Ni kwa Jinsi Gani Nitaongoza Kikundi cha Mazungumzo?

Utatumia EnglishConnect 1 kwa ajili ya Wanafunzi au EnglishConnect 2 kwa ajili ya Wanafunzi kuongoza kikundi. Kila somo hufuata muundo huu:

Karibu: Kwa ukujufu wakaribishe wanafunzi na uwatambulishe washiriki wapya. Thibitisha matarajio kwamba wewe utaongea Kiingereza na mwaalike kila mmoja kutumia Kiingereza kwa kadiri awezavyo. Kwa kifupi tambulisha mada ya somo.

Sala: Mwalike mwanafunzi kusali kwa sauti. Jaribu kumchagua mwanafunzi ambaye anahisi vizuri kusali kwa Kiingereza. Unaweza kumwalika mtu kujiandaa mapema kwa kujifunza “Kusali kwa Kiingereza” katika kiambatisho cha vitabu vya kiada vya mwanafunzi.

Kanuni ya Kujifunza: Soma na jadili kanuni ya kujifunza iliyopo katika “Personal Study” sehemu ya (Kujifunza Binafsi) katika kitabu cha kiada cha mwanafunzi. Lengo la kanuni ya kujifunza ni kumwalika Roho mnaposhiriki na kujifunza pamoja kwa kujifunza na pia kwa imani” (Mafundisho na Maagano 88:118).

Panga jinsi ya kujadili kanuni hii kwa kushiriki kwa ufupi jinsi ambavyo wewe ungejibu mojawapo ya maswali ya mjadala. Tumia maneno na virai rahisi.

Waalike wanafunzi washiriki mawazo yao na uzoefu wao mmoja na mwingine. Wanafunzi wanaweza kujadili kwa lugha yao ya mama. Kama wanahisi vizuri, wanafunzi wanaweza kuchagua kutumia maneno au virai kwa Kiingereza wanapojadili.

Shughuli ya 1: Waongoze wanafunzi katika shughuli kwenye “Conversation Group” sehemu ya (Kikundi cha Mazungumzo) ya kitabu cha kiada cha mwanafunzi. Kila shughuli huwaandaa wanafunzi kwa ajili ya shughuli inayofuata. Shughuli huwasaidia wanafunzi kupiga hatua kutoka kwenye mazoezi ya marudiorudio hadi kubuni mazungumzo yao wenyewe.

Katika shughuli ya 1, wasaidie wanafunzi kurejea tena msamiati na mipangilio katika sehemu ya “Kujifunza Binafsi” ya kitabu cha kiada cha mwanafunzi. Lengo ni kuwaandaa wanafunzi kwa ajili ya shughuli za 2 na 3 kwa kuwasaidia wao kuelewa maneno machache muhimu na kusema mipangilio.

Shughuli ya 2: Katika shughuli ya 2, wanafunzi wanatumia msamiati na mipangilio kufanya mazoezi ya kuuliza na kujibu maswali pamoja na mwenza wakitumia taarifa zilizotolewa. Lengo ni kwa ajili ya wanafunzi kutengeneza sentensi nyingi wanavyoweza kwa Kiingereza.

Wahimize wanafunzi kubadilisha wenza ili kuongeza nafasi za kufanya mazoezi. Unapokuwa na miingiliano na wanafunzi, jaribu kupata wale walio na mahitaji ya msaada wa ziada. Kuwa wa kuhimiza na kuinua.

Shughuli ya 3: Katika shughuli ya 3, wanafunzi wana nafasi ya kutumia msamiati na mipangilio ya kukamilisha mazungumzo katika hali halisi ya maisha. Lengo ni kwa ajili ya wanafunzi kuwa na mazungumzo yenye maana kwa Kiingereza.

Wahimize wanafunzi kubadilisha wenza mara kwa mara ili kuwapa wao nafasi nyingi za mazoezi. Kufikia mwisho wa shughuli ya 3, kwa kawaida wanafunzi wote wanaongea Kiingereza bila kurejelea vitabu vyao vya kiada. Kikundi kinapaswa kuwa na uchangamfu na kusonga kadiri wanafunzi wanapochangamana na kufanya mazoezi pamoja. Unapojihusisha na wanafunzi, unaweza kutambua kwamba baadhi wanaelewa vyema na wanafanikiwa katika shughuli hii. Fikiria kuwachochea wanafunzi hawa kukuza kwa kina kujifunza kwao kwa kujumuisha maelezo zaidi au kufanya shughuli ile ile katika muktadha tofauti. Kwa mfano, wakati wanafunzi wanafanya mazoezi ya kukutana na mtu, waombe wao wafanye mazoezi ya hali tofauti kama vile kukutana na rafiki mpya au mwajiri mpya.

Tathmini: Wasaidie wanafunzi kutathmini maendeleo yao na juhudi zao. Wasaidie wao kuhisi kufanikiwa kwa kutaja kile wanachoweza kufanya ili kuwa bora. Wasaidie wanafunzi kutumia “Personal Study Tracker” (Kifuatiliaji cha Kujifunza Binafsi) ili kuweka malengo ya kufanya mazoezi ya kila siku.

Tenda kwa Imani kwa Kufanya Mazoezi kwa Kiingereza Kila Siku: Soma nukuu kwa sauti pamoja na kikundi chako. Onyesha imani yako kwamba Bwana anaweza kuwasaidia wao kujifunza Kiingereza. Waalike wao kufanya mazoezi ya Kiingereza kila siku na kujiandaa kwa ajili somo linalofuata kwa kukamilisha “Personal Study” shughuli za (Kujifunza Binafsi)

Sala: Mwalike mwanafunzi kutoa sala ya kufunga kwa Kiingereza. Chagua mwanafunzi ambaye anahisi kujiamini au yule uliyekuwa umwemwandaa mapema.

Masomo ya EnglishConnect yamesanifiwa kwa kutumia kanuni zilizothibitishwa za kujifunza lugha. Utafanikiwa unapofuata masomo na kujenga mazingira ya imani, urafiki na ukuaji.