Je, ni Kwa Jinsi Gani Nitajiandaa kwa ajili ya Kikundi cha Mazungumzo?

Kikundi cha mazungumzo ni muhimu kwa uzoefu wa EnglishConnect. Katika kikundi cha mazungumzo, wanafunzi wana nafasi za kufanya mazungumzo yenye maana. Wanapokutana, wanafunzi wanaweza kupata kujiamini, kujifunza kutoka kwa Roho na kusaidiana.

Kuzungumza Kiingereza huwasaidia wanafunzi kuendelea na ni njia muhimu ya kutafuta kipawa cha ndimi. Unaweza kuongoza kikundi cha mazungumzo ukitumia Kiingereza rahisi. Kama inahitajika, wanafunzi wanaweza kurejea kwenye tafsiri katika kitabu cha kiada cha mwanafunzi cha EnglishConnect katika lugha yao ya mama. Tafsiri imetolewa kwa madhumuni, kanuni za kujifunza, msamiati na maelekezo.

Kabla kikundi cha mazungumzo chako kukutana, pitia tena kila sehemu katika vitabu vya kiada vya mwanafunzi wa EnglishConnect. Hapo chini kuna baadhi ya hatua za kukusaidia kujiandaa:

1. Sali na tafuta msaada wa Mungu.

2. Fikiria jinsi utakavyokuza imani, urafiki na ukuaji katika kikundi.

   1. Ni kwa jinsi gani ninaweza kumwalika Roho?

   2. Ni kwa jinsi gani wanafunzi wanaweza kutafuta na kutambua msaada wa Bwana?

   3. Ni kwa jinsi gani wanafunzi wanaweza kupendana na kusaidiana?

   4. Ni kwa jinsi gani naweza kuwasaidia wanafunzi kuongea Kiingereza na kuwa bora?

3. Jifunze kanuni ya kujifunza.

   1. Ni kwa jinsi gani umepata uzoefu wa kanuni hii?

   2. Ni kwa jinsi gani wanafunzi wanaweza kutumia kanuni hii?

   3. Ni kwa jinsi gani ninaweza kutumia kanuni hii katika kufundisha kwangu?

4. Pitia tena msamiati na mipangilio.

   1. Je, ninaweza kwa kujiamini kutumia msamiati na mipanglio katika mazungumzo?

5. Soma shughuli 1–3.

   1. Ni kwa jinsi gani nitaonyesha kila shughuli?

   2. Ni kwa jinsi gani nitawapanga wanafunzi katika jozi kwa ajili ya mazoezi?

   3. Ni kwa jinsi gani nitawasaidia wanafunzi wakati wakifanya mazoezi?

6. Pitia tena sehemu ya “Tathmini.”

   1. Ni kwa jinsi gani nitawasaidia wanafunzi kuhisi wamefanikiwa?

   2. Ni kwa jinsi gani nitawasaidia wanafunzi kutumia “Kifuatiliaji cha Kujifunza Binafsi” katika kitabu cha kiada cha mwanafunzi?

7. Pitia tena sehemu ya “Tenda kwa Imani ili Kufanya Mazoezi ya Kiingereza Kila Siku.”

   1. Ni kwa jinsi gani nitawahimiza wanafunzi kufanya sehemu ya “Kujifunza Binafsi” kabla ya kikundi kukutana na kufanya mazoezi ya Kiingereza kila siku?

   2. Ni kwa jinsi gani nitawahimiza wanafunzi kumtegemea Bwana?

Pitia tena sehemu ya “Nyenzo za Kikundi” katika kitabu hiki cha kiada. (Nyenzo hizi zinaweza pia kupatikana katika kitabu cha kiada cha mwanafunzi cha EnglishConnect.) Panga jinsi utakavyotumia nyenzo hizi. Sehemu ya “Virai vya Kikundi cha Mazungumzo” inajumuisha virai rahisi ambavyo vinaweza kusaidia kundi kuchangamana kwa kutumia Kiingereza. “Kusali kwa Kiingereza” inajumuisha mipangilio rahisi ya kuwasaidia wanafunzi kusali kwa Kiingereza. Unaweza kuwaalika washiriki kupitia sehemu hii ili kujiandaa kutoa sala ya kufungua au kufunga.

Nyenzo na mifano ya ziada ya kufundisha inapatikana katika Maktaba ya Injili na kwenye englishconnect.org/teacher.

Marafiki wa Imani Zingine

Kufokasi katika kujifunza kwenye msingi wa imani ni mojawapo ya vitu ambavyo hufanya EnglishConnect kuwa ya kipekee. Unaweza pia kujumuisha watu kutoka kwenye imani tofauti kwa kuwasaidia wao kuakisi juu ya jinsi kanuni ya kujifunza inaweza kutumika kwao. Unaweza kutumia “Kanuni za Kujifunza Faharasa” katika vitabu vya kiada vya EnglishConnect kwa ajili ya mwanafunzi ili kuwasaidia kuelewa maneno ya kiinjili. Kwa kuongozwa na Roho, fikiria kuwaalika wao kushiriki kile wanachojifunza mnapojadili kanuni ya kujifunza. Daima onyesha heshima kwa imani za wengine wakati kwa uwazi unashiriki imani yako kwamba Mungu anaweza kuwasaidia wao kujifunza Kiingereza.

Unaweza kupata mawazo ya ziada katika utangulizi wa kitabu cha kiada cha Hubiri Injili Yangu ona sehemu ya Kutumia Hubiri Injili Yangu kwa Waumini,”

Kufanya Kazi na Vijana

EnglishConnect inaweza kubariki maisha ya vijana. Vigingi, kata na misheni zinaweza kupanga vikundi tu vya vijana. Kama vikundi vya vijana na watu wazima vinaunganishwa, fikiria kuwapanga vijana pamoja kwa ajili ya shughuli za mazoezi.

Kumbuka kufuata Sera za Kanisa kwa ajili ya kuwalinda vijana. Vijana wadogo (miaka 18 au chini ya hapo na wanaoishi nyumbani kwao) lazima wapate fomu ya ruhusa ya mzazi iliyotiwa sahihi kabla ya kuhudhuria kikundi. Fomu zinapatikana katika lugha nyingi mtandaoni kwenye englishconnect.org/resources/leader. Cha ziada, kozi za EnglishConnect lazima zifuate sera ya Kanisa kwamba angalau watu wazima wawili wenye kuwajibika daima wahudhurie wakati wa mikutano ya kikundi. Unapaswa kufuata sera hizi hata kama kikundi kinakutana mtandaoni.