K’a’ru li EnglishConnect?

EnglishConnect a’an jun k’anjeleb’aal re xtzolb’al li Ingles li k’uub’anb’il xb’aan Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Wan li EnglishConnect re xtenq’ankileb’ li kristiaan chixnimob’resinkil lix seeb’aleb’ rik’in li Ingles sa’ jun na’ajej re paab’ank, k’ulub’ank, ut k’iik.

Wankeb’ junjunq li tasal sa’ EnglishConnect. EnglishConnect 1 ut 2 neke’xtenq’aheb’ laj tzolonel chixtawb’al xseeb’aleb’ rik’in li Ingles. Chi’ilmanq “Xtikib’ankil” sa’eb’ li k’anjenel hu re EnglishConnect choq’ reheb’ laj tzolonel re xtawb’al xkomon chik li na’leb’. EnglishConnect 3 naxkawresiheb’ laj tzolonel chi tzolok sa’ tzoleb’aal—tz’aqal wi’chik sa’ BYU–Pathway Worldwide. Naru nakataw xkomon chik li na’leb’ chirix BYU–Pathway Worldwide sa’ byupathway.org/englishconnect.

EnglishConnect naxtenq’aheb’ laj tzolonel chi xik chi uub’ej naq neke’xkawresi rib’ choq’ re li trab’ajik, li tzolok, ut li k’anjelak chiru as iitz’inb’ej. Tzol xkomon chik sa’ englishconnect.org.