Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Levitico, Bahagi 1: “Ang Bagay na Ito Ay Kahalintulad”

“Levitico, Bahagi 1: ‘Ang Bagay na Ito Ay Kahalintulad,’” Manwal ng Titser ng Seminary para sa Lumang Tipan (2026)

“Levitico, Bahagi 1: ‘Ang Bagay na Ito Ay Kahalintulad,’” Manwal ng Titser ng Seminary para sa Lumang Tipan

Exodo 35–40; Levitico 1; 4; 16; 19: Lesson 53

Levitico, Bahagi 1

“Ang Bagay na Ito Ay Kahalintulad”

Composite of an image of an Old Testament priest offering a sacrifice, and Jesus Christ on the cross.

Bagama’t tila kakaiba ang pag-aalay ng mga hayop ngayon, ang mga sakripisyong ito ay nakatulong sa sinaunang Israel na malaman at mapahalagahan ang ipinangako ng Tagapagligtas na gagawin Niya para sa kanila. Ang pag-aaral tungkol sa mga sinaunang sakripisyong ito ay makatutulong din sa atin na malaman at mapahalagahan ang ginawa ng Tagapagligtas para sa atin. Ang lesson na ito ay makatutulong sa mga estudyante na makadama ng pasasalamat kay Jesucristo at sa Kanyang nagbabayad-salang sakripisyo.

Paghahanda ng estudyante: Sabihin sa mga estudyante na isipin ang payo na ibibigay nila sa isang taong nahihirapang maunawaan ang ginawa ni Jesucristo para sa kanila. Maaari mo ring anyayahan ang mga estudyante na tanungin ang isang kapamilya o kaibigan kung ano ang maipapayo niya.

Mga Posibleng Aktibidad sa Pag-aaral

Ano ang ginawa Niya para sa akin?

Upang maihanda ang mga estudyante na pag-usapan si Jesucristo, maaari mong ibahagi ang sumusunod na karanasan.

Ibinahagi ni Pangulong Dallin H. Oaks ng Unang Panguluhan ang sumusunod na pakikipag-ugnayan niya sa isang miyembro ng Simbahan:

12:44

Sa miting ng Sabado ng gabi sa isang stake conference maraming taon na ang nakararaan, nakilala ko ang isang babaeng nagsabi na pinababalik siya ng kanyang mga kaibigan sa simbahan pagkaraan ng maraming taon ng hindi pagiging aktibo, ngunit wala siyang maisip na dahilan para gawin iyon. Para mahimok siya, sinabi ko, “Kapag pinag-isipan mo ang lahat ng nagawa ng Tagapagligtas para sa iyo, marami kang dahilan para bumalik upang sumamba at maglingkod sa Kanya.” Nagulat ako nang sumagot siya ng, “Ano ang nagawa Niya para sa akin?” (“Ano ang Nagawa ng Ating Tagapagligtas para sa Atin?,” Liahona, Mayo 2021, 75)

Isipin kung ano ang sasabihin ninyo sa babae kung itinanong niya ito sa inyo.

Paano maaaring maapektuhan ang ating buhay kung hindi natin nakikita o naaalala ang ginawa ng Tagapagligtas para sa atin?

Upang matulungan ang mga estudyante na gawing personal ang lesson ngayon, maaari mong ipakita ang mga sumusunod na tanong. Bigyan ng oras ang mga estudyante na isulat ang kanilang mga sagot sa kanilang study journal.
Ano ang nagawa ng Tagapagligtas para sa iyo?
Ano ang nadarama mo tungkol kay Jesucristo dahil sa nagawa niya para sa iyo?

Habang pinag-aaralan ninyo ang Levitico ngayon, humingi ng patnubay sa Espiritu Santo tungkol sa kung paano ninyo mapapalalim ang inyong pasasalamat sa nagawa ng Panginoon para sa inyo.

Paghahanap kay Cristo sa mga sakripisyo

Upang maihanda ang mga estudyante na pag-aralan ang Levitico, maaari mong ipakita ang mga larawan mula sa simula ng lesson. Sabihin sa mga estudyante na talakayin ang nalalaman nila tungkol sa sinaunang ordenansa ng pag-aalay ng hayop. Halimbawa, maaari mong itanong sa kanila kung kailan unang iniutos ng Diyos sa Kanyang mga anak na magsagawa ng mga pag-aalay ng hayop at kung bakit Niya ibinigay ang utos na iyon. Kung kinakailangan, maaari mong ipabasa sa mga estudyante ang Moises 5:6–7. Pagkatapos ay itanong ang sumusunod.

Ano ang kinakatawan ng mga sakripisyong ito?

Tulungan ang mga estudyante na maunawaan na mula pa noong panahon nina Adan at Eva, iniutos na ng Diyos sa Kanyang mga tao na magsagawa ng mga pag-aalay ng hayop upang matulungan silang umasa sa Tagapagligtas at sa Kanyang nagbabayad-salang sakripisyo. Ang kaugalian na ito ay nagwakas sa kamatayan ni Jesucristo, na siyang “dakila at huling hain” (Alma 34:10).

