Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Eksodosy 24; 32–34: Ny fahamarinana sy ny famindram-po ary ny fahari-pon’ny Tompo

“Eksodosy 24; 32–34: Ny fahamarinana sy ny famindram-po ary ny fahari-pon’ny Tompo”, Testamenta Taloha: Boky torolalana ho an’ny mpampianatra seminera (2026)

“Eksodosy 24; 32–34: Ny fahamarinana sy ny famindram-po ary ny fahari-pon’ny Tompo”, Testamenta Taloha: Boky torolalana ho an’ny mpampianatra seminera

Eksodosy 19–20; 24; 31–34: Lesona 51

Eksodosy 24; 31–34

Ny fahamarinana sy famindram-po ary fahari-pon’ny Tompo

Mural depicting prophets and events from the Old Testament and the Book of Mormon. This part of the mural depicts Moses holding the stones of the Ten Commandments. The Israelites can be seen in the background with the golden calf.

Tamin’ny fomba ahoana no niarahan’ny fahamarinan’ny Mpamonjy sy ny famindram-pony ary ny fahari-pony niasa mba hitahiana ny fiainanao? Rehefa niverina avy teo anatrehan’ny Tompo i Mosesy dia hitany fa nandika ireo fanekempihavanana nataon’izy ireo ny Isiraelita ary nitsaoka ombilahy kely volamena iray. Niaritra ny vokatr’izany fahotana izany ny Isiraelita, saingy nampiseho ny fahamarinany sy ny famindram-pony ary ny fahari-pony tamin’ireo izay nibebaka sy niverina Taminy ny Tompo. Ity lesona ity dia afaka manampy ny mpianatra hahatakatra fa ny Tompo dia marina sy be famindram-po ary mahari-po.

Fanomanana ny mpianatra: Asao ny mpianatra hisaintsaina ny fomba nahitan’izy ireo ny fahamarinan’ny Tompo sy ny fitiavany ary ny fahari-pony (faharetana) teo amin’ny fiainan’izy ireo. Azonao atao ny manasa azy ireo hiresaka amin’ny olona iray ao amin’ny fianakaviana na ny namana iray mikasika ny fomba hiarahan’ny fahamarinan’ny Tompo sy ny famindram-pony miasa mba hitahiana ny zanany rehetra.

Sahanasa fianarana azo atao

Marina sy be famindram-po ary mahari-po ny Tompo.

Hevero ny hampiseho sarin’ny Mpamonjy iray. Ifanakalozy hevitra izao fanontaniana manaraka izao.

Inona no teny ho ampiasainao mba hamaritana ny toetoetran’ny Mpamonjy?

Asao ny mpianatra hanoratra ny tenin’izy ireo eny amin’ny solaitrabe. Hevero ny hisafidy ohatra vitsivitsy sy hanasa ireo mpianatra izay nanoratra ireo teny mba hamariparitana ny antony nisafidianany izany toetran’ny Mpamonjy izany.

Mba hanampiana ny zanak’ Isiraely hahatakatra ny Aminy dia nanambara singa manan-danja sasantsasany ao amin’ny toetrany ny Tompo.

Vakio ny Eksodosy 34:6–7, dia tadiavo ireo toetran’ny Mpamonjy.

Inona no hitanao?

Ao anatin’ireo toetra mety ho hitan’ny mpianatra, dia antitrantero ilay fahamarinana hoe marina sy be famindram-po ary mahari-po ny Tompo. Azonao atao ny manampy ny mpianatra hahatakatra fa ny “mahari-po” (andininy 6) dia mamaritra ny faharetan’ny Tompo amintsika.

Azonao zaraina amin’ny mpianatra fa handalina ny fomba niainan’ny zanak’ Isiraely ny fahamarinan’ny Tompo sy ny famindram-pony ary ny fahari-pony izy ireo. Handalina ihany koa ny antony maha-zava-dehibe ny fahatakarantsika ireo fahamarinana momba ny Tompo izy ireo.

