Сүнсийг эрэлхийлж, Сүнсэнд найд

Бүх хүн Ариун Сүнсний хүч болон нөлөөгөөр Сайн мэдээг номлох ёстой; түүнчлэн хэн ч Ариун Сүнсгүйгээр Сайн мэдээг номлож чадахгүй. (Сүмийн ерөнхийлөгчдийн сургаалаас: Иосеф Смит [2007], 332)

• Есүс Христийн сайн мэдээг номлоход Ариун Сүнс яагаад тийм чухал үүрэг гүйцэтгэдэг гэж та бодож байна вэ?

1. “Ариун Сүнсний удирдамжийг эрэлхийлэх” болон “Хөрвөлт дэх Сүнсний хүч” гарчгийн доор байгаа догол мөрүүдийг судал (Миний сайн мэдээг номло, 105; 107).

2. “Хөрвөлт дэх Сүнсний хүч” гарчгийн доорх “Судраас судлах” гэсэн хайрцган дотор жагсаасан шүлгүүдээс ядаж хоёрыг судал (Миний сайн мэдээг номло, 108).

3. Сурсан зүйл дээрээ тулгуурлан, дараах асуултуудад өгөх хариултуудаа хуваалцахад бэлд.

   • Аврагчийн сайн мэдээг заахад Ариун Сүнс надад хэрхэн туслах вэ?

   • Ариун Сүнс хүмүүсийг Христэд ирэхэд нь туслах ямар үүрэг гүйцэтгэдэг вэ?

   • Би Есүс Христийн сайн мэдээг хуваалцах үедээ Сүнсийг урихын тулд юу хийж болох вэ?

1. Өмнөх судлах үйл ажиллагаагаар үзсэн гурван асуултад хариулна уу.

   1. Аврагчийн сайн мэдээг заахад Ариун Сүнс надад хэрхэн туслах вэ?

   2. Ариун Сүнс хүмүүсийг Христэд ирэхэд нь туслах ямар үүрэг гүйцэтгэдэг вэ?

   3. Би Есүс Христийн сайн мэдээг хуваалцах үедээ Сүнсийг урихын тулд юу хийж болох вэ?

2. Олсон нэг судраа хуваалц. Энэ судар нь дээр ярилцсан гурван асуултын нэгтэй хэрхэн холбогдож байгааг тайлбарлана уу.

3. Ариун Сүнс бидэнд хэрхэн тусалдаг тухай хувийн туршлагаа эсвэл гэрчлэлээ хуваалц.

Сурч мэдсэн зүйлтэйгээ холбоотой зорилго тавь. Дараахтай адил санаануудыг эсвэл өөрийн бодож олсон санаануудыг хэрэгжүүл.

• Судруудын удирдамж эсвэл Сэдвийн удирдамж зэрэг судлах хэрэгслийг ашиглан Ариун Сүнсний өөр өөр үүргүүдийн талаар илүү ихийг судал. Ариун Сүнс танд одоо болон номлогчийн хувьд хэрхэн тусалж болох талаар бодож үзээрэй.

• Амьдралдаа Ариун Сүнсийг урихыг илүү ихээр хэвшүүлж болохын тулд ямар өөрчлөлт гаргахаа шийд.

Хэн нэгэн хүнийг танаас Ариун Сүнснээс ирдэг өдөөлт болон өөрийн бодол, мэдрэмж хоёрын ялгааг хэрхэн ялгаж салгах тухай асуусан гэж төсөөл.

• Та хэрхэн хариулах байсан бэ?

Ариун Сүнсийг таних тухай ойлголтоо гүнзгийрүүлэхийн тулд Миний сайн мэдээг номло гарын авлагын 4-р бүлэг дэх дараах сонголтуудын нэгийг сонго.

1. “Сүнсний өдөөлтүүдийг ялган таньж сур” хэсгийг судал (Миний сайн мэдээг номло, 110–111).

2. “Хувиараа судлах” хайрцган доторх Ариун Сүнсний тодорхойлолтыг унш (Миний сайн мэдээг номло, 111–112). Жагсааж бичсэн судрын эшлэлүүдээс сонирхолтой санагдсан хэсгүүдээ судал.

• Бурхан Ариун Сүнсээр дамжуулан бидэнтэй хэрхэн харилцдаг талаар та ямар ойлголтуудыг олж авсан бэ?

• Ариун Сүнсний талаарх таны хувийн туршлагыг дүрсэлж буй ямар жишээ байна вэ?

