Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Eksodosy 25; 35–40: “Ny voninahitr’i Jehovah nameno ny tabernakely”

“Eksodosy 25; 35–40: -Ny voninahitr’i Jehovah nameno ny Tabernakely-”, Testamenta Taloha: Boky torolalana ho an’ny mpampianatra seminera (2026)

“Eksodosy 25; 35–40: -Ny voninahitr’i Jehovah nameno ny tabernakely-”, Testamenta Taloha: Boky torolalana ho an’ny mpampianatra seminera

Eksodosy 35–40; Levitikosy 1; 4; 16; 19: Lesona 52

Eksodosy 25; 35–40

“Ny voninahitr’i Jehovah nameno ny tabernakely”

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Ho fankatoavana ny didin’ny Tompo dia nanangana tabernakely, na tempoly tany an-tany foana ny Isiraelita. Io tabernakely io dia toerana masina azo nentina nifindrafindra izay nahafahan’ny Tompo nitoetra teo anivon’ny vahoakany rehefa nandeha izy ireo. Ity lesona ity dia afaka manampy ny mpianatra hahatsapa faniriana misimisy kokoa hitsaoka ny Tompo ao amin’ny tempoliny.

Fanomanana ny mpianatra: Hevero ny hanasa ny mpianatra hampiasa ny Médiathèque de l’Évangile na ny temples.ChurchofJesusChrist.org mba hahitana sarina tempoly na horonan-tsary mifandray amin’ny tempoly. Asao ny mpianatra hieritreritra ny zavatra tsapany momba ny tempolin’ny Tompo. Asao izy ireo handinika ny fomba hanampian’ireo tempoly amin’izao andro maoderina izao azy ireo hahatsiaro ny Ray any An-danitra sy i Jesoa Kristy.

Sahanasa fianarana azo atao

Inona no tanjon’ny tempoly?

Hevero ny hanomboka ny lesona amin’ny alalan’ny fizarana ity rafi-tantara manaraka ity. Azonao atao avy eo ny mampiseho ireo fanontaniana aorian’ilay rafi-tantara ary manasa ny mpianatra hifanakalo hevitra momba izany miaraka amin’ny namana iray.

Alaovy sary an-tsaina hoe hisy tempoly iray hatokana tsy ho ela eo amin’ny faritra misy anao. Manasa namana iray ianao hanatrika ny varavarana misokatra ho an’ilay tempoly miaraka aminao. Manaiky ilay fanasanao ny namanao saingy nilaza izy fa tsy mahafantatra na inona na inona momba ny tempoly.

Inona no tianao ho takatr’ilay namanao momba ny tempoly sy ny tanjom-pisian’izy ireny?
Inona no mety havalinao raha toa ka manontany anao ny antony maha-manan-danja ny tempoly aminao ilay namanao?

Rehefa avy nifanakalo hevitra momba ny valin-teniny tamin’ny namany ny mpianatra dia asao izy ireo hieritreritra ny valin-tenin’izy ireo amin’ity fanontaniana manaraka ity.
Amin’ny alalan’ny fampiasana maridrefy manomboka amin’ny 1 (ambany) ka hatramin’ny 5 (ambony), dia firy no isa handrefesanao ny fanirianao hitsaoka tsy tapaka ny Tompo ao amin’ny tempoly?

Hevero ny hanasa ny mpianatra hieritreritra ny antony namalian’izy ireo ilay fanontaniana teo aloha tamin’ny fomba namaliany izany.

Rehefa mandalina ianao anio, dia jereo tsara ny zavatra azon’ny Fanahy Masina ampianarina anao momba ny tempoly sy ny fomba ampifandraisan’izany antsika amin’ny Ray any An-danitra sy i Jesoa Kristy. Mikatsaha ny fitaoman’ny Fanahy mba hanampiana anao hahatsapa faniriana misimisy kokoa hitsaoka ny Tompo ao amin’ireo tempoliny.

Nandidy ny Israelita hanangana tabernakely ny Tompo

Raha niresaka tamin’i Mosesy teo amin’ny Tendrombohitra Sinay ny Tompo dia nangataka ny hanoloran’ny Isiraelita ny volamenany sy ny volafotsiny ary ireo fitaovana sarobidy hafa mba hanorenana toerana masina na tabernakely ho Azy. Amin’izao androntsika izao dia nasaina ihany koa isika hanorina tempoly mba ho toerana masina na ho toeran’ny fahamasinana.

Vakio ny Eksodosy 25:8, ary tadiavo ny antony nandidian’ny Tompo ny Isiraelita hanangana tabernakely.

Inona no hitanao?
Inona no ampianarin’ny anton’io didy nomen’ny Tompo io anao momba Azy sy ny zavatra tsapany momba antsika?

Ny tandindona asehon’ny tabernakely

Ireo zavatra sy ôrdônansy ao amin’ny tabernakely dia tandindona. Natao hampianatra an’ Isiraely momba ny Ray any An-danitra sy i Jesoa Kristy izy ireny ary ny fomba hanaovana ny dia eto an-tany hiverina any amin’ Izy Ireo.