Vahoakan’ny fanekempihavanan’ny Tompo ireo Isiraelita

Ity rafi-tantara manaraka ity dia ampiasaina mandritra ny lesona mba hanampiana ny mpianatra hahatakatra ny fomba mety hifandraisan’ny tantaran’ny Isiraelita amin’ny fiainan’ny zatovo ankehitriny. Mampiasa ny anarana hoe “Kylie” ilay rafi-tantara, saingy azonao atao ny manasa ny mpianatra hisafidy anarana iray sy hanampy na hanova ny antsipirian’ilay tantara.

I Kylie, zatovovavy iray ao amin’ny sekoly misy anao, dia nianatra momba ny filazantsaran’ny Mpamonjy ary nanapa-kevitra ny hanao ireo fanovana ilaina mba hahafahana atao batisa ao amin’ Ny Fiangonan’i Jesoa Kristy ho an’ny Olomasin’ny Andro Farany. Maniry ny hanao fanekempihavanana amin’ Andriamanitra mba hitandrina ny didiny izy.

Ampio ny mpianatra hahatsiaro fa taorian’ny fanafahana azy ireo tany Egypta dia nentin’ny Tompo tany an-tendrombohitra Sinay ny zanak’ Isiraely mba hanao fanekempihavanana Taminy.

Vakio ny Eksodosy 24:3–8, dia tadiavo ny mety ho fahatsapana nananan’ireo Isiraelita tahaka izay nananan’i Kylie.

Inona no manan-danja aminao ao anatin’izany?

Mety hanampy ny fanazavana amin’ny mpianatra fa ny famafazana ra eo amin’ny alitara sy eo amin’ny vahoaka (jereo ny Eksodosy 24:6, 8) dia tandindona sy fanehoana ara-batana fa ny Isiraelita dia vonona ny ho vahoakan’ny fanekempihavanan’ny Tompo.

Naniry ny hitahy ny zanak’ Isiraely amin’ireo ôrdônansin’ny Fisoronana Melkizedeka ny Tompo (jereo ny Fotopampianarana sy Fanekempihavanana 84:19–23). Niverina tany an-Tendrombohitra Sinay i Mosesy mba handray ny torolalan’ny Tompo mahakasika ireo ôrdônansy ireo sy ny drafitra ho an’ny tabernakely.

Fandikana ny fanekempihavanantsika sy ny vokatra aterak’izany

Vakio ny Eksodosy 32:1–8, dia tadiavo ny zavatra nataon’ireo Isiraelita raha mbola teo an-tendrombohitra nandray fitarihana avy tamin’ Andriamanitra i Mosesy.

Inona no hitanao?

Composite of images of Moses, the golden calf and the Israelites in the wilderness.

Nahoana araka ny eritreritrao no fahotana goavana toy izany ny fanamboarana sy ny fitsaohana ilay ombilahy kely volamena? (Jereo ny Eksodosy 20:2–17.)

Ataovy izay hahatakaran’ny mpianatra fa nandika ny fanekempihavanana izay vao nataon’izy ireo tamin’ny Tompo ny Isiraelita.

Azonao atao ny mizara ampahany hafa amin’ilay rafi-tantara izay mitovitovy amin’ny zava-nitranga tamin’ny zanak’ Isiraely ary manan-danja kokoa amin’ny zatovo. Azon’ny mpianatra atao ny manome ohatra amin’ny zavatra mety ho nataon’i Kylie ka nandikany ny fanekempihavanana nataony tamin’ny batisa mba hankatò ny didin’ Andriamanitra.

Taorian’ny batisany dia nanomboka niaraka tamin’ireo namany taloha i Kylie ary nitarika nankany amin’ny fahazarana taloha izany. Toa kely ireo fahadisoana nataony tamin’ny voalohany. Kanefa tsy ela akory dia niverina tamin’ny fomba taloha sy nahazatra izy. Nandika ny fanekempihavanana nataony tamin’ny batisa izy.

Inona no mety ho nanosika ny fanapahan-kevitra noraisin’i Kylie?

