Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Levitikosy, tapany 1: “Ity zavatra ity dia tandindo[na]”

“Levitikosy, tapany 1: -Ity zavatra ity dia tandindona-”, Testamenta Taloha: Boky torolalana ho an’ny mpampianatra seminera (2026)

“Levitikosy, tapany 1: -Ity zavatra ity dia tandindona-”, Testamenta Taloha: Boky torolalana ho an’ny mpampianatra seminera

Eksodosy 35–40; Levitikosy 1; 4; 16; 19: Lesona 53

Levitikosy, tapany 1

“Ity zavatra ity dia tandindo[na]”

Composite of an image of an Old Testament priest offering a sacrifice, and Jesus Christ on the cross.

Na dia toa hafahafa aza ny fanaovana sorona biby amin’izao fotoana izao, ireo sorona ireo dia nanampy an’ Isiraely fahiny hahafantatra sy hankasitraka ny zavatra izay nanaovan’ny Mpamonjy fanekempihavanana fa hataony ho azy ireo. Torak’izany koa, ny fianarana momba ireo sorona fahiny ireo dia afaka manampy antsika hahafantatra sy hankasitraka ny zavatra nataon’ny Mpamonjy ho antsika. Ity lesona ity dia afaka manampy ny mpianatra hahatsapa fankasitrahana an’i Jesoa Kristy sy ny sorona fanavotana nataony.

Fanomanana ny mpianatra: Asao ny mpianatra hisaintsaina ny torohevitra homen’izy ireo olona iray izay tsy mety mahatakatra tsara ny zavatra nataon’i Jesoa Kristy ho azy ireo. Azonao atao ihany koa ny manasa ny mpianatra hanontany olona iray ao amin’ny fianakaviana na namana iray ny torohevitra homen’izy ireo.

Sahanasa fianarana azo atao

Inona no nataony ho ahy?

Mba hanomanana ny mpianatra hiresaka momba an’i Jesoa Kristy dia hevero ny hizara ity zavatra niainana manaraka ity.

Ny Filoha Dallin H. Oaks ao amin’ny Fiadidiana Voalohany dia nizara ity fifaneraserany tamin’ny mpikambana iray ato amin’ny Fiangonana manaraka ity:

12:44

Nandritra ny fivoriana sabotsy hariva tamin’ny fihaonamben’ny tsatòka iray taona maro lasa izay dia nihaona tamin’ny vehivavy iray izay aho izay nilaza fa nangataka azy hiverina ato am-piangonana ny namany iray taorian’ny taona maro nampalaindaina azy, saingy tsy nahita antony tokony hanaovany izany izy. Mba hamporisihana azy dia hoy aho hoe: “Rehefa eritreretinao ireo zava-drehetra nataon’ny Mpamonjy ho anao, dia manana antony maro hiverenana hitsaoka sy hanompo Azy ianao.” Gaga aho rehefa namaly izy hoe: “Fa inona no nataony ho ahy?” (“Inona no nataon’ny Mpamonjintsika ho antsika?”, Liahona, mey 2021, 75)

Saintsaino ny zavatra holazainao amin’ilay vehivavy raha toa ka nametraka io fanontaniana io taminao izy.

Raha toa isika ka tsy mahafantatra na mahatsiaro ny zavatra nataon’ny Mpamonjy ho antsika dia inona no mety ho fiantraikan’izany eo amin’ny fiainantsika?

Mba hanampiana ireo mpianatra hampifandray amin’ny tenany manokana ny lesona anio, dia hevero ny hampiseho ireto fanontaniana manaraka ireto. Omeo fotoana ny mpianatra hirakitra an-tsoratra ny valin-tenin’izy ireo ao amin’ny diary fandalinan’izy ireo.
Inona no nataon’ny Mpamonjy ho anao?
Inona no zavatra tsapanao momba an’i Jesoa Kristy manoloana ny zavatra nataony ho anao?

Rehefa mandalina ny Levitikosy ianao anio dia mikatsaha fitarihana avy amin’ny Fanahy Masina mikasika ny fomba ahafahanao mampiorom-paka ny fankasitrahanao noho ny zavatra nataon’ny Tompo ho anao.

Mahita an’i Kristy ao amin’ireo sorona

Mba hanomanana ny mpianatra handalina ny Levitikosy dia hevero ny hampiseho ireo sary tany am-piandohan’ny lesona. Asao ny mpianatra hifanakalo hevitra ny amin’ny zavatra fantany momba ny ôrdônansin’ny fanaovana sorona biby fahiny. Ohatra, azonao atao ny manontany azy ireo hoe oviana no nandidian’ Andriamanitra voalohany ireo zanany mba hanao sorona biby sy ny antony nanomezany izany didy izany. Raha ilaina dia azonao atao ny manasa ny mpianatra hijery ny Mosesy 5:6–7. Mametraha an’ity fanontaniana manaraka ity avy eo.

Naneho inona ireo sorona ireo?

