Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Eksodosy 20: 12–17: Manampy antsika hitia an’ Andriamanitra sy ny namantsika ireo Didy Folo

“Eksodosy 20: 12–17: Manampy antsika hitia an’ Andriamanitra sy ny namantsika ireo Didy Folo,” Testamenta Taloha: Boky torolalana ho an’ny mpampianatra seminera (2026)

“Eksodosy 20: 12–17: Manampy antsika hitia an’ Andriamanitra sy ny namantsika ireo Didy Folo,” Testamenta Taloha: Boky torolalana ho an’ny mpampianatra seminera

Eksodosy 19–20; 24; 31–34: Lesona 50

Eksodosy 20:12–17

Manampy antsika hitia an’ Andriamanitra sy ny namantsika ireo Didy Folo

Nanambara ireo Didy Folo ny Tompo rehefa nitoby teo amin’ny Tendrombohitra Sinay ny zanak’ Isiraely. Maneho ny fitiavantsika an’ Andriamanitra sy ny hafa isika amin’ny alalan’ny fitandremana ireo Didy Folo. Rehefa miezaka mitia ny hafa tahaka ny ataon’ny Ray any An-danitra sy i Jesoa Kristy isika dia hitombo ihany koa ny fitiavantsika Azy Ireo. Afaka manampy ny mpianatra hahatakatra ireo fomba hitandremana ireo didy izay hanampy azy ireo hitia an’ Andriamanitra sy ny namany ity lesona ity.

Fanomanana ny mpianatra: Asao ny mpianatra hitsapa ny fahalalany ny Didy Folo. Azon’izy ireo atao ny manao lisitra azy ireo na manao tsianjery am-bava izany.

Sahanasa fianarana azo atao

Fanadihadiana momba ireo didy

Asao ny mpianatra hitady sy hamaky ireo Didy Folo ao amin’ny Eksodosy 20:3–17 na ao amin’ny pejy 39 ao amin’ny Ho zatovo mahery!: Torolalana amin’ny fanaovana safidy (2022). Afaka mamaly ireto fanontaniana manaraka ireto izy ireo, na afaka mandahatra ireo Didy Folo manomboka amin’ny 1 (nankatoavina indrindra) hatramin’ny 10 (nodikaina indrindra) miainga avy amin’ny zavatra mety ho hitan’ity fanadihadiana ity.

Iza amin’ireo Didy Folo no tsapanao fa ankatoavin’ny olona indrindra? Nahoana?
Iza amin’ireo Didy Folo no tsapanao fa dikain’ny olona indrindra? Nahoana?
Araka ny eritreritrao dia ahoana no hanehoan’ny fomba itondrantsika ireo didin’ Andriamanitra ny zavatra tsapantsika ho Azy?

Manampy antsika hitia an’ Andriamanitra sy ny namantsika ireo Didy Folo

Mety nandalina ny Didy Folo ny mpianatra tao amin’ny Lesona 49 : “Eksodosy 20:1–11”. Azonao atao ny manasa ireo mpianatra hamaky na hamerina hijery ny Matio 22:36–40, hitadiavana ireo didy roa lehibe izay nampianarin’i Jesoa. Azon’ny mpianatra atao ny mamerina mijery ny fomba ifandraisan’ireo Didy Folo ao amin’ny Eksodosy 20:3–17 amin’ireo didy roa lehibe ireo. Ampio ny mpianatra hahatsikaritra ny fomba hifantohan’ireo didy enina farany amin’ny fitiavana ny namantsika.

Vakio ny Eksodosy 20:12–17, izay ny enina farany amin’ireo Didy Folo. Tadiavo ny fomba ampianaran’ireo andinin-tsoratra masina ireo fa maneho ny fitiavantsika an’ Andriamanitra sy ny namantsika isika rehefa miaina ireo Didy Folo.

Manàna fahavononana handray ireo fahatsapana avy amin’ny Fanahy Masina rehefa mandalina ianao. Saintsaino ny zavatra azonao atao mba hitiavana an’ Andriamanitra sy ny namanao amin’ny alalan’ny fitandremana ireo Didy Folo.

Ireo didy mba hitia ny namantsika

Fizarana ataon’ny mpianatra

Isaory ireo mpianatra noho ny asa mafy nataon’izy ireo ary derao izy ireo noho ireo ezaka nataony. Mieritrereta fomba iray ahafahan’izy ireo mizara ny zavatra nianarany. Ohatra, azonao atao ny mandamina ireo seza mba hahafahan’ny mpianatra mipetraka mifanatrika amin’ny iray hafa ao anatina filaharana. Manomeza fe-potoana iray voafaritra tsara ho azy ireo hizarana ny zavatra nianarany amin’ilay olona mipetraka mifanatrika amin’izy ireo. Rehefa avy mizara ireo mpianatra roa dia asao ireo mpianatra ao amin’ny iray amin’ireo filaharana mba hifindra seza iray. Hiaraka amina namana hafa izao ireo mpianatra. Avereno imbetsaka araka izay ilaina izany.

Aorian’izay dia afaka mifanakalo hevitra momba ireto fanontaniana manaraka ireto indray miaraka ny mpianatra rehetra na miaraka amin’ny namana mpiara-miasa aminy amin’izao.

Makà didy manokana iray izay nohalalininao ary valio ireto fanontaniana manaraka ireto:

Ahoana no ahafahan’ny fitiavanao an’ Andriamanitra sy ny namanao manampy anao hitandrina io didy io?
Inona avy ireo fitahiana efa azonao avy amin’ny fiainana io didy io?

Hevero ny hizara ny eritreritrao momba ny fomba ahafahan’ny fankatoavana ny didin’ny Tompo manampy antsika hitia kokoa an’ Andriamanitra sy ny hafa. Azonao atao ny mamporisika ny mpianatra hanohy hiezaka hankatò ireo Didy Folo.

Loharanom-pitaovana fanampiny

Ahoana no ahafahan’ny fitiavana an’ Andriamanitra manampy ahy hitia ny hafa?

Nampianatra toy izao ny Filoha Russell M. Nelson:

Rehefa tia an’ Andriamanitra amin’ny fontsika rehetra isika, dia mampitodika ny fontsika hitsinjo izay mahasoa ny hafa amin’ny lamina iray izay kanto sy tsara. (“Ny didy lehibe faharoa,” Liahona, nôv. 2019, 97.)

Nampianatra izao manaraka izao ny filoha Thomas S. Monson (1927–2018) mikasika ny fitandremana ny didy:

Tsy afaka mitia marina an’ Andriamanitra isika raha tsy tia ireo mpiara-belona amintsika eto amin’ity fiainana an-tany ity. Tahaka izany ihany dia tsy afaka mitia tanteraka ireo mpiara-belona amintsika isika raha tsy tia an’ Andriamanitra, ilay Raintsika rehetra. Hoy ny Apôstôly Jaona tamintsika: “Ary izao no didy efa azontsika taminy: Izay tia an’ Andriamantra dia tsy maintsy tia ny rahalahiny koa.” [1 Jaona 4:21]. Fanahy zanaky ny Raintsika any An-danitra isika rehetra ary noho izany dia mpirahalahy sy mpirahavavy isika. Rehefa mahatsiaro io fahamarinana io isika dia ho lasa mora kokoa ny mitia ny zanak’ Andriamanitra rehetra. (“Ny fitiavana—Fitsipika fototry ny filazantsara,” Liahona, mey 2014, 91)

Sahanasa fianarana fanampiny

Rafi-tantara miaraka amin’ireo didy

Azonao atao ny mampiseho ireto rafi-tantara manaraka ireto rehefa avy nandalina ireo didy ireo mpianatra. Azon’ireo mpianatra atao ny manoro ireo didy izay azon’ilay olona ao amin’ny rafi-tantara ezahina ankatoavina. Azon’izy ireo atao ny mifanakalo hevitra momba ny fomba mety hanampian’izany didy izany ilay olona.

1. Tezitra amin’ny ray aman-dreniny ny zatovovavy iray. Nilaza tamin’ny namany izy fa ho afaka hanatrika hetsika iray, kanefa tsy mamela azy handeha indray izao ny ray aman-dreniny Nandeha an-tsokosoko ihany izy na izany aza.

2. Sahirana nanao fanatanjahantena ho an’ny ekipany any an-tsekoly ny zatovolahy iray. Tsy tonga nianatra tao anatin’ny fotoana vitsivitsy izy ary mila manenjika enti-mody sy fitsapam-pahaizana alohan’ny lalaony manaraka. Nanapa-kevitra ny hampiasa ny enti-mody sy ny fitsapam-pahaizan’ireo namany izy mba hahazoana haingana ireo valiny.

3. Manaraka olona maro samihafa ao amin’ny tambajotran-tserasera ny zatovovavy iray. Tsy mahafaly azy ny endriny ivelany sy ny fomba fiakanjony. Mandany fotoana maro izy mba hiezahana hitovy amin’ny olona hitany an-jotra.

Eksodosy 20:17. Fankasitrahana

Fomba iray hisorohana ny fitsiriritana ny fianarana mahay mankasitraka sy ny fahaizana mifaly amin’ny zavatra ananantsika. Mba hahatakarana kokoa ny hevitry ny hoe fankasitrahana dia afaka mamaky ilay lahatsoratra hoe “La lampe de poche de la gratitude” (Ho zatovo mahery!, feb. 2021, 31) ny mpianatra.

Horonan-tsary

Rehefa mandalina ireo didy mba tsy hangalatra sy tsy hanao vavolombelona mandainga ireo mpianatra dia azonao atao ny mampiseho na manoro azy ireo hijery ilay horonan-tsary “L’honnêteté : À prendre au sérieux !” (4:46). Mizara ny tantaran’ny mpianatra mpitsabo iray izay tsy manome toerana ny hafetsen-dratsy mandritra ny fitsapam-pahaizana iray ity horonan-tsary ity.

4:47