Rehefa nomena fotoana ampy handalinana ny mpianatra dia asao izy ireo mba hizara ny zavatra nianarany. Azonao atao ny mametraka fanontaniana toy ireto manaraka ireto ao anatin’ny fifanakalozan-kevitra ataonareo.

Inona avy ireo tandindona izay toa manan-danja manokana na mahaliana anao?
Inona no ampianarin’ireo tandindona ao amin’ny tabernakely anao momba ny Ray any An-danitra sy i Jesoa Kristy?

Tempoly maoderina

An exterior shot of the Kinshasa Democratic Republic of the Congo Temple. We see exterior images of the temple.

Hevero ny hampiseho sarina tempoly maoderina iray. Hazavao fa ny tempoly ankehitriny dia ahitana ireo ôrdônansin’ny Fisoronana Melkizedeka izay nohazonin’ Andriamanitra tsy nomeny an’ireo Isiraelita fahiny noho ny fikomian’izy ireo. Na dia eo aza izany fahasamihafana izany dia misy fitoviana maro izay ifampizaran’ny tempolintsika amin’ny tabernakely fahiny.

Inona avy ireo fitoviana hitanao eo amin’ny tempolintsika sy ny tabernakely fahiny?
Inona avy ireo fahamarinana ianaranao avy amin’ireo fitoviana ireo?

Amporisiho ny mpianatra hizara valiny isan-karazany amin’ilay fanontaniana teo aloha. Azonao tanisaina eny amin’ny solaitrabe ireo fahamarinana hitan’ny mpianatra. Afaka mamantatra fahamarinana toy izao manaraka izao ireo mpianatra amin’ny fampiasana ny teniny manokana:

Mandidy antsika hanorina tempoly ny Tompo mba hahafahany mitoetra eo anivontsika.
Mampianatra momba ny Ray any An-danitra sy i Jesoa Kristy ireo ôrdônansy sy tandindona ao amin’ny tempoly.
Manampy antsika hiomana hiverina any amin’ny Ray any An-danitra sy i Jesoa Kristy ny tempoly.

Hazavao fa, tahaka ny tabernakely fahiny, ireo tempoly maoderina dia ahitana tandindona izay mampianatra antsika momba ny Ray any An-danitra sy i Jesoa Kristy.

Baptistry (Temples) at Provo City Center Temple

Winnipeg Manitoba Temple. An interior image of the temple featuring the Sealing Room. There are chairs around an altar. Above the altar is a chandelier. There is a stained glass window on one side.

Inona avy ireo fomba anampian’ireo tempoly maoderina anao hahatsiaro ny Ray any An-danitra sy i Jesoa Kristy?

Ao anatin’ny fifanakalozan-kevitra ataonareo momba ilay fanontaniana teo aloha dia hevero ny hampiseho sarina efitrano manokana ao anatin’ireo tempoly maoderina. Ohatra, rehefa avy miresaka momba ny sarin’ny dobo fanaovana batisa iray ao amin’ny tempoly ianao dia azonao anontaniana ny mpianatra hoe inona no azon’ny ôrdônansin’ny batisa ho an’ny maty ampianarina antsika momba ny Ray any An-danitra sy i Jesoa Kristy. Azonao atao ny mampiasa ireo sary etsy ambony na ireo sary hita ao amin’ny lahatsoratra “L’intérieur des temples,” izay hita ao amin’ny ChurchofJesusChrist.org.

ChurchofJesusChrist.org

11:45
Mety hiova toy ny ahoana ny faniriantsika hitsaoka any amin’ny tempoly rehefa fantatsika fa mampianatra antsika momba ny Ray any An-danitra sy i Jesoa Kristy ny tempoly?
Oviana ianao no nahatsapa ho akaiky kokoa ny Ray any An-danitra sy i Jesoa Kristy noho ny tempoly na tamin’ny alalan’ny fandraisana anjara tamin’ny asa atao any amin’ny tempoly sy ny fanaovana tantaram-pianakaviana?

Raketo ireo zavatra tsapanao

Mba hanampiana ny mpianatra hisaintsaina ny zavatra nianarany sy tsapany avy amin’ny Fanahy Masina androany, dia hevero ny hanasa azy ireo hamaly ity fanontaniana manaraka ity ao amin’ny diary fandalinan’izy ireo.

Inona no nianaranao na tsapanao androany avy amin’ny Fanahy Masina ka nisy fiantraikany teo amin’ny fanirianao hitsaoka ny Tompo any amin’ny tempoly?

Afaka manasa mpianatra vitsivitsy izay vonona hizara ny zavatra nosoratany ianao. Ampahafantaro ny mpianatra fa hanana fahafahana hisaintsaina ny faniriany hitsaoka ny Tompo ao amin’ny tempoly izy ireo ao amin’ny Lesona 80: “Tombano ny fianaranao 5”.

