00 hanggang 3:49, time code na 4:37 hanggang 7:44, o time code na 8:16 hanggang 9:04.

11:45
Paano makakaapekto sa ating hangaring sumamba sa templo ang kaalamang natututo tayo doon tungkol sa Ama sa Langit at kay Jesucristo?
Kailan ninyo nadamang mas napalapit kayo sa Ama sa Langit at kay Jesucristo dahil sa templo o sa pakikibahagi sa gawain sa templo at family history?

Isulat ang inyong mga impresyon

Upang matulungan ang mga estudyante na pagnilayan ang natutuhan at nadama nila mula sa Espiritu Santo ngayon, maaari mo silang anyayahan na sagutin ang sumusunod na tanong sa kanilang study journal.

Ano ang natutuhan o nadama mo ngayon mula sa Espiritu Santo na nakaimpluwensya sa iyong hangaring sambahin ang Panginoon sa templo?

Maaari mong anyayahan ang ilang handang estudyante na ibahagi ang isinulat nila. Ipaalam sa mga estudyante na magkakaroon sila ng pagkakataong pagnilayan ang kanilang hangaring sambahin ang Panginoon sa templo sa Lesson 80: “I-assess ang Iyong Pagkatuto 5”.

Patotohanan ang mga katotohanang tinalakay ninyo ngayon.

Karagdagang Resources

Bakit mahalaga para sa akin na sambahin ang Panginoon sa templo?

Itinuro ni Pangulong Russell M. Nelson:

8:2

Mahal kong mga kapatid, ang mga pagsalakay ng kalaban ay lalong nadaragdagan, sa tindi at sa iba’t ibang uri. Ang pangangailangan sa malimit na pagpunta natin sa templo ay mas lalo nang napakahalaga sa ngayon. Nakikiusap ako sa inyo na mapanalanging tingnan kung saan ninyo ginugugol ang inyong oras. Mamuhunan ng oras sa inyong hinaharap at sa inyong pamilya. Kung malapit kayo sa templo, hinihikayat ko kayo na humanap ng paraan na regular na makipagkita roon sa Panginoon—sa Kanyang banal na bahay—gawin ito at gawin ito nang may kagalakan. Ipinapangako ko sa inyo na ibibigay ng Panginoon ang mga himala na alam Niyang kailangan ninyo habang nagsasakripisyo kayo upang makapaglingkod at makasamba sa Kanyang mga templo. (“Pagiging Kapuri-puring mga Banal sa mga Huling Araw,” Liahona, Nob. 2018, 114)

Ano ang dapat kong pagtuunan kapag dumadalo ako sa templo?

Itinuro ni Pangulong Jeffrey R. Holland ng Korum ng Labindalawang Apostol:

14:46

Kapag nagpunta ang isang tao sa banal na templo sa unang pagkakataon, maaaring medyo mabigla siya sa karanasang iyon. Tungkulin nating tiyakin na hindi makagambala kailanman ang sagradong mga simbolo at inihayag na mga ritwal, ang pananamit sa seremonya at biswal na mga pagtatanghal, kundi sa halip ay magtuon sa Tagapagligtas, na naroon tayo upang sambahin. Ang templo ay bahay Niya, at Siya dapat ang manguna sa ating puso’t isipan—ang dakilang doktrina ni Cristo na laganap sa ating buong pagkatao na tulad sa mga ordenansa sa templo—mula sa sandaling mabasa natin ang nakasulat sa pintuan sa harapan [“Kabanalan sa Panginoon. Ang Bahay ng Panginoon.”] hanggang sa pinakahuling sandaling gugugulin natin sa gusaling iyon. Sa gitna ng lahat ng paghanga natin, dapat nating tingnan, higit sa lahat, ang kahulugan ni Jesus sa templo. (“Ang Mensahe, ang Kahulugan, at ang Maraming Tao,” Liahona, Nob. 2019, 7)

Paano kung kinakabahan ako sa pagdalo sa templo?

Itinuro ni Pangulong Russell M. Nelson:

18:59

Kung hindi pa ninyo gustong pumunta sa templo, magpunta nang mas madalas—hindi nang minsan lang. Hayaang turuan at bigyang-inspirasyon kayo roon ng Panginoon, sa pamamagitan ng Kanyang Espiritu. Ipinapangako ko sa inyo na sa paglipas ng panahon, ang templo ay magiging lugar ng kaligtasan, kapanatagan, at paghahayag. (“Ang Templo at ang Inyong Espirituwal na Pundasyon,” Liahona, Nob. 2021, 95)

Mga Karagdagang Aktibidad sa Pag-aaral

Alternatibong simula

Bago magklase, hanapin ang istatistikal na ulat na ibinigay sa sesyon sa Sabado ng hapon ng pinakahuling pangkalahatang kumperensya ng Abril. Makikita mo ito sa newsroom.ChurchofJesusChrist.org, o sa pinakahuling isyu ng Mayo ng Liahona.

Magpakita ng mga larawan ng mga templo, at magtanong sa mga estudyante tungkol sa mga templo batay sa istatistikal na ulat. Halimbawa, maaari mong itanong kung ilang templo ang ginagamit na, kung aling mga templo ang itinatayo, kung aling mga templo ang inihayag kamakailan, at iba pa. At para naman ihanda ang mga estudyante na pag-aralan ang tungkol sa utos ng Panginoon sa mga Israelita na magtayo ng tabernakulo, maaari mong itanong:

Paano tayo pinagpapala sa pagtatayo ng mga templo?

Mga karagdagang video

Maaari mong gamitin ang mga sumusunod na video sa iba’t ibang bahagi ng lesson:

“Temples” (5:40). Inilalarawan ng iba’t ibang iskolar at Banal sa mga Huling Araw kung ano ang mga templo at kung bakit mahalaga ang mga ito. Maaari mong gamitin ang video na ito sa simula ng lesson, o maaari mo itong gamitin sa pagtatapos ng lesson bago mo tanungin ang mga estudyante kung paano sila mas napalapit sa Ama sa Langit at kay Jesucristo nang dahil sa templo.

5:48

“Mga Templo ng mga Banal sa mga Huling Araw” (1:40). Ang video na ito ay nagbibigay ng maikling pambungad sa mga templo at sa layunin ng mga ito. Maaari mo itong gamitin sa simula ng lesson.

1:40