Ny lalàn’ny Tompo momba ny fahamarinana

Vakio ny Eksodosy 32:15–20, dia tadiavo ireo voka-dratsy niaretan’ Isiraely noho ny fahotan’izy ireo.

Inona no hitanao?

Ampio ny mpianatra hahatakatra fa na dia afaka mampiasa ny fahafahantsika misafidy mba hanota aza isika dia marina ny Tompo. Noho izany dia tsy afaka miala amin’ny vokatry ny fahotantsika isika. Mety hanampy ny fanazavana fa i Mosesy dia namaky ireo vato fisaka izay nirakitra ireo torolalana ho an’ireo ôrdônansin’ny Fisoronana Melkizedeka (jereo ny Eksodosy 32:15–19; Dikantenin’i Joseph Smith, Eksodosy 34:1–2 [ao amin’ny Torolalana ho an’ny soratra masina]). Noho ny fanapahan-kevitr’izy ireo dia tsy mendrika ny handray ireo fitahiana avy amin’ny Tompo ireo ny zanak’ Isiraely. Niverina teo anatrehan’ny Tompo i Mosesy. Nanome torolalana an’i Mosesy ny Tompo mba hampiditra ireo ôrdônansin’ny Fisoronana Aharôna, ho solon’izay (jereo ny Fotopampianarana sy Fanekempihavanana 84:24–26). Azonao atao ihany koa ny manazava fa napetrak’i Mosesy teo ivelan’ny toby ny tabernakely (jereo ny Eksodosy 33:7), izay tandindon’ny tsy fahafahan’i Isiraely hianoka ny fanatrehan’ny Tompo intsony.
Inona avy ireo voka-dratsy ara-panahy sy ara-batana mety hatrehin’i Kylie noho ny fandikana ny fanekempihavanan’ny batisa nataony?
Ahoana no hanehoan’ireo vokatra ireo ny fahamarinan’ny Tompo sy ny famindram-pony ary ny fahari-pony?

Azonao atao ny mampahafantatra fa, tahaka ny Isiraelita, dia mety tsy hahazo ireo fitahiana izay azo avy amin’ireo ôrdônansin’ny fisoronana i Kylie. Mety tsy hanana ny Fanahin’ny Tompo ho namana mandrakariva intsony ihany koa izy.

Ny lalàn’ny Tompo momba ny famindram-po

Ampio ny mpianatra hahatakatra fa nanome toky an’i Isiraely ny Tompo fa mbola vahoakany izy ireo (jereo ny Eksodosy 33:12–19).

Avereno jerena ny Eksodosy 34:6–7, ary eritrereto ny antony mety naha-zava-dehibe ho an’ny Tompo ny mampahatsiahy ny zanak’ Isiraely fa marina sy be famindram-po ary mahari-po Izy.

Ahoana no nanehoan’ny Tompo ny famindram-pony sy ny fahari-pony tamin’ny zanak’ Isiraely?
Ahoana no mety hahitan’i Kylie ny famindram-pon’ny Tompo sy ny fahari-pony eo amin’ny fiainany?

Ny Loholona Quentin L. Cook ao amin’ny Kôlejin’ny Apôstôly Roambinifolo dia nanazava ny fomba anefan’ny famindram-pon’ny Mpamonjy ny lalàn’ny fahamarinana:

13:53

Raha tsy nisy ny Sorompanavotan’ny Mpamonjy dia ho nitaky famaizana ny fitsipika mandrakizain’ny fahamarinana. Noho ny Sorompanavotan’ny Mpamonjy dia afaka manjaka ny famindram-po ho an’ireo izay nibebaka ary afaka mamela azy ireo hiverina eo anatrehan’ Andriamanitra. Tena tsara raha saintsainintsika io fotopampianarana mahatalanjona io.