1. Хэн нэгэн хүн чухал гэж үзсэн зүйлийнхээ төлөө удирдамж, чиглүүлэг эрэлхийлж байна. Тэрээр залбирч, долоо хоногийн эцэс гэхэд хариултыг нь өгөхийг Тэнгэрлэг Эцэгээс гуйжээ.

2. Хүмүүс Сүнсийг мэдрэх үед танаас илүү сэтгэл хөдлөлтэй болдгийг та анзаарна. Танд ямар нэг зүйл болохгүй байгаа юм болов уу гэж та бодож болно.

3. Хэн нэгэн хүн бошиглогч, төлөөлөгчдийн сургаалтай зөрчилдөх ямар нэг зүйл хийх удирдамжийг хүлээн авсан гэж бодов.

4. Залуу эрэгтэй, эмэгтэй хоёр хэт гүнзгий харилцаа үүсгэн болзож байв. Нэгэн өдөр тэрээр эмэгтэйд хандан “Чамайг надтай гэрлэх ёстой гэсэн сүнсний удирдамжийг би хүлээн авлаа” гэж хэлэв.

5. Нэг хүн хоёр өөр их сургуульд тэнцсэн. Хэдийгээр тэрээр мацаг барин, залбирч байгаа ч аль сургуульд суралцахыг нь Их Эзэн тэдэнд хэлэхгүй байгаа юм шиг санагдав.

Сурч мэдсэн зүйлтэйгээ холбоотой зорилго тавь. Дараахтай адил эсвэл өөрийн бодож олсон санаануудыг ашигла.

• Дараагийн хэдэн өдөр Ариун Сүнс таныг хэрхэн удирдаж байгааг мэдрэх ялгаатай арга замуудад эсвэл Сүнсний үр жимсийг хэрхэн мэдэрч байгаадаа анхаарал хандуулаарай (Галат 5:22–23-ыг үзнэ үү). Туршлагаа бичиж тэмдэглэ.

• Миний сайн мэдээг номло гарын авлагын 111-р хуудсан дээрх “Хувиараа судлах” хайрцагт жагсаасан судар бүрийг судал. Сүнсийг хэрхэн мэдэрч, таньдаг талаар олж авсан ойлголтоо бичиж тэмдэглэ.

Хайрт ах, эгч нар минь ээ, би та бүхнээс илчлэлт хүлээн авах сүнслэг чадвараа нэмэгдүүлээсэй хэмээн гуйж байна. … Ариун Сүнсний бэлэгтэй байж, Сүнсний дуу хоолойг илүү олон удаа, илүү тодорхой сонсоход шаардагддаг сүнслэг ажлууд хийхийг сонго. (“Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган)

• Яагаад Ариун Сүнснээс удирдамж, илчлэлт тогтмол хүлээн авах нь чухал гэж та бодож байна вэ?

Миний сайн мэдээг номло гарын авлагын “Сүнсэнд найд” хэсгийг унш (112-р хуудас). Их Эзэний ажлыг хийж байхдаа Ариун Сүнстэй хамт байх нь чухал болох шалтгаануудыг хайж ол.

• Яагаад Ариун Сүнсэнд найдах нь чухал талаар та юу сурч мэдсэн бэ?

• Сүнсэнд бүрэн найдахад юу саад болж болох вэ?

• Амьдралдаа Ариун Сүнсний нөлөөллийг илүү ихээр мэдрэхэд танд юу тусалсан бэ?

Та өөрийгөө шинэхэн номлогч гэж төсөөлөөд, дараагийн дүүргийн хурал дээр “Бид хэрхэн Ариун Сүнсэнд илүү их найдах вэ?” сэдвээр үг хэлэх даалгавар хүлээж авсан гэж бод. “Сүнсэнд найд” хэсгийн төгсгөл дэх ”Судар судлах” (Миний сайн мэдээг номло, 112) хайрцгийг ашиглан, энэ асуултад хариулсан 2-оос 3 минутын үг бэлд. Үгэндээ хуваалцахыг хүссэн зарчим, ойлголтоо бичиж тэмдэглэ.

Сурч мэдсэн зүйлтэйгээ холбоотой зорилго тавь. Дараахтай адил эсвэл өөрийн бодож олсон санаануудыг хэрэгжүүл.

• 1 Нифай 4:6; 2 Нифай 32:5; Моронай 10:5; эсвэл Сургаал ба Гэрээнүүд 8:2 гэх мэт Ариун Сүнсний тухай судруудыг цээжил.

• Ариун Сүнсийг өөртэйгөө илүү ойрхон тогтмол хамт байлгахын тулд та юу хийж эхлэх, юуг хийхээ болихоо тодорхойл.