Mijoroa ho vavolombelona momba ireo fahamarinana noresahinareo androany.

Loharanom-pitaovana fanampiny

Nahoana no zava-dehibe amiko ny mitsaoka ny Tompo any amin’ny tempoly?

Nampianatra ny Filoha Russell M. Nelson hoe:

8:2

Ry rahalahy sy ranabavy malalako, mitombo be hatrany hatrany ny fanafihan’ny fahavalo, na amin’ny heriny izany na amin’ny karazany. Tsy mbola lehibe toy izao ny filantsika mandeha matetika tsy tapaka any amin’ny tempoly. Miangavy anareo aho mba hijery ombam-bavaka ny fomba fandanianareo ny fotoanareo. Manokàna fotoana ho an’ny hoavinareo sy ny hoavin’ny fianakavianareo. Raha tsy lavitra be ny tempoly ny misy anareo dia mamporisika anareo aho mba hanamboatra fotoana hihaonana matetika amin’ny Tompo, ho ao amin’ny tranony masina, ary hihazona izany fotoana izany tsy hiovaova ary am-pifaliana. Mampanantena anareo aho fa hitondra ireo fahagagana izay fantany fa ilainareo ny Tompo rehefa manolo-tena hanompo sy hitsaoka Azy any amin’ny tempoliny ianareo. (“Lasa Olomasin’ny Andro Farany maodely”, Liahona, nôv. 2018, 114)

Inona no tokony hifantohako rehefa manatrika fotoana any amin’ny tempoly aho?

Nampianatra ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

14:46

Rehefa vao sambany ny olona iray no mankany amin’ny tempoly masina dia mety ho gaga amin’ny zavatra iainany izy. Ny asantsika dia ny hanao izay hahatonga ireo famantarana masina sy ireo fombafomba voambara, ny fitafy entina manatanteraka ny fombafomba sy ny fanehoana an-tsary, mba tsy hampiala ny fifantohana fa hisarika ny saina kosa ho any amin’ny Mpamonjy, izay mahatonga antsika hitsaoka any. Ny tempoly dia tranony, ary tokony ho Izy no tena manan-danja indrindra ao an-tsaintsika sy ao am-pontsika, ilay fotopampianarana kanton’i Kristy manenika ny aina manontolo tahaka ny hamenoany ireo ôrdônansin’ny tempoly, manomboka amin’ilay fotoana hamakiantsika ny soratra eo amin’ny varavarana anoloana [hoe “Hamasinana ho an’ny Tompo. Ny Tranon’ny Tompo.”] hatramin’ilay fotoana farany maha-ao amin’ilay trano antsika. Eo anivon’ireo zavatra mahatalanjona tojo antsika ao dia tokony ho ny lanjan’i Jesoa no hitantsika ambonin’ny zavatra rehetra. (“Ny hafatra, sy ny dikany, ary ny olona”, Liahona, nôv. 2019, 7)

Ahoana raha mahatsapa ho sahiran-tsaina aho mikasika ny fanatrehana fotoana any amin’ny tempoly?

Nampianatra ny Filoha Russell M. Nelson hoe:

18:60

Raha toa ka mbola tsy tianao ny manatrika ny tempoly dia mandehana any matetika fa aza ahena. Avelao ny Tompo, amin’ny alalan’ny Fanahiny, hampianatra sy hanentana ny fanahinao rehefa any. Mampanantena anao aho fa rehefa mandeha ny fotoana dia ho lasa toeram-piarovana, sy fahazoana fampiononana, ary fanambarana ho anao ny tempoly. (“Ny tempoly sy ny fototra ara-panahinao”, Liahona, nôv. 2021, 95)

Sahanasa fianarana fanampiny

Fanombohana azo atao solony

Alohan’ny fotoam-pianarana dia tadiavo ny tatitra momba ny antontan’isa izay nomena nandritra ny fivoriana sabotsy tolakandro tamin’ny fihaonamben’ny Fiangonana maneran-tany aprily farany indrindra. Afaka mahita izany ianao ao amin’ny newsroom.ChurchofJesusChrist.org, na ao amin’ny laharan’ny Liahona volana may izay farany indrindra.

Mampisehoa sarina tempoly, ary ametraho fanontaniana vitsivitsy momba ny tempoly mifototra amin’ny tatitra momba ny antontan’isa ireo mpianatra. Ohatra, azonao atao ny manontany hoe firy ireo tempoly am-perinasa, ireo tempoly eo an-dalam-panamboarana, ireo tempoly nambara vao haingana, sy ny sisa. Avy eo, ho fanomanana ny mpianatra handalina momba ny didin’ny Tompo ho an’ny Isiraelita mba hanangana tabernakely, dia hevero ny hanontany hoe:

Ahoana no hitahiana antsika amin’ny alalan’ny fananganana tempoly?