“Chan ru naq jalan li EnglishConnect?,” EnglishConnect choq’ reheb’ laj k’utunel (2023)
“Chan ru naq jalan li EnglishConnect?,” EnglishConnect choq’ reheb’ laj k’utunel
Chan ru naq jalan li EnglishConnect?
Sa’ EnglishConnect, naqasik’ “xkʼulbʼal qanawom, rik’in li tzolok jo’ ajwi’ rik’in li paab’aal” (Tzol’leb’ ut li Sumwank 88:118). Sa’ komonil naqanimob’resi li qaseeb’al chiroksinkil li Ingles sa’ jun na’ajej re paab’ank, k’ulub’ank, ut k’iik.
Li paab’ank
Sa’ EnglishConnect, naqak’anjela li qapaab’aal re xsik’b’al xtenq’ li Qaawa’ re xtzolb’al li Ingles. Naq naqasik’ xtenq’ li Qaawa’ re xtzolb’al li Ingles, naru nokojilok rik’in li Dios ut naqak’ul lix wankilal aj k’ehonel li Qaawa’. Sa’ li junjunq chi tzolok, naqatzol ut naqayu’ami jun musiq’ejil na’leb’ re tzolok. Li Musiq’ej a’an tz’aqal aj k’utunel, ut naru naqasik’eb’ li maatan re li Musiqʼej li toohe’xtenq’a chi tzolok, jo’ li maatan re li jalanil aatinobʼaal (chi’ilmanq Tzol’leb’ ut Sumwank 46:8–26).
Li k’ulub’ank
Sa’ EnglishConnect, naqab’oq li Musiq’ej naq naqara, naqatzol, ut naqatenq’a qib’ chiqib’il qib’. Noko’ok sa’ amiiwul ut naqawaklesi qach’ool chiqib’il qib’. Sa’ komonil naniman xkawilal qach’ool, naqataw qana’leb’ rik’in li nokosach wi’, ut nasaho’ qach’ool chirix li qak’iijik. Naq nokotzolok rik’in li Musiq’ej, “taqataw qu chiqib’il qib’, ut … taawaklesiiq li qaam ut toosahoʼq saʼ qachʼool saʼ komonil ” (Tzol’leb’ ut Sumwank 50:22).
Li k’iik
Sa’ EnglishConnect, ink’a’ ka’ajwi’ naqatzol li Ingles; naqanimob’resi ajwi’ li qaseeb’al chi tzolok ut chi k’utuk. Rik’in paab’aal naqayal roksinkil li Ingles wulaj wulaj. Rik’in paab’aal naqayal roksinkil li Ingles wulaj wulaj. Naqasik’ tzolok “rik’in li tzolok jo’ ajwi’rik’in li paab’aal” (Tzol’leb’ ut li Sumwank 88:118) sa’ chixjunileb’ lix cha’al li qayu’am.