Номлогчийн зорилгоо биелүүл

Танд Сүмийн гишүүн биш найз бий. Найз тань өнөөдөр ямар төлөвлөгөөтэй байгааг асуухад та номлогчийг бэлтгэх ангид суух гэж байгаагаа хэлэв. Ийн хэлэхэд найз тань “Номлогчид юу хийдэг вэ?” гэж асуужээ.

“Таны зорилго” (Миний сайн мэдээг номло, 1) болон ахлагч Д. Тодд Кристоффэрсоны дараах мэдэгдлийг унш.

Миний сайн мэдээг номло гарын авлагын 1-р бүлэг болон “Номлогчийн хувьд миний зорилго юу вэ?” гэсэн асуултыг үл тоомсорлон орхиж болохгүй. Сэргээгдсэн сайн мэдээний зарчим, ёслолуудаар дамжуулан хүмүүсийг Христэд авчрах зорилгоо ухамсарласан үедээ та сайн мэдээг хуваалцах нь хөтөлбөр биш, энэ нь Эцэг, Хүү мөн Ариун Сүнсний үйл хэрэг юм гэдгийг ойлгоно. (D. Todd Christofferson, “Why We Share the Gospel,” Ensign, Aug. 2014, 36)

Энэхүү зорилгыг ухамсарлах нь хэрхэн дараах зүйлд нөлөөлж болохыг ярилц:

• Та номлолд хэрхэн бэлтгэсэн бэ?

• Номлогчийн хувьд таны үйлдэл

“Сэргээгдсэн сайн мэдээг заах таны үүрэг”-ийг унш (Миний сайн мэдээг номло, 1–2). Судалж байхдаа дараах зүйлийг онцол:

1. Бид яагаад бусдыг Есүс Христэд ирэхийг урьдаг шалтгаан

2. Есүс Христэд ирэхэд бусдад туслахын тулд бид юу хийж болох вэ?

• Аврагчийг дагах нь хэрхэн танд болон таны мэдэх хүмүүст “агуу аз жаргал, найдвар, амар амгалан, зорилго” (2-р хуудас) авчирсан бэ?

Судалсан зүйлтэйгээ холбоотой зорилго тавь. Дараахтай адил санаанаас ашигла эсвэл өөрийн гэсэн санаа ол.

• Номлогчийн зорилгыг цээжлэх дадлагаа үргэлжлүүлэн хий. Үүнийгээ гэр бүлийнхээ гишүүнтэй эсвэл найзтайгаа цээжээр хуваалц. Номлогчийн зорилгын хүрээнд хийдэг эсвэл хийж эхлэх зүйлсийнхээ талаар бод.

• ChurchofJesusChrist.org дээрх “Сайн мэдээг хуваалцах” хуудсанд зочилно уу. Бусадтай сайн мэдээг хуваалцахад танд туслах санаануудыг эрж хай.

• Есүс Христэд ойртож, Түүний сайн мэдээний адислалуудаас хүртэхэд нь туслахыг хүсэж байгаа хэн нэгний тухай залбирч бод. Та тэдэнд туслахын тулд юу хийхээ тодорхойл (Жишээлбэл: “Би энэ хүний төлөө залбирч, ням гарагт сүмд ирэхэд түүнийг урина”).

Христийн цэвэр сургаал бол хүчирхэг. Үүнийг ойлгож, амьдралдаа хэрэгжүүлэхийг эрэлхийлдэг хүн бүрийн амьдрал өөрчлөгддөг. (“Цэвэр үнэн, цэвэр сургаал, цэвэр илчлэлт,” 2021 оны 10-р сарын Ерөнхий чуулган, 6.)

• Хэрэв хэн нэгэн танаас Христийн сургаал гэж юу вэ хэмээн асуувал та юу гэж хариулах вэ?

Миний сайн мэдээг номло гарын авлагын 1-р бүлэг дээрх “Христийн сайн мэдээ ба Христийн сургаал” гарчигтай хэсгийг ол. Эхний гурван догол мөрийг болон Хайрум Смитийн хэлсэн мэдэгдлийг унш (6-р хуудас). Дараах хоёр асуултын хариултыг хай.

• Христийн сургаал гэж юу вэ?

• Яагаад номлолд бэлтгэж байгаа хүн Христийн сургаалыг ойлгож, түүгээр амьдрахыг эрэлхийлэх ёстой вэ?

