“ຜູ້ຊ່ຽວຊານ ແລະ ຄະນະກຳມະການຝ່າຍການກຸ້ມຕົນເອງ,” ຄູ່ມືການດຳເນີນການ EnglishConnect (2023)

“ການກຸ້ມຕົນເອງ,” ຄູ່ມືການດຳເນີນການ EnglishConnect

ຜູ້ຊ່ຽວຊານ ແລະ ຄະນະກຳມະການຝ່າຍການກຸ້ມຕົນເອງ

EnglishConnect ຊ່ວຍບຸກຄົນໃຫ້ເພີ່ມການກຸ້ມຕົນເອງທາງວິນຍານ ແລະ ທາງໂລກ ຜ່ານທາງການພັດທະນາທັກສະພາສາອັງກິດໃນສະພາບແວດລ້ອມແຫ່ງສັດທາ, ການຜູກມິດ, ແລະ ການເຕີບໂຕ. ພິຈາລະນາດ້ວຍການອະທິຖານວ່າ ໃຜຈະໄດ້ຜົນປະໂຫຍດຈາກການມີສ່ວນຮ່ວມໃນຖານະຜູ້ຊ່ຽວຊານ, ຄູສອນ, ຫລື ຜູ້ຮຽນ.

ທ່ານສາມາດປັບໃຊ້ EnglishConnect ເພື່ອຕອບສະໜອງຄວາມຕ້ອງການຂອງຜູ້ທີ່ຖືກເອີ້ນໃຫ້ຮັບໃຊ້. ພິຈາລະນາຄວາມຕ້ອງການຂອງຄົນທີ່ທ່ານຮັບໃຊ້ດ້ວຍການອະທິຖານ ຂະນະທີ່ທ່ານເຮັດຕາມຂັ້ນຕອນຢູ່ຂ້າງລຸ່ມ.

ຈັດກຸ່ມ EnglishConnect 1 ແລະ 2

ກຸ່ມ EnglishConnect ອາດຖືກຕັ້ງຂຶ້ນ ແລະ ປະຕິບັດຄືກັນກັບກຸ່ມການກຸ້ມຕົນເອງອື່ນໆ. ຕາມປົກກະແລ້ວ ສິ່ງນີ້ໝາຍຄວາມວ່າ ການບໍລິຫານຂອງ EnglishConnect 1 ແລະ 2 ຖືກມອບໝາຍໃຫ້ກັບຄະນະກຳມະການການກຸ້ມຕົນເອງ ຫລື ຄະນະກຳມະການອື່ນໆ ທີ່ຖືກມອບໝາຍ.

ໂດຍສະຫລຸບ

EnglishConnect 1 ແລະ 2 ສາມາດເຂົ້າຮ່ວມໄດ້ຟຣີ ແລະ ລວມທັງ:

ກຸ່ມສົນທະນາປະຈຳອາທິດທີ່ນຳໂດຍສະມາຊິກໃນທ້ອງຖິ່ນ ຫລື ຜູ້ສອນສາດສະໜາ.
ບົດຮຽນ 90 ນາທີ.
ບົດຮຽນ 25 ບົດ ຖືກຈັດເປັນໝວດໆ.
ຫລັກທຳຂອງການຮຽນຮູ້ “ໂດຍການສຶກສາ ແລະ ໂດຍສັດທານຳອີກ” (ຄຳສອນ ແລະ ພັນທະສັນຍາ 88:118).
ແຫລ່ງຊ່ວຍເຫລືອຝຶກຊ້ອມທຸກວັນ.
ເຂົ້າເຖິງແຟມສຽງ ແລະ ການແປໃນຫ້ອງສະໝຸດພຣະກິດຕິຄຸນ.

ຄວາມຍາວ ແລະ ຈັງຫວະຄວາມໄວຂອງບົດຮຽນ ສາມາດຖືກດັດແປງໃຫ້ເຂົ້າກັບສະຖານະການໃນທ້ອງຖິ່ນໄດ້ (ເບິ່ງ “ຕົວຢ່າງ”).

ກ່ອນທີ່ຈະເລີ່ມຕົ້ນກຸ່ມ

ປຶກສາຫາລືກັບຜູ້ນຳຖານະປະໂລຫິດເລື່ອງວິໄສທັດ ແລະ ເປົ້າໝາຍ (ເພີ່ມເຕີມ).
ເອີ້ນ ແລະ ຝຶກອົບຮົມຄູສອນ (ເພີ່ມເຕີມ).
ຈັດຫາອຸປະກອນ (ເພີ່ມເຕີມ).
ຕັດສິນໃຈເລື່ອງສະຖານທີ່ ແລະ ຄວາມຖີ່ (ເພີ່ມເຕີມ).
ລົງທະບຽນກຸ່ມໃນ QuickReg (ເພີ່ມເຕີມ).
ເຊື້ອເຊີນ ແລະ ຕ້ອນຮັບຜູ້ເຂົ້າຮ່ວມ (ເພີ່ມເຕີມ).

