Sahil k’ulunik choq’ aawe sa’ EnglishConnect

B’antiox aawe naq wan aach’ool chi k’anjelak jo’ aj k’utunel sa’ EnglishConnect. Naqoyb’eni naq taaweek’a lix rahom laa Choxahil Yuwa’ naq yooqat chi k’anjelak. Xtenq’ankileb’ li kristiaan chixtzolb’al li Ingles naru tixtenq’aheb’ chi ok sa’ ninqi tzoleb’aal, chixtawb’al xtrab’aaj, ut chi k’anjelak chiru ras riitz’ineb’. Laa k’anjel taarosob’tesi lix yu’ameb’ laj tzolonel anajwan ut sa’eb’ li kutan chalel.

Naq nakasik’ xb’eresihom ut xmetz’ew li Dios, a’an tatxtenq’a chixraab’aleb’ ut chi k’anjelak chiruheb’ laj tzolonel wankeb’ sa’ laa ch’uut. Moko aajel ta ru naq taanaw li raatinob’aleb’ laj tzolonel. Moko aajel ta ru naq taanaw li Ingles chi tz’aqal re ru chi moko naq ak xatk’anjelak jo’ aj k’utunel re xb’eresinkil jun li ch’uut sa’ EnglishConnect. Natawman sa’eb’ li k’anjeleb’aal re EnglishConnect chixjunil li aajel ru choq’ aawe re elk chi uub’ej. Naq nakasik’ li Musiq’ej ut nakab’eresiheb’ laj tzolonel rik’in rahok sa’eb’ li tzolok, naru nakatenq’aheb’ chi nach’ok rik’in li Dios naq neke’xtzol li Ingles.