Tsy misy afaka miverina any amin’ Andriamanitra amin’ny alalan’ny asa tsara ataon’ny tenany irery fotsiny; mila ilay tombontsoa avy amin’ny sorona nataon’ny Mpamonjy isika rehetra. Efa nanota ny rehetra, ary amin’ny alalan’ny Sorompanavotan’i Jesoa Kristy irery ihany no ahafahantsika mahazo famindram-po sy miaina miaraka amin’ Andriamanitra. (“Aoka ianareo ho mahatoky eo anatrehan’ Andriamanitra sy ny asany”, Liahona, nôv. 2022, 119)

Ampahany inona amin’io teny nambara io no mety hozarainao amin’i Kylie?

Ny fametrahana fanontaniana izay manampy ny mpianatra hahatakatra ny fomba hanehoan’ny Tompo ny fitiavany sy ny heriny ary ny famindram-pony eo amin’ny fiainan’izy ireo dia afaka mampitombo ny fifandraisan’izy ireo Aminy. Fomba iray azo anaovana izany ny manasa azy ireo hamaly ireto fanontaniana manaraka ireto.

Mba hahazoana fiofanana fanampiny dia jereo ny “Ampio ny mpianatra hamantatra ny fitiavan’ny Tompo sy ny heriny ary ny famindram-pony eo amin’ny fiainan’izy ireo”, ao amin’ny Fahaiza-manao ho fampivoarana ny mpampianatra.
Inona no porofo hitanao fa naneho ny fahamarinan’ny Tompo sy ny famindram-pony ary ny fahari-pony teo amin’ny fiainanao na ny fiainan’ny olon-kafa izay fantatrao?

Mampisehoa fahatakarana

Afaka manampy ny mpianatra hamintina ny zavatra nianarany androany ity sahanasa ity. Azonao atao ny manasa azy ireo hamarana ny tantaran’i Kylie. Hevero ny hampiseho ireto tolo-kevitra manaraka ireto mba hofenoin’ny mpianatra.

Noho ny zavatra niainany dia mety ho nianatra i Kylie fa ny Ray any An-danitra sy i Jesoa Kristy dia .
Noho ny zavatra nianarany momba ny Ray any An-danitra sy i Jesoa Kristy dia nanapa-kevitra i Kylie fa .

Hevero ny hanasa mpianatra vitsivitsy izay vonona hizara amin’ny iray kilasy ny fomba mety hamaranan’izy ireo ny tantaran’i Kylie. Rehefa avy nomena fahafahana hizara ny valin-teniny ny mpianatra dia azonao atao ny mizara ny fomba nahitanao ny fahamarinan’ny Tompo sy ny famindram-pony ary ny fahari-pony teo amin’ny fiainanao.

Loharanom-pitaovana fanampiny

Voatahy amin’ny fomba ahoana isika noho ny fahamarinan’ Andriamanitra?

Nijoro ho vavolombelona ny Loholona Jeffrey R. Holland ao amin’ny Kôlejin’ny Apôstôly Roambinifolo hoe:

Iray amin’ireo toetran’ Andriamanitra ny fahamarinana, ary tsy ho nanana ny finoana isika—noho ny tahotra—ny hiaina amim-pahamarinana na hitia tsara kokoa na hibebaka kokoa raha toa ka tsy mieritreritra isika fa hisaina ho antsika ny fahamarinana, raha toa ka mieritreritra isika fa hiova hevitra Andriamanitra ary hanapa-kevitra fa misy andiam–pitsipika iray hafa. Noho ny fahafantarantsika fa marina Andriamanitra ary hitsahatra tsy ho Andriamanitra Izy raha tsy izay no izy, dia manana finoana ny handroso isika, mahafantatra fa tsy hahavoa antsika ny faniriana hafahafa na ny hevitra tsy ampoizina, na ny andro tsy ahitana fahombiazana na ny sangy ratsy. Tena mamporisika izany fanomezan-toky izany. …

Fantatro fa tsy mora ny miverina sy manafoana ary hanao fanombohana vaovao, saingy mino amin’ny foko manontolo aho fa mora kokoa ary azo antoka fa hahafaha-po kokoa ny manomboka indray toy izay ny manohy sy miezaka mino fa tsy hitaky ny zony ny fahamarinana. (“La justice et la miséricorde de Dieu,” Liahona, sept. 2013,18, 19)

Eksodosy 34:7. Inona no dikan’ny hoe ny Tompo dia “tsy mety manamarina ny meloka” (mpikomy)?

