Төгс эзэмших сургаалын давтлага 3

• Энэ ангийн хүмүүстэй танилцах нь сайн хэрэг болох зарим шалтгаан юу вэ?

• Найз нөхөдтэй байхын зарим давуу тал юу вэ?

Арван хоёр төлөөлөгчийн чуулгын ахлагч Ричард Г.Скоттын (1928–2015) дараах мэдэгдлийг унш.

“Судруудыг цээжлэх нь агуу хүчийг авчирдаг. Судрыг цээжилнэ гэдэг нь шинэ нөхөрлөл бий болгож байгаатай адил билээ.” (“Судрын хүч,” 2011 оны 10-р сарын Ерөнхий чуулган, 5)

• Цээжилсэн судрын үг хэллэг эсвэл хэсэг нь ямар байдлаар найз шиг байж чадна гэж та нар бодож байна вэ?

Ахлагч Скотт үргэлжлүүлэн ийн хэлэв.

Энэ нь хэрэгцээтэй үед маань тусалж, тайтгарал болон сүнсний нөлөөг өгч, өөрчлөлт хэрэгтэй үед маань урам дэм өгдөг шинэ танилтай болсонтой адил юм. (Ричард Ж.Скотт, “Судрын хүч,” 2011 оны 10-р сарын Ерөнхий чуулган, 5)

• Хэзээ цээжилсэн судар эсвэл үг хэллэг нь эдгээр арга замын аль нэгээр та нарт найз шиг чинь байсан бэ?

• Судрын түлхүүр үг хэллэгийг эсвэл хэсгүүдийг цээжлэхэд тань тусалж болох та нарын хийдэг эсвэл хийж болох зарим зүйл юу вэ?

Төгс эзэмших сургаалын хэд хэдэн судрын эшлэл, түлхүүр үг хэллэгийг цээжилж “… шинэ нөхөрлөлийг бий болгох” тухай ахлагч Скоттын зөвлөгөөг дага. Та нар мөн судрын хэсгийг бүхэлд нь цээжилж болно.

Цээжилсэн судрын үг хэллэгүүдээс эсвэл хэсгүүдээсээ нэгийг сонгоод, дараах асуултад хариул.

• Энэ судрын үг хэллэг эсвэл хэсэг та нарын хувьд ямар байдлаар найз шиг байж болох вэ? (Энэ нь хэрхэн хэрэгцээтэй үед тусалж, тайтгаруулж, сүнслэг нөлөөг өгч эсвэл өөрчлөлт хэрэгтэй үед эх сурвалж болох вэ?)

• “Бусад өсвөр насны хүүхэд утсаараа өөрсдийн болон бусдын нүцгэн, эрээ цээргүй эсвэл зохисгүй зургуудыг хуваалцах талаар ярьж байхыг би сонссон. Тэд үүнийг сүртэй зүйл гэж бодохгүй байгаа нь харагдсан. Энэ нь бусадтай харилцах харилцааны байдаг л нэг хэсэг эсвэл тэд зүгээр л тоглоом шоглоом хийж байгаа байх.”

• “Бэлгийн харьцаатай холбоотой зүйлсийг харж, сонсох нь энгийн зүйл юм шиг санагддаг. Хошигнол, кинон дээрх үзэгдэл, онлайн видео гэх мэт зүйлүүд дээр бэлгийн харьцааны талаар дурддаг. Сүмийн удирдагчдын зөв зохистой гэж бодож байгаа зүйл нь өөр олон хүний хэвийн гэж хэлж буй зүйлсээс ялгаатай юм. Одоо цаг үе өөр болсон бөгөөд энэ сэдэв өмнөх шигээ тийм ч том асуудал биш болсон гэж би бодож байна.”

• “Би өмнө нь ариун явдлын хуулийн тухай хичээлүүдийг үзэж байсан ч миний амьдардаг газарт олон өсвөр насныхан бэлгийн харьцааны хувьд идэвхтэй эсвэл ядаж л гэрлэх хүртлээ хүлээх төлөвлөгөөгүй юм шиг харагддаг. Сүмийн удирдагчид яагаад биднийг бэлгийн харьцааны хувьд цэвэр ариун бай гэж хэлдгийг би ойлгосон гэж бодож байна, мөн энэ нь маш олон сайн талтай ч заримдаа би энэ нь үнэхээр хүлээхээр үнэ цэнтэй зүйл мөн үү гэж гайхдаг.”