ລະຫວ່າງກຸ່ມ

ສົ່ງເສີມສະພາບແວດລ້ອມແຫ່ງສັດທາ, ການຜູກມິດ, ແລະ ການເຕີບໂຕ (ເພີ່ມເຕີມ).
ສະໜັບສະໜູນການເຕີບໂຕຂອງຄູສອນ (ເພີ່ມເຕີມ).
ຊ່ວຍຜູ້ຮຽນກຽມພ້ອມສຳລັບ EnglishConnect ໃນລະດັບຕໍ່ໄປ (ເພີ່ມເຕີມ).
ແນະນຳແຫລ່ງຊ່ວຍເຫລືອອື່ນໆຂອງສາດສະໜາຈັກ (ເພີ່ມເຕີມ).
ຈັດການກຸ່ມຂອງທ່ານໃນ QuickReg (ເພີ່ມເຕີມ).

ສະຫລຸບກຸ່ມ

ພິມ ແລະ ແຈກຢາຍໃບຮັບຮອງໃນທ້າຍຂອງກຸ່ມ (ເພີ່ມເຕີມ).
ຊ່ວຍຜູ້ຮຽນປ່ຽນໄປຫາ EnglishConnect ລະດັບຕໍ່ໄປ ຫລື BYU–Pathway Worldwide (ເພີ່ມເຕີມ).
ລະບຸຜູ້ຮຽນທີ່ສາມາດຖືກເອີ້ນໃຫ້ເປັນຄູສອນ (ເພີ່ມເຕີມ).
ເຊື້ອເຊີນຜູ້ຮຽນໃຫ້ມີສ່ວນຮ່ວມໃນໂປຣແກຣມອື່ນໆຂອງສາດສະໜາຈັກ (ເພີ່ມເຕີມ).
ສະຫລຸບກຸ່ມໃນ QuickReg (ເພີ່ມເຕີມ).
ລາຍງານຕໍ່ຜູ້ນຳຖານະປະໂລຫິດ (ເພີ່ມເຕີມ).

ເຊື່ອມຕໍ່ຜູ້ຮຽນເຂົ້າກັບກຸ່ມ EnglishConnect 3

EnglishConnect 3 ຊ່ວຍໃຫ້ຜູ້ຮຽນພັດທະນາທັກສະພາສາອັງກິດລະດັບປານກາງ ເພື່ອທັງການງານ ແລະ ໂອກາດທາງການສຶກສາ—ໂດຍສະເພາະ BYU–Pathway Worldwide. ຜູ້ສອນສາດສະໜາຝ່າຍໃຫ້ບໍລິການຂອງສາດສະໜາຈັກອຳນວຍຄວາມສະດວກໃຫ້ກັບກຸ່ມ EnglishConnect 3.

ມີສອງວິທີທາງທີ່ທ່ານສາມາດຊ່ວຍຜູ້ຮຽນໃຫ້ເຂົ້າເຖິງ EnglishConnect 3:

ຊ່ວຍຜູ້ຮຽນເຂົ້າຮ່ວມກຸ່ມທີ່ມີຢູ່. EnglishConnect 3 ມີກຸ່ມຕ່າງໆໃນພື້ນທີ່ສ່ວນໃຫຍ່ຂອງໂລກ. ທ່ານສາມາດຊ່ວຍຜູ້ຮຽນລົງທະບຽນໃນກຸ່ມ EnglishConnect 3 ໂດຍການນຳພາເຂົາເຈົ້າຜ່ານທາງຂັ້ນຕອນການສະໝັກທີ່ englishconnect.org/join. ແນະນຳຜູ້ຮຽນທີ່ມີຄຳຖາມເພີ່ມເຕີມ ຫລື ມີບັນຫາການລົງທະບຽນທີ່ byupathway.org/help/contact-us.
ສະເໜີກຸ່ມ EnglishConnect 3. ຖ້າຫາກທ່ານຕ້ອງການເລີ່ມຕົ້ນກຸ່ມ EnglishConnect 3, ໃຫ້ອີເມວ learn@englishconnect.org. ແລ້ວຜູ້ສອນສາດສະໜາຝ່າຍໃຫ້ບໍລິການຂອງສາດສະໜາຈັກຈະຕິດຕໍ່