Ampio ny mpianatra hahatakatra fa nanomboka tamin’ny andron’i Adama sy i Eva dia nandidy ny vahoakany Andriamanitra hanao sorona biby mba hanampiana azy ireo hiandrandra ny Mpamonjy sy ny sorona fanavotana hataony. Nifarana tamin’ny fahafatesan’i Jesoa Kristy io fomba fanao io, Izy izay ilay “sorona lehibe sady farany” (Almà 34:10).

Ny bokin’ny Levitikosy dia mirakitra ny torolalan’ny Tompo mikasika ny sorona biby sy ireo karazana sorona hafa izay notakiany tamin’ny vahoakany. Ny Levitikosy dia toy ny boky torolalana izay manome torolalana ho an’ireo ôrdônansy sy fombafomba ary andraikitra masina nataon’i Isiraely fahiny.

Rehefa nahavita ny fandalinany ny mpianatra dia asao izy ireo hizara ny sasany amin’ny valin-teniny tamin’ireo fanontaniana ao amin’ilay taratasy nozaraina. Azonao ampiasaina ity fanontaniana manaraka ity mba hanampiana ny mpianatra hamintina ny zavatra nianarany.

Ahoana no hamintinanao ao anatin’ny fehezan-teny tsotra iray ny zavatra nianaranao androany momba ny Mpamonjy sy ny sorona fanavotana nataony?

Mety hizara karazana fahamarinana maro ny mpianatra, toy ny hoe:

Nanolotra ny Tenany an-tsitrapo ho sorona ho antsika i Jesoa Kristy.
Afaka ny ho voavela ny fahotantsika noho i Jesoa Kristy.
Tamin’ny alalan’ny sorona fanavotana nataony no nanoneran’i Jesoa Kristy ny fahotantsika tamin’ny alalan’ny fitondrana izany teo Aminy.

Mba hampahalalina ny fankasitrahan’ny mpianatra noho ireo fahamarinana ireo dia hevero ny hampiasa ireto teny nambara sy fanontaniana manaraka ireto. Mety nampiasa ity teny nanambara ity ianao tao amin’ny Lesona 27: “Genesisy 22”.

Nanazava ny antony nanatanterahan’i Jesoa Kristy ny Sorompanavotana ny Filoha Dallin H. Oaks ao amin’ny Fiadidiana Voalohany:

Nataon’i Jesoa Kristy izany rehetra izany satria tiany ny zanak’ Andriamanitra rehetra. Ny fitiavana no manosika izany rehetra izany, ary efa toy izany hatrany am-boalohany. …

Mivavaka [aho] mba hahatsiarovantsika rehetra ny zavatra nataon’ny Mpamonjy ho antsika tsirairay avy. (“Inona no nataon’ny Mpamonjintsika ho antsika?”, Liahona, mey 2021, 77)

Manampy anao amin’ny fomba ahoana ny fahafantaranao fa namela ny Tenany ho sorona i Jesoa Kristy noho ny fitiavany anao?
Inona avy ireo fomba sasantsasany ahafahantsika mahatsiaro ny Tompo sy ny sorona nataony?

Ampio ny mpianatra hahatakatra fa fomba iray hahatsiarovantsika ny sorona nataon’ny Mpamonjy ny fandraisana ny fanasan’ny Tompo isan-kerinandro.

Mba hanampiana ny mpianatra hahita ny fifandraisana misy eo amin’ny sorona fahiny sy ny fanasan’ny Tompo, dia hevero ny hampiseho ny horonan-tsary “Se souvenir toujours de lui” (5:27), izay hita ao amin’ny ChurchofJesusChrist.org. Afaka mametraka ireto fanontaniana manaraka ireto ianao avy eo.

5:27
Inona no mampitovy ny fanasan’ny Tompo amin’ny sorona fahiny?
Ahoana no hiezahanao hahatsiaro ny Mpamonjy eo amin’ny fiainanao isan’andro?

Ny zavatra nataon’i Jesoa ho ahy

Omeo fotoana ny mpianatra hisaintsainana ny zavatra tsapany momba an’i Jesoa Kristy. Mba hanomanana azy ireo hanao izany dia azonao atao ny manasa ny iray kilasy hihira ny “Endrey mahagaga ahy” (Fihirana sy hiran’ny ankizy, pejy 44). Azon’ny mpianatra atao ny mamantatra andian-teny avy ao amin’ilay hira izay ahitana taratra ny fahatsapan’izy ireo momba ny Mpamonjy.

Raha tsy izany dia azonao atao koa ny manasa ny mpianatra hisafidy hira hafa ao amin’ny fihirana na soratra masina iray momba ny Mpamonjy sy ny Sorompanavotany. Azon’izy ireo atao ny mizara andian-teny izay ahitana taratra ny fahatsapan’izy ireo momba Azy.

Asao ny mpianatra avy eo hamaly ity fanontaniana manaraka ity ao amin’ny diary fandalinan’izy ireo.

Inona no tsapanao momba ny Mpamonjy sy ny zavatra nataony ho anao?

Afaka maneho ny eritreriny sy ny fahatsapany momba ny Mpamonjy ireo mpianatra izay vonona ny haneho izany. Hevero ny hizara ny eritreritra sy ny fijoroana ho vavolombelona anananao manokana momba Azy.