Миний сайн мэдээг номло гарын авлагын 1-р бүлэг (7–9-р хуудас) дахь дараах хэсгийг судлан, Христийн сургаалын талаар илүү дэлгэрэнгүй олж мэд:

• “Есүс Христэд итгэх итгэл”

• “Наманчлал”

• “Баптисм”

• “Гишүүний баталгаа ба Ариун Сүнсний бэлэг”

• “Эцсээ хүртэл тэвчих” (мөн 2 Нифай 31:19–20-ийг судал.)

Судлахдаа чухал үг, хэллэгүүдийг тодруул. Энэ хэсэгтэй холбоотой зарим судрыг унших талаар бодож үз. Суралцсан зүйлээ хуваалцахад бэлтгэ.

Христийн сургаалын талаар судалсан хэсгээ хураангуйл. Тайлбартаа дараах санааг багтаах талаар бодож үз:

1. Судалсан зүйлийн тань товч дүгнэлт

2. Сургаалын энэ хэсэг хэрхэн хүмүүст Христэд ирж, Түүний авралын хүчийг авахад тусалдаг тухай

3. Та эсвэл таны таньдаг хэн нэгэн хэрхэн Христийн сургаалын энэ хэсгийг дагаснаар адислагдаж байсан тухай

Судалсан зүйлтэйгээ холбоотой зорилго тавь. Дараахтай адил санаанаас ашигла эсвэл өөрийн гэсэн санаа ол.

• 2 Нифай 31-ийг судлаад, Христийн сургаалын тухай Нифайн заасан зүйлийг олж мэд.

• Амьдралдаа илүү бүрэн дүүрэн хэрэгжүүлэхийг хүсэж байгаа Христийн сургаалын нэг хэсгээ тодорхойл. Үүнийг хэрхэн хийхээ төлөвлө.

• Амжилттай номлогч гэдгээ хүмүүс хэрхэн мэдэж болох вэ?

1. Миний сайн мэдээг номло гарын авлагын 1-р бүлгийн (13-р хуудас) “Амжилттай номлогч” хэсгийн эхний есөн догол мөрийг унш. Амжилттай номлогчийн онцлог шинж чанарыг тодруул эсвэл тэмдэглэ. Амжилтад чухал биш зүйлсийг өөрөөр (өөр өнгөөр эсвэл зураасаар гэх мэт) тэмдэглэ.

2. 14-р хуудас-ны дээд талд байгаа сумнуудыг хар. Унших хоёр юм уу түүнээс дээш судрын эшлэл сонгоод, тэдгээр нь амжилттай номлогч байх талаар юу зааж байгааг олж мэд.

Та бүрэн цагийн номлолд үйлчилж байгаа найзаасаа мессеж авлаа гэж төсөөл. Тэр зааж байсан хүмүүсээс нь нэг нь ч баптисм хүртээгүй, бас удирдах үүрэгт огт авч байгаагүй учраас сайн номлогч байж чадахгүй байна гэж бодож байгаа аж. Түүнд цагаа дэмий үрж байгаа юм шиг санагдаж эхэлжээ.

• Миний сайн мэдээг номло гарын авлагын 1-р бүлэг (13–14-р хуудас) дээрх “Амжилттай номлогч”-оос сурсан зүйл дээрээ үндэслэн, амжилттай номлогч байх гэдэг нь ямар утгатай болохыг өөр өнцгөөс харахад найздаа тусал.

• Есүс Христэд анхаарлаа илүү төвлөрүүлэх нь номлогчийн үйлчлэлийн талаарх найзын тань бодлыг хэрхэн өөрчилж болох талаар хуваалц.

Судалсан зүйлтэйгээ холбоотой зорилго тавь. Дараахтай адил санаануудыг ашигла эсвэл өөрийн гэсэн санаа ол.

• Одоо номлолд үйлчилж байгаа өөрийн таньдаг хэн нэгний талаар бодож үз. Амжилттай номлогч байх талаар өнөөдөр сурсан зүйлээ хураангуйлсан э-мэйл, захидлыг түүнд бич. Та бас нэг номлогчоос юу тэднийг амжилттай болгодог болохыг асуу.

• Та ирээдүйд амжилттай номлогч болохын тулд одооноос юу хийж болохоо бод.