  Жишээн дээр ярьж байгаа хүнийг өөрсөдтэйгөө хамт байгаагаар төсөөлөхөд суралцагчдыг урь. Мөн энэ хүн нь чин сэтгэлтэй хүн гэдгийг тайлбарла. Бид бүх хүнд Тэнгэрлэг Эцэг, Есүс Христ хоёртой адилаар хайрлаж, хүндэтгэлтэй хандахыг хичээх ёстой гэдгийг суралцагчдад сануул.

• Та нар энэ жишээнд ариун явдлын хуулийн талаарх ямар таамаглалыг анзаарсан бэ?

  Ангийнхан энэ хүнд туслахаар бэлтгэх гэж байгааг тайлбарла. Суралцагчдыг дараах асуултын талаар ярилцах зуур буруу хариулт байхгүй гэдгийг хэлж тайвшруулаарай.

• Хэрэв та нар энэ хүнд туслахыг оролдож байсан бол хамгийн түрүүнд аль сүнслэг мэдлэг олж авах зарчимд анхаарлаа хандуулах байсан бэ? Яагаад?

Энэ хүнд туслахын тулд тэрхүү сүнслэг мэдлэг олж авах зарчмыг ашиглах арга замыг бэлтгэ. Үүнд:

• Та нарын энэ хүнд тавьж болох асуулт

• Төгс эзэмших сургаалын судрын хэсгүүдийг багтаасан судрууд эсвэл тусалж болох Сүмийн удирдагчдын мэдэгдлүүд

• Та нарын хувийн бодол, мэдрэмж эсвэл гэрчлэл

Утга санаа, асуултуудыг мөнхийн талаас нь шинжлэн судлах

• Бэлгийн харьцааны хувьд цэвэр ариун байх тухай Бурханы мэдрэмжийг ойлгох нь энэ жишээн дээрх хүнд хэрхэн тус болж чадах вэ? (Эхлэл 39:9; 1 Коринт 6:18–19; Иаков 2:28-ыг үзнэ үү).

• Энэ хүний хандлага тэднийг ямар сонголтод хүргэж болзошгүй гэж та нар бодож байна вэ?

Тэнгэрээс томилогдсон эх сурвалжуудаар дамжуулан илүү гүн гүнзгий ойлголт олж авахаар эрэлхийлэх

• Энэ нөхцөлд Эхлэл 39:9 болон Египетийн Иосефын үлгэр жишээ хэрхэн тусалж болох вэ?

• Өөр ямар судар эсвэл Сүмийн удирдагчдын мэдэгдэл тусалж болох вэ? (Жишээ нь: Алма 38:12; Алма 39:9; Сургаал ба Гэрээ 42:23; Өсвөр үеийнхний бат бөх байдлын төлөө гарын авлага дахь “Таны бие махбод бол ариун нандин юм” гарчигтай хэсэг; ахлагч Дэвид А.Бэднарын “Бид ариун явдалд итгэдэг,” [2013 оны 4-р сарын Ерөнхий чуулган,] Ерөнхий чуулганд хэлсэн үгийн “Ариун явдлын хуулийг сахиснаар ирэх адислалууд” гарчигтай хэсэг)

Итгэлээр үйлдэх

• Ийм нөхцөлд Аврагч Есүс Христэд итгэн үйлдэх нь ямар байх байсан гэж та нар бодож байна вэ?

• Хэрэв та нар ийм нөхцөл байдалд орсон бол өөрсдийн амьдралд Аврагчийн тусламж, хүчийг урин авчрахын тулд юу хийж болох вэ?

Энэ туршлагаас сурч мэдсэн, дурсан санахыг хүсэж байгаа зүйлээ судлах тэмдэглэлдээ бич. Үүнд сүнслэг мэдлэг олж авах зарчмуудыг ашиглах үйл явц нь та нарт байгаа асуулт эсвэл санаа зовоосон зүйлд хэрхэн тусалж чадах талаар багтаж болно.