Ang aklat ng Levitico ay naglalaman ng mga tagubilin ng Panginoon sa pag-aalay ng hayop at iba pang uri ng sakripisyo na hiningi Niya sa Kanyang mga tao. Ang Levitico ay parang isang hanbuk na nagbibigay ng mga tagubilin para sa mga ordenansa, ritwal, at sagradong responsibilidad ng sinaunang Israel.

Pagkatapos mag-aral ng mga estudyante, ipabahagi sa kanila ang ilan sa mga sagot nila sa mga tanong sa handout. Maaari mong gamitin ang sumusunod na tanong upang tulungan ang mga estudyante na ibuod ang natutuhan nila.

Paano ninyo ibubuod sa isang simpleng pahayag ang natutuhan ninyo ngayon tungkol sa Tagapagligtas at sa Kanyang nagbabayad-salang sakripisyo?

Maaaring magbahagi ang mga estudyante ng iba’t ibang katotohanan, tulad ng:

Kusang-loob na inialay ni Jesucristo ang Kanyang sarili bilang sakripisyo para sa atin.
Mapapatawad tayo sa ating mga kasalanan dahil kay Jesucristo.
Sa pamamagitan ng Kanyang nagbabayad-salang sakripisyo, si Jesucristo ay nagbayad para sa ating mga kasalanan sa pamamagitan ng pagpasan Niya sa mga ito.

Upang mapalalim ang pasasalamat ng mga estudyante sa mga katotohanang ito, maaari mong gamitin ang sumusunod na pahayag at mga tanong. Maaaring nagamit mo na ang pahayag na ito sa Lesson 27: “Genesis 22.”

Ipinaliwanag ni Pangulong Dallin H. Oaks ng Unang Panguluhan kung bakit ginawa ni Jesucristo ang Pagbabayad-sala:

Ginawa ni Jesucristo ang lahat ng ito dahil mahal Niya ang lahat ng anak ng Diyos. Pagmamahal ang dahilan ng lahat ng ito, at gayon na ito noong una pa man. …

[D]alangin ko na maalala nating lahat ang nagawa ng ating Tapagligtas para sa bawat isa sa atin. (“Ano ang Nagawa ng Ating Tagapagligtas para sa Atin?,” Liahona, Mayo 2021, 77)

Paano nakatutulong sa inyo na malaman na hinayaan ni Jesucristo na isakripisyo ang Kanyang sarili dahil mahal Niya kayo?
Ano ang ilang paraan upang maalala natin ang Panginoon at ang Kanyang sakripisyo?

Tulungan ang mga estudyante na maunawaan na ang isang paraan upang maalala natin ang sakripisyo ng Tagapagligtas ay ang pagtanggap ng sakramento linggu-linggo.

Upang matulungan ang mga estudyante na makita ang kaugnayan ng sinaunang sakripisyo at ng sakramento, maaari mong ipanood ang video na “Always Remember Him” (5:27), na makikita sa ChurchofJesusChrist.org. Pagkatapos ay maaari mong itanong ang mga sumusunod.

5:28
Paano natutulad ang sakramento sa mga sinaunang sakripisyo?
Paano ninyo sinisikap na alalahanin ang Tagapagligtas sa inyong buhay sa araw-araw?

Ang ginawa ni Jesus para sa akin

Bigyan ng panahon ang mga estudyante na pagnilayan ang kanilang nadarama kay Jesucristo. Upang maihanda sila na gawin ito, maaari mong anyayahan ang klase na kantahin ang “Ako ay Namangha” (Mga Himno, blg. 115). Maaaring tumukoy ang mga estudyante ng mga parirala mula sa himno na nagpapakita ng nadarama nila sa Tagapagligtas.

Bilang alternatibo, maaari mong anyayahan ang mga estudyante na pumili ng ibang himno o banal na kasulatan tungkol sa Tagapagligtas at sa Kanyang Pagbabayad-sala. Maaari silang magbahagi ng mga pariralang nagpapakita ng nadarama nila sa Kanya.

Pagkatapos ay sabihin sa mga estudyante na sagutin ang sumusunod na tanong sa kanilang study journal.

Ano ang nadarama mo tungkol sa Tagapagligtas at sa ginawa Niya para sa iyo?

Maaaring ipahayag ng mga handang estudyante ang kanilang mga naiisip at nadarama tungkol sa Tagapagligtas. Maaari mo ring ibahagi ang iyong sariling nadarama at patotoo tungkol sa Kanya.

Karagdagang Resources

Bakit iniutos ng Panginoon sa sinaunang Israel na mag-alay ng mga hayop?

