Гэтлэл 7–11

• Өнөөдөр семинарын хичээлдээ ирэх замдаа та нарын харсан, анзаарсан, ажигласан зүйлс юу вэ?

• 1–5 гэсэн оноог (1 нь огт үгүй, 5 нь маш их) ашиглан та нар өнөөдөр хүрээлэн буй орчноо анзаарсан байдлаа хэрхэн үнэлэх вэ?

• Биднийг илүү их эсвэл арай бага ажиглахад хүргэдэг ямар ямар шалтгаан байж болох вэ?

  Үүнтэй адилаар бид Их Эзэний бидний төлөө юу хийсэн эсвэл юу хийж буйг хэр анхааралтай ажиглаж байгаагаа тунгаан бодож болно гэдгийг тайлбарла. Дараах асуултуудыг тавь.

• Хэн нэгэн энгийн өдөр Бурханы хүчний тухай ямар нотлох баримтыг анзаарч болох вэ?

Дараах нь та нарыг хэр сайн тодорхойлж байгааг 1–5 (1 нь хамгийн бага, 5 нь хамгийн их) гэсэн оноогоор үнэлнэ үү.

• Миний амьдрал дахь Бурханы хүчийг эсвэл нөлөөг танин мэдэх чадвартаа би итгэлтэй байна.

Өнөөдөр суралцах явцдаа та өөрийн амьдрал дахь Бурханы хүч, нөлөөг танин мэдэх чадвараа нэмэгдүүлэхийн тулд Ариун Сүнсийг урь.

Гэтлэл 6–7-д Их Эзэн израилчуудыг боолчлолоос гаргана гэж Мосед амласан. Тэрээр Өөрийн хүчийг Фараонд болон египетчүүдэд үзүүлж, тэд израилчуудыг чөлөөлөхөөс өөр сонголтгүй болно гэдгийг тунхаглажээ.

Гэтлэл 6:7; 7:5-ыг уншаад, Их Эзэн израилчууд, египетчүүдийн аль алиныг юуг мэдээсэй гэж хүсэж байсныг олж мэд. Суралцагчид олж мэдсэнээ онцлон тэмдэглэхийг хүсэж болох юм.

• Израилчууд болон египетчүүд Их Эзэний хүчний тунхаглалаас юуг мэдэх байсан бэ?

• Бид эдгээр тунхгаас Их Эзэний талаар юу мэдэж авч болох вэ?

Гэтлэл 7–11-д Их Эзэн цуврал гамшгуудаар Өөрийн хүчийг илэрхийлсэн. Дараах хүснэгтийг ажиглаад, хоёр эсвэл гурван гамшгийг судлахаар сонгож, доор байрлах асуултуудад нь хариулт ол.

Зарим шүлэгт Их Эзэн Фараоны зүрх сэтгэлийг хатууруулсан гэж хэлдэг. Иосеф Смитийн Орчуулгад Фараон зүрх сэтгэлээ хатууруулсан тухай чухал тодруулгыг өгдөг (Иосеф Смитийн Орчуулга, Гэтлэл 7:3, 13; 9:12; 10:1, 20, 27; 11:10 зэргийн зүүлт тайлбарыг үзнэ үү).

• Их Эзэний хүч ямар арга замаар илэрсэн бэ?

• Хүмүүс яагаад Их Эзэнд болон Түүний хүчинд итгэсэн эсвэл итгээгүй гэж та нар бодож байна вэ?

  Хангалттай цаг гаргаж өгсний дараа олж мэдсэн зүйлсээ хоёр хоёроороо эсвэл жижиг бүлгээр хуваалцахад суралцагчдыг урь.

  Дараахаас заримыг нь тодруулах нь тустай байж магадгүй юм. Фараоны илбэчид хууран мэхлэлт эсвэл дайсны хүчээр эхний хоёр гамшгийн зарим хэсгийг давтаж чадсан гэдгийг суралцагчид анзаарсан байх. Гэсэн хэдий ч тэд гамшгийг бүрэн давтаж эсвэл зогсоож чадаагүй юм. Түүнчлэн мэдээж израилчууд зарим гамшигт өртсөн ч дөрөв, тав, долоо дахь гамшгаас хамгаалагдсан.

  Шаардлагатай бол та Гэтлэл 8:10, 22; 10:2 дахь хүмүүс Их Эзэн гэдгийг нь мэдэх болно хэмээнг Түүний гэрчилсэн үг хэллэгийг нэмэлтээр онцлон тэмдэглэхэд суралцагчдыг урамшуулж болно.

• Их Эзэн яагаад египетчүүд, израилчуудыг Өөрийг нь мэдээсэй хүссэн гэж та нар бодож байна вэ?

• Хүмүүс заримдаа Бурханд болон Түүний хүч чадалд итгэж, дараа нь эргэлздэг шалтгаан юу вэ?

Та нарт Тэнгэрлэг Эцэгтэй харилцсан ямар нэгэн туршлага өөрт нь байдаг эсвэл Түүний хүчийг мэдэрсэн гэдэгтээ итгэлгүй байдаг найз бий гэж төсөөлөөд үз. Үргэлжлүүлэн судлах явцдаа тэр хүнд юу гэж хэлэхээ бод.

• Та нарын Их Эзэний хүчинд итгэх болсон ямар арга зам байна вэ? Эсвэл та нарт итгэхэд чинь тусалсан зүйлс юу вэ?

• Судрууд болон Сүмийн түүх дээр Их Эзэний хүчийг хүмүүст харуулсан ямар ямар жишээ байдаг вэ?

Ерөнхийлөгч Рассэлл М.Нэлсон Тэнгэрлэг Эцэгтэй харилцаатай байхад урихын тулд бид юу хийж болох талаар дараах зүйлийг заасан.

Хүн Бурхантай харилцдаггүй болохоор л Түүний байдаг эсэхэд эргэлздэг гэдгийг ойлго. Тиймээс Түүнтэй харилцаатай байх нөхцөл байдалд өөрийгөө байлга. Өөрийгөө даруусга. Өөрийнхөө амьдралд, эргэн тойронд байгаа Бурханы удирдамжийг олж харах хараатай байхаар залбир. Тэрээр чамайг мэддэг эсэхийг мөн Тэрээр үнэхээр байдаг эсэхийг өөрт чинь хэлэхийг Түүнээс гуй. Чиний тухай юу мэдэрдгийг нь Түүнээс асуу. Тэгээд сонс. (“Ирээд, Намайг дага,” 2019 оны 4-р сарын Ерөнхий чуулган, 109)

• Хүн амьдралдаа Бурханы гар, хүчийг харж эхлэхийн тулд юу хийж болох вэ?