Nampianatra izao ny Loholona Gerrit W. Gong ao amin’ny Kôlejin’ny Apôstôly Roambinifolo:

Ireo izay minia misafidy ny faharatsiana, ireo izay manemotra amin’ny nahim-po ny fibebahana, na ireo izay minia na mahafantatra fa mandika ireo didy sady mikasa ny hanao fibebahana tsy zarizary dia hotsarain’ Andriamanitra ary “[h]anana ny fitadidiana mazava ny hadisoan[y] rehetra.”14 Tsy afaka manota isika ny sabotsy dia hanantena famelan-keloka ho azy avy eo amin’ny alalan’ny fandraisana ny fanasan’ny Tompo ny alahady. … Tsy tokony hisy amintsika hanemotra ny fibebahana. Ny fitahian’ny fibebahana dia manomboka rehefa manomboka mibebaka isika. (“Sambatra sy mandrakizay”, Liahona, nôv. 2022, 84)

Misy fahasamihafana ve eo amin’ny fomba fijerin’ny Tompo ny fahalemena raha ampitahaina amin’ny fikomiana?

Ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo dia nanazava hoe:

Ny vaovao mahafaly ho an’izay rehetra maniry ny hiala amin’ny vokatry ny safidy ratsy natao taloha dia ny hoe tsy mitovy ny fijerin’ny Tompo ny fahalemena sy ny fikomiana. Raha mampitandrina ny Tompo fa hitondra fanasaziana ny fikomiana tsy nibebahana, dia feno famindram-po mandrakariva kosa Izy rehefa miresaka mikasika ny fahalemena. “Herin’ny tena manokana avy amin’ny Sorompanavotan’i Jesoa Kristy”, Liahona, nôv. 2013, 83)

Eksodosy 24:6–8. Nahoana i Mosesy no namafy ra teo amin’ny alitara sy teo amin’ny zanak’ Isiraely?

Ny ra izay nafafin’i Mosesy teo amin’ny alitara dia naneho ny ran’i Jesoa Kristy, izay halatsany ao Getsemane sy eo amin’ny hazofijaliana. Rehefa namafy ra teny amin’ny olona i Mosesy dia sady tandindon’ireo fitahiana avy amin’ny Sorompanavotan’i Jesoa Kristy tamin’ny alalan’ny fanekempihavanana izay nataon’izy ireo izany no tandindon’ny maha-tena zava-dehibe an’ireo fanekempihavanana ireo. Ny famafazana rà dia nampiseho fa na Andriamanitra na ny vahoaka dia voafatotr’io fanekempihavanana io avokoa. (Jereo ny “Sacrifice: In Similitude of the Savior”, Liahona, Sept. 2022, amin’ny endriny nomerika ihany.)

Sahanasa fianarana fanampiny

Asao ny mpianatra hikaroka soratra masina izay manazava ny zavatra takian’ny lalàn’ny fahamarinana amin’ny olon-drehetra. Raha mila fitarihana fanampiny ny mpianatra dia azonao atao ny mampiseho ohatra tahaka ny Môzià 2:38; sy ny Almà 42:11–13, 18.

5:37

Azonao atao avy eo ny manasa ny mpianatra hisaintsaina ny fomba hamelan’ny sorompanavotan’ny Mpamonjy ny lalàn’ny famindram-po hanavotra antsika amin’ny toetrantsika lavo. Asao ny mpianatra hitady ny fomba hanatanterahan’ny lalàn’ny famindram-po ny lalàn’ny fahamarinana mba hamonjena antsika amin’ny vokatry ny fahotana. Azonao atao ny manasa ny mpianatra hitady soratra masina iray izay mampianatra momba ny famindram-pon’ Andriamanitra. Mety ho isan’ireo ohatra ny Deoteronomia 4:31; Môzià 29:20; ary ny Almà 34:16; 42:15.

5:37