Mwanafunzi Hufanya Nini?

Kama mwalimu wa EnglishConnect, unahitaji kuelewa kile wanafunzi watakachofanya ili uweze kuwasaidia kufanikiwa. Wanafunzi watakuwa na ufanisi sana wakati wanatimiza shughuli za kujifunza binafsi, kushiriki katika kikundi cha mazungumzo na kukuza tabia ya kufanya mazoezi ya Kiingereza kila siku. Kila somo katika EnglishConnect 1 kwa ajili ya Wanafunzi na EnglishConnect 2 kwa ajili ya Wanafunzi limegawanywa katika sehemu mbili: “Personal Study” (Kujifunza Binafsi) na “Conversation Group” (Kikundi cha Mazungumzo). Pitia tena “Utangulizi” katika vitabu vya kiada vya mwanafunzi wa EnglishConnect ili kukusaidia kuelewa uzoefu wa mwanafunzi.

mchoro unaonyesha kwamba kujfunza binafsi na kikundi cha mazungumzo ni mchakato wa duara.

Tafuta Maarifa kwa Kujifunza na kwa Imani

Msingi wa uzoefu wa EnglishConnect ni kuwasaidia wanafunzi “kutafuta maarifa, hata kwa kujifunza na pia kwa imani” (Mafundisho na Maagano 88:118). Kila somo katika EnglishConnect kiini chake ni kanuni ya kujifunza. Hizi ni kanuni za kiroho ambazo zinatusaidia sisi kumtegemea Bwana kuongeza uwezo wetu kwa kujifunza na kufundisha. Kanuni za kujifunza zinaweza kutusaidia sisi kuelewa uwezekano wetu halisi na uwezo wa Mwokozi wa kutusaidia sisi. Kanuni za kujifunza ambazo tutajifunza na kuonyesha katika uzoefu wa EnglishConnect zinajumuisha:

Wewe ni mtoto wa Mungu

Mimi ni mtoto wa Mungu aliye na uwezekano na kusudi la milele.

(Ona Warumi 8:16–17; “Familia: Tangazo kwa Ulimwengu.”)

Tumia imani katika Yesu Kristo.

Yesu Kristo anaweza kunisaidia kufanya vitu vyote ninapoonyesha imani Kwake.

(Ona Wafilipi 4:13; Etheri 12:27; Moroni 7:33.)

Wajibika

Nina uwezo wa kuchagua, na ninawajibika kwa ajili ya kujifunza kwangu mwenyewe.

(Ona 2 Nefi 2:14, 16; Mafundisho na Maagano 58:27–28.)

Pendaneni na Fundishaneni

Ninaweza kujifunza kutoka kwa Roho Mtakatifu ninapowapenda, kuwafundisha, na kujifunza pamoja na wengine.

(Ona Yohana 13:34–35; Yohana 14:26–27; Mafundisho na Maagano 84:106; 88:77, 122–23.)

Songa Mbele

Kwa msaada wa Mungu, ninaweza kusonga mbele hata wakati ninakabiliana na vikwazo.

(Ona 2 Nefi 31:20; 32:9; Mafundisho na Maagano 50:41–42.)

Shauriana na Bwana

Ninaweza kuboresha kujifunza kwangu kwa kushauriana na Mungu kila siku kuhusu juhudi zangu.

(Ona Mithali 3:5–6; Mathayo 7:7–8; Alma 37:37.)

Kujifunza Binafsi

Kabla ya kuhudhuria kikundi cha mazungumzo, wanafunzi wanakamilisha “Personal Study” sehemu ya (Kujifunza Binafsi) katika kitabu cha kiada cha mwanafunzi. Katika sehemu hii, wanafunzi wanajifunza kanuni ya kujifunza, kukariri msamiati na kufanya mazoezi ya kutumia mpangilio wa sentensi.

Kukariri msamiati na kufanyia mazoezi mipangilio ni shughuli zinafanywa vyema katika kujifunza binafsi. Hii huruhusu wanafunzi kujua vyema dhana kwa kasi yao wenyewe.

Kikundi cha Mazungumzo

Katika kikundi cha mazungumzo, wanafunzi wanakamilisha shughuli za “Conversation Group” (Kikundi cha Mazungumzo) katika kitabu cha kiada cha mwanafunzi. Kufanya kazi katika vikundi vidogo au jozi, wanafunzi wanajadili kanuni ya kujifunza, kupitia tena msamiati na mipangilio ya sentensi, na kufanya mazoezi ya mazungumzo. Kila shughuli huwaandaa wanafunzi kwa ajili ya shughuli inayofuata. Kila mwisho wa kila kikundi cha mazungumzo, wanafunzi wanatathmini maendeleo yao na kuweka malengo kwa ajili ya mazoezi ya kila siku.

Mazoezi ya Kila Siku

Ili kujifunza Kiingereza vyema, wanafunzi wanahitaji kukuza tabia ya kufanya mazoezi kila siku. Ili kuanzisha tabia hii, wanafunzi wanahitaji kupata njia za kuunganisha Kiingereza katika shughuli zao za kila siku. Kwa mfano, wakati wa kusikiliza muziki, wanaweza kusikiliza kwa Kiingereza. Wanafunzi wanaweza pia kuwa na mazungumzo katika Kiingereza nyumbani, kazini au kanisani. (Ona mawazo ya ziada katika sehemu ya “Mapendekezo ya Kujifunza” katika vitabu vya kiada vya mwanafunzi wa EnglishConnect.) Kitu muhimu cha mazoezi ya kila siku ni kuwasaidia wanafunzi kupata njia za kutumia Kiingereza katika shughuli za kawaida.

Kama sehemu za mazoezi ya kila siku, wanafunzi wanaweza kukamilisha sehemu ya “Personal Study” (Kujifunza Binafsi) katika kitabu cha kiada cha mwanafunzi. Pia wanaweza kukamilisha shughuli za somo na upimaji mtandaoni kwenye englishconnect.org/learner/resources na katika Kitabu cha Kazi cha EnglishConnect 1 na Kitabu cha Kazi cha EnglishConnect 2.