Loharanom-pitaovana fanampiny

Nahoana ny Tompo no nandidy an’i Isiraely fahiny hanao sorona biby?

Nampianatra izao ny Mpaminany Joseph Smith (1805–44):

Azo antoka fa tsy hitondra vokatsoa ho an’iza n’iza ny fandatsahan-drà ny biby iray, raha tsy hoe natao ho fakan-tahaka izany, na endrika hanehoana, na entina hanazavana ny zavatra izay ho natolotra tamin’ny alalan’ny fanomezan’ Andriamanitra, ary izany dia natao amin’ny maso mibanjina am-pinoana ny herin’izany Sorona lehibe ho famelana ny fahotana izany. (Teachings of Presidents of the Church: Joseph Smith [2007], 48)

Tamin’ny fomba ahoana no nampitodihan’ny fanaovana sorona biby ny fifantohana ho amin’i Jesoa Kristy?

Nanazava ny Filoha M. Russell Ballard ao amin’ny Kôlejin’ny Apôstôly Roambinifolo hoe:

Ny zavatra rehetra mahakasika ny sorona tamin’ny andron’i Mosesy dia nifantoka tamin’i Kristy. …

Voalohany, tahaka an’i Kristy, dia voafidy ilay biby ary voahosotra tamin’ny alalan’ny fametrahan-tanana. (Ilay anarana fiantsoana amin’ny teny Hebreo hoe Mesia sy ilay anarana fiantsoana amin’ny teny Grika hoe Kristy dia samy midika hoe “Ilay Voahosotra”.) Faharoa, mila latsa-drà ilay biby. Fahatelo, tokony ho tsy misy kilema izany, tsy misy fahalotoana ara-batana, feno, tanteraka, ary tonga lafatra. Fahefatra, tokony ho madio sy mendrika ilay sorona. Fahadimy, ilay sorona dia tokony ho biby nompiana, izany hoe tsy dia fa voataiza ary manampy ny olona (jereo ny Lev. 1:2–3,10; 22:21). Fahenina sy fahafito, ho an’ny sorona voalohany nataon’i Adama sy ny ankamaroan’ireo sorona tamin’ny lalàn’i Mosesy dia tsy maintsy voalohan-teraky ny biby ary lahy ilay biby (jereo ny Eksodosy 12:5; Levitikosy 1:3; 22:18–25). (“The Law of Sacrifice,” Ensign, Oct. 1998, 9–10)

Nampianatra ny Filoha Dallin H. Oaks ao amin’ny Fiadidiana Voalohany hoe:

12:44

Niaritra fijaliana tsy takatry ny saina ny Mpamonjy sy Mpanavotra antsika mba ho lasa sorona ho an’ny fahotan’ny olombelona rehetra izay mibebaka. Io sorona fanavotana io dia nanolotra ny faran’izay tsara indrindra, ilay zanak’ondry madio tsy misy kilema, ho an’ny ratsy lehibe indrindra, dia ny fahotan’izao tontolo rehetra izao. Nanokatra varavarana ho antsika tsirairay avy izany mba ho voadio amin’ny fahotantsika manokana ka ahafahantsika ho tafaverina indray eo anatrehan’ Andriamanitra, ilay Raintsika Mandrakizay. Natao ho an’ny zanak’ Andriamanitra rehetra io fahafahana ho voadio io. (“Inona no nataon’ny Mpamonjintsika ho antsika?”, Liahona, mey 2021, 76)

Nahoana ireo mpikamban’ny Fiangonan’ny Tompo no tsy manao sorona biby amin’izao fotoana izao?

Nifarana niaraka tamin’ny fahafatesan’i Jesoa Kristy ilay didy hanolotra biby hatao sorona. Ankehitriny ato am-piangonana dia ny ôrdônansin’ny fanasan’ny Tompo no fahatsiarovana ny sorona fanavotana nataon’ny Mpamonjy. (Lohahevitra momba ny filazantsara, “Sacrifice”, Médiathèque de l’Évangile)

Sahanasa fianarana fanampiny

Fomba hafa hanombohana ny lesona

Ho solon’ny fampiasana ny zavatra niainan’ny Filoha Oaks tany am-piandohan’ny lesona dia hevero ny hizara ity rafi-tantara manaraka ity:

Alaovy sary an-tsaina hoe mipetraka ao amin’ny fivoriana fanasan’ny Tompo ny zatovolahy iray ary manontany tena hoe: “Miresaka momba ny halehiben’ny fitiavan’izy ireo an’i Jesoa foana ny olon-drehetra, saingy tsy fantatro anefa raha manana fahatsapana toy izany aho. Inona no nataony ho ahy?”

Asao ny mpianatra hisaintsaina ny torohevitra homen’izy ireo ity zatovolahy ity.

Horonan-tsary fanehoana ny fanaovana sorona biby

Mety hahazo tombontsoa avy amin’ny fijerena ny fanaovana sorona biby ny mpianatra. Mety hanome azy ireo fankasitrahana lehibe kokoa ny Mpamonjy noho ny sorona nataony ny fanaovana izany.

12:41