Itinuro ni Propetang Joseph Smith (1805–44):

Siyempre pa, ang pagbuhos ng dugo ng isang hayop ay walang saysay sa sinumang tao, maliban kung ginawa ito para gayahin, o kahalintulad ng, o paliwanag ng kung ano ang iaalay sa pamamagitan ng kaloob mismo ng Diyos—at gawin ito na nakatuon ang mata sa pananampalataya sa kapangyarihan ng dakilang Sakripisyong iyon para sa kapatawaran ng mga kasalanan. (Mga Turo ng mga Pangulo ng Simbahan: Joseph Smith [2007], 57)

Paano nakatuon kay Jesucristo ang mga pag-aalay ng hayop?

Ipinaliwanag ni Pangulong M. Russell Ballard (1928–2023) ng Korum ng Labindalawang Apostol:

Lahat ng bagay tungkol sa pag-aalay ayon sa batas ni Moises ay nakatuon kay Cristo. …

Una, katulad ni Cristo, ang hayop ay pinili at itinalaga sa pamamagitan ng pagpapatong ng mga kamay. (Ang titulong Mesiyas sa wikang Hebreo at ang titulong Cristo sa wikang Griyego ay kapwa nangangahulugang “ang Pinahiran.”) Pangalawa, dapat paagusin ang dugo ng hayop. Pangatlo, kailangang ito ay walang kapintasan—walang anumang pisikal na kapintasan, ganap, buo, at perpekto. Pang-apat, ang alay ay dapat malinis at karapat-dapat. Panglima, ang alay ay dapat kinuha sa kawan o bakahan; ibig sabihin, hindi mabangis kundi maamo at nakatutulong sa tao (tingnan sa Levitico 1:2–3, 10; 22:21). Pang-anim at pampito, para sa orihinal na pag-aalay na ginawa ni Adan at ang pinakakaraniwang pag-aalay sa batas ni Moises, ang hayop ay dapat na panganay at isang lalaki (tingnan sa Exodo 12:5; Levitico 1:3; 22:18–25). (“The Law of Sacrifice,” Ensign, Okt. 1998, 9–10)

Itinuro ni Pangulong Dallin H. Oaks ng Unang Panguluhan:

12:44

Tiniis ng ating Tagapagligtas at Manunubos ang hindi maunawaang pagdurusa upang maging sakripisyo para sa mga kasalanan ng lahat ng mortal na magsisisi. Inialay ng nagbabayad-salang sakripisyong ito ang sukdulang kabutihan, ang dalisay na korderong walang bahid-dungis para sa sukdulang kasamaan, ang mga kasalanan ng buong sanlibutan. Binuksan nito ang pintuan para malinis ang bawat isa sa atin sa ating personal na mga kasalanan upang muli tayong tanggapin sa kinaroroonan ng ating Diyos Amang Walang Hanggan. Ang bukas na pintuang ito ay para sa lahat ng anak ng Diyos. (“Ano ang Nagawa ng Ating Tagapagligtas para sa Atin?,” Liahona, Mayo 2021, 76)

Bakit hindi nag-aalay ng mga hayop ang mga miyembro ng Simbahan ng Panginoon sa panahong kasalukuyan?

Ang utos na mag-alay ng mga hain na hayop ay nagwakas sa pagkamatay ni Jesucristo. Sa Simbahan ngayon, ang ordenansa ng sacrament ay nagpapaalala sa nagbabayad-salang sakripisyo ng Tagapagligtas. (Mga Paksa ng Ebanghelyo, “Sakripisyo,” Gospel Library)

Mga Karagdagang Aktibidad sa Pag-aaral

Alternatibong simula sa lesson

Sa halip na gamitin ang karanasan ni Pangulong Oaks mula sa simula ng lesson, maaari mong ibahagi ang sumusunod na sitwasyon:

Isipin kunwari na nakaupo sa sacrament meeting ang isang binatilyo at iniisip niya: “Palaging sinasabi ng lahat kung gaano nila kamahal si Jesus, ngunit hindi ko alam kung ganoon din ang nadarama ko. Ano ang ginawa Niya para sa akin?”

Sabihin sa mga estudyante na mag-isip ng payo na ibibigay nila sa binatilyong ito.

Video na nagpapakita ng pag-aalay ng hayop

Maaaring makinabang ang mga estudyante sa pag-iisip ng mga pag-aalay ng hayop. Ang paggawa nito ay maaaring magbigay sa kanila ng higit na pagpapahalaga sa Tagapagligtas dahil sa Kanyang sakripisyo. Maaari mong ipanood ang video na “Sacrifice and Sacrament” (12:41). Maaari mong ipanood ang buong video o ang bahagi lamang na nagpapaliwanag sa pag-aalay ng hayop, mula sa time code na 2:58 hanggang 8:26. Kung bahagi lamang ng video ang ipapanood mo, maaaring makatulong na ipaliwanag muna na ang video na ito ay tungkol sa dalawang tao na babalik sa nakaraan upang matutuhan ang tungkol sa mga sinaunang sakripisyo.

12:41

Video ng isang himno

Sa halip na ipakanta sa mga estudyante ang “Ako ay Namangha” (Mga Himno, blg. 115), maaari mong ipanood ang video na “Sacrifice and Sacrament” (5:15), na makikita sa ChurchofJesusChrist.org.

5:16