Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Eksodosy 20: 1–11: Ireo Didy Folo: Mitia an’ Andriamanitra sy mametraka Azy ho lohalaharana eo amin’ny fiainantsika

“Eksodosy 20: 1–11: Ireo Didy Folo: Mitia an’ Andriamanitra sy mametraka Azy ho lohalaharana eo amin’ny fiainantsika,” Testamenta Taloha: Boky torolalana ho an’ny mpampianatra seminera (2026)

“Eksodosy 20: 1–11: Ireo Didy Folo: Mitia an’ Andriamanitra sy mametraka Azy ho lohalaharana eo amin’ny fiainantsika,” Testamenta Taloha: Boky torolalana ho an’ny mpampianatra seminera

Eksodosy 19–20; 24; 31–34: Lesona 49

Eksodosy 20:1–11

Ireo Didy Folo: Mitia an’ Andriamanitra sy mametraka Azy ho lohalaharana eo amin’ny fiainantsika

Tia antsika ny Ray any An-danitra sy i Jesoa Kristy ary tiany isika hisafidy Azy Ireo ho lohalaharana eo amin’ny fiainantsika. Taorian’ny fanavotana ny Isiraelita avy tany Egypta dia nitondra azy ireo nankany amin’ny Tendrombohitra Sinay ny Tompo mba hanao fanekempihavanana Aminy. Tao no nanambarany ireo Didy Folo mba hanampiana azy ireo hitia Azy mihoatra noho ny zavatra hafa rehetra. Afaka manampy ny mpianatra hitia sy hanaja an’ Andriamanitra ambonin’ny zavatra hafa rehetra ity lesona ity.

Fanomanana ny mpianatra: Asao ny mpianatra hitanisa ny sasany amin’ireo didin’ Andriamanitra. Asao izy ireo hifanakalo hevitra amin’ny olona iray ao amin’ny fianakaviana na amin’ny namana iray ny fomba nanampian’ireo didy notanisain’izy ireo azy ireo haneho ny fitiavany an’ Andriamanitra sy hametraka Azy ho lohalaharana eo amin’ny fiainan’izy ireo.

Sahanasa fianarana azo atao

Ny didy lehibe indrindra

Fanamarihana: Mifantoka amin’ireo didy efatra voalohany ity lesona ity. Ny lesona 50: “Eksodosy 20:12–17” dia hifantoka amin’ny enina farany.

Azonao atao ny manomboka ny kilasy amin’ny alalan’ny fangatahana ny mpianatra hieritreritra momba ny didy, dia ireo didin’ Andriamanitra rehetra izay heverin’izy ireo fa manan-danja indrindra. Dia zarao ity famintinana manaraka ity avy eo.

Nanontaniana ny Mpamonjy nandritra ny asa fanompoany teto an-tany hoe iza amin’ireo didy no lehibe indrindra, na manan-danja indrindra (jereo ny Matio 22:36).

Vakio ny Matio 22:37–39 (jereo koa ny Levitikosy 19:18; Deoteronomia 6:5), hitadiavana ny valin-tenin’ny Mpamonjy.

Nahoana araka ny eritreritrao no ireo didy ireo no didy roa lehibe indrindra?

Tadiavo ny fomba hanampian’ireo didy ireo antsika hitia an’ Andriamanitra sy ireo namantsika eo am-pandalinanareo ny Didy Folo ato amin’ity lesona ity sy ireo lesona hafa. Handalina ny sasany amin’ireo Didy Folo ianareo mandritra ity lesona ity, izay manampy antsika hitia sy hanaja an’ Andriamanitra.

Vakio ny Eksodosy 20:1–11, hitadiavana ireo didy efatra voalohany nomen’ny Tompo ny Isiraelita.

Ny Eksodosy 20:3–17 dia andalan-tsoratra masina fifehezana fotopampianarana. Asao ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Inona no fitoviana hitanao eo amin’ireo didy ireo sy ny didy lehibe voalohany avy ao amin’ny Matio 22:37–38?

Azonao atao ny mamintina ireo fahamarinana izay zarain’ireo mpianatra eny amin’ny solaitrabe. Mety hitovitovy amin’izao manaraka izao ny valin-tenin’ireo mpianatra: Mandidy antsika hitia Azy sy hametraka Azy ho lohalaharana eo amin’ny fiainantsika Andriamanitra.

Azonao atao ny manasa ny mpianatra hampifandray na hampifandrohy ny Eksodosy 20:3–17 amin’ny Matio 22:36–39.
Araka ny hevitrao dia inona no dikan’ny hoe mametraka an’ Andriamanitra ho lohalaharana eo amin’ny fiainantsika?

Ampio ny mpianatra hieritreritra ny fomba hampiharan’izy ireo io fahamarinana io eo amin’ny fiainany amin’izao fotoana izao. Azonao atao ny manasa azy ireo hamita ity fanombanan-tena manaraka ity.

Saintsaino ireo valin-teninao ho an’ireto fanontaniana manaraka ireto. Azonao atao ny mirakitra ny sasany amin’ireo eritreritrao ao amin’ny diary fandalinanao.

Moa ve ny fitiavako an’ Andriamanitra no fitaomana manan-danja indrindra eo amin’ny fiainako?
Inona no mety manakana ahy tsy ho tia an’ Andriamanitra sy hametraka Azy ho lohalaharana eo amin’ny fiainako?

Ireo didy izay manampy antsika hitia an’ Andriamanitra sy hametraka Azy ho lohalaharana

Afaka manampy ny mpianatra hahafantatra kokoa ny zavatra ianaran’izy ireo ny fizarana hevitra. Omeo fahafahana vitsivitsy ny mpianatra hizara ny zavatra nianaran’izy ireo avy ao amin’ilay taratasy zaraina. Azon’ny mpianatra atao ny mizara hevitra ao anaty vondrona kely na amin’ny iray kilasy.

Raha mety ny hanaovana izany dia valio ity fanontaniana manaraka ity amin’ny alalan’ny zavatra niainanao manokana rehefa avy namaly ireo mpianatra nanolo-tena.

Inona avy ireo fitahiana niainanao, na ny olona iray fantatrao, tamin’ny alalan’ny fametrahana an’ Andriamanitra ho lohalaharana?

Mametraka an’ Andriamanitra ho lohalaharana

Afaka manampy ny mpianatra hamorona drafitra iray mba hitia an’ Andriamanitra sy hametraka Azy ho lohalaharana eo amin’ny fiainan’izy ireo ity sahanasa manaraka ity. Ampahatsiahivo ny mpianatra fa ny isa 1 dia entina ilazana ny fametrahana an’ Andriamanitra ho lohalaharana eo amin’ny fiainantsika.

Manaova sarina tarehimarika 1 lehibe ao anatin’ny diary fandalinanao manokana na amina ravin-taratasy iray mitokana. Ataovy lehibe ampy hanoratana ao anatiny, na mamelà toerana hanoratana eo akaikin’izany.

Mikatsaha fitarihana avy amin’ny Ray any An-danitra amin’ny alalan’ny Fanahy Masina mba hanapahana hevitra ny amin’ny zavatra azonao atao mba hametrahana an’ Andriamanitra ho lohalaharana eo amin’ny fiainanao. Soraty ao anatin’ilay tarehimarika 1 na eo akaikin’izany ny zavatra hataonao. Soraty ireo valin-teninao amin’ireto fanontaniana manaraka eto ambany ireto:

Ahoana no mety hanampian’ny fanaovana izany anao hitia an’ Andriamanitra sy hametraka Azy ho lohalaharana eo amin’ny fiainanao?
Ahoana no mety hitahian’ny Tompo anao noho ny fanaovanao izany?
Inona avy ireo fanamby mety hatrehinao rehefa manao izany? Inona no azonao atao mba handresena ireo olana ireo?

Amporisiho ny mpianatra hanao asa araka ireo fahatsapana ara-panahy nananan’izy ireo. Hanana fahafahana hanara-maso ny fivoaran’izy ireo ny mpianatra ao amin’ny Lesona 67: “Tombano ny fianaranao 4.”

Ataovy tsianjery

Azonao atao ny manampy ireo mpianatra hitadidy ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ao amin’ny soratra masina ho an’ny Eksodosy 20:3–17 dia ny hoe: “Ny Didy Folo.” Ao amin’ny tovana eo ambanin’ilay hoe: ”Sahanasa famerenana ny fifehezana fotopampianarana” ireo hevitra ho an’ireo sahanasa fanaovana tsianjery.

Loharanom-pitaovana fanampiny

Ahoana no ahafahan’ny fankatoavana ireo didin’ Andriamanitra mitahy ny fiainako?

Nampianatra toy izao ny Filoha Dallin H. Oaks ao amin’ny Fiadidiana Voalohany:

Mitaky antsika hankatò ireo didiny Andriamanitra satria amin’ny alalan’izany fankatoavana izany ihany, ka tafiditra ao anatin’izany ny fibebahana, no ahafahantsika miverina miaina eo anatrehany indray ary ho lasa tonga lafatra tahaka Azy. (“Ireo didy roa lehibe,” Liahona, nôv. 2019, 74)

Nanazava toy izao ny Loholona D. Todd Christofferson ao amin’ny Kôlejin’ny Apôstôly Roambinifolo:

Mamaritra ny lalan’ny fanasitranana, fahasambarana, fiadanana, ary fifaliana [ireo didin’ Andriamanitra]. Nomen’ny Raintsika sy ny Mpanavotra antsika didy isika, ary amin’ny alalan’ny fankatoavana ny didin’ Izy Ireo no ahatsapantsika ny fitiavan’ Izy Ireo tonga lafatra feno kokoa sy lalina kokoa. (“Ny fitiavan’ Andriamanitra,” Liahona, nôv. 2021, 18)

Ahoana no ahafahan’ny fametrahana an’ Andriamanitra ho lohalaharana mitahy ny fiainako?

Nanazava izao ny Filoha Ezra Taft Benson (1899–1994):

Rehefa mametraka an’ Andriamanitra ho lohalaharana isika dia haka ny toerana tokony hisy azy eo amin’ny fianantsika ny zavatra hafa rehetra na tsy hanan-danja amintsika intsony. Ny fitiavantsika ny Tompo no hitantana ireo zavatra tiantsika, ireo zavatra ampiasantsika ny fotoanantsika, ireo zavatra safidiantsika ho atao, ary ny filaharan’ireo laharam-pahamehantsika. (“The Great Commandment—Love the Lord,” Ensign, mey 1988, 4)

Nizara izao ny Loholona D. Todd Christofferson ao amin’ny Kôlejin’ny Apôstôly Roambinifolo:

Rehefa Andriamanitra no tiantsika voalohany dia mahita izao tontolo izao sy ny fiainantsika amin’ny fomba fijeriny isika fa tsy amin’ny fomba fijerin’olon-kafa na iza na iza (na ny mpanentana ao amina tambajotran-tserasera aza). (“The First Commandment First” [Brigham Young University devotional, Mar. 22, 2022], 3–4, speeches.byu.edu)

Sahanasa fianarana fanampiny

Ireo fitahian’ny andro Sabata

Mety hahazo tombontsoa avy amin’ny fifanakalozan-kevitra misimisy kokoa momba ny maha-zava-dehibe ny andro Sabata ny mpianatra. Azonareo vakina miaraka ao amin’ny kilasy ny Eksodosy 20:8–11 mba hanaovana izany. Azonao zaraina amin’ny mpianatra ireto toko sy andininy manaraka ireto avy eo mba hovakin’izy ireo. Afaka mitady ny zavatra ianarany momba ny didin’ny Tompo mba hitandrina ny andro Sabata ho masina izy ireo.

Isaia 58:13–14

Matio 12:1–13

Fotopampianarana sy Fanekempihavanana 59:9–17

1:30

Azon’ny mpianatra atao avy eo ny mifanakalo hevitra momba ireo fitahiana azon’izy ireo avy amin’ny fitandremana ny andro Sabata ho masina. Raha tsy izany dia azonao atao ny manasa ny mpianatra hamaky ny fizarana ao amin’ilay lahatsoratra hoe “Les bénédictions du jour du sabbat” (Liahona, mar. 2016, 48–51), ka hitady ireo fitahiana sasantsasany avy amin’ny fitandremana ny andro Sabata ho masina.

Les bénédictions du jour du sabbat ao amin’ny Liahona

Ilay Mpanome lalàna

Azonao ampiasaina io hevitra io mba hampahafantarana ireo Didy Folo. Mety hahazo tombontsoa avy amin’ny fifantohana amin’ny anarana fiantsoana ny Mpamonjy hoe Mpanome lalàna ireo mpianatra (jereo ny Isaia 33:22). Azonao atao ny mamaky ny Deoteronomia 4:11–13 (jereo koa ny Deoteronomia 5:2–4, 22). Ampio ny mpianatra hahatakatra fa ny Tompo mihitsy no nanome ireo Didy Folo an’i Isiraely tamin’ny alalan’ny fanekempihavanana amin’ny maha-Mpanome lalàna Azy. Azonareo atao ny mifanakalo hevitra momba ny fanontaniana toy ireto manaraka ireto:

Mety ho nanova ny fomba fijerin’ny Isiraelita ny Didy Folo tamin’ny fomba ahoana ny nandrenesan’izy ireo ny Tompo nilaza izany?
Mety hitondra fiantraikany manao ahoana eo amintsika ny fahafantarana fa avy amin’ny Tompo mivantana ireo didy?

Horonan-tsary azo safidiana

2:10

2:25

“L’obéissance aux dix commandements” (3:10). Nampianatra ny fomba tsy hiovan’ireo fitahiana nampanantenain’ Andriamanitra amin’ny fitandremana ny didy, na dia miova tsy tapaka aza ny fiarahamonina, ny Loholona L. Tom Perry (1922–2015) tao amin’ny Kôlejin’ny Apôstôly Roambinifolo.

3:10