“Nini Huifanya EnglishConnect kuwa ya Kipekee?,” EnglishConnect kwa ajili ya Walimu (2023)
“Nini Huifanya EnglishConnect kuwa ya Kipekee?,” EnglishConnect kwa ajili ya Walimu
Nini Huifanya EnglishConnect kuwa ya Kipekee?
Katika EnglishConnect, “tunatafuta maarifa, hata kwa kujifunza na pia kwa imani” (Mafundisho na Maagano 88:118). Pamoja tunakuza ujuzi wa Kiingereza katika mazingira ya imani, urafiki na ukuaji.
Imani
Katika EnglishConnect, tunatenda kwa imani kutafuta msaada wa Bwana katika kujifunza Kiingereza. Tunapotafuta msaada wa Bwana ili kujifunza Kiingereza, tunaweza kuchagua kusogea karibu na Mungu na uzoefu wa nguvu wezeshi za Mwokozi. Katika kila somo, tunajifunza na kutumia kanuni ya kiroho ya kujifunza. Roho ni mwalimu halisi, na tunaweza kutafuta vipawa vya Roho ili kutusaidia kujifunza, ikijumuisha kipawa cha ndimi (ona Mafundisho na Maagano 46:8–26).
Urafiki
Katika EnglishConnect, tunamwalika Roho tunapopendana, kufundishana na kusaidiana mmoja kwa mwingine. Tunajenga urafiki na kupeana moyo. Pamoja tunaongeza kujiamini kwetu, na kujifunza kutoka kwa makosa yetu na kusherehekea maendeleo yetu. Tunapofundisha kutoka kwa Roho, sisi “tutaelewana kila mmoja” na “kujengana na kufurahia pamoja” (Mafundisho na Maagano 50:22).
Ukuaji
Katika EnglishConnect, tunafanya zaidi kuliko kujifunza Kiingereza, pia tunauongeza uwezo wetu kwa kujifunza na kufundisha. Bila kujali pale tunapoanzia, tunafanya bidii na kufanya kazi na Mungu ili kutimiza malengo yetu. Tunatenda kwa imani kwa kufanya mazoezi ya Kiingereza kila siku. Tunajitahidi kusoma “kwa kujifunza na pia kwa imani” (Mafundisho na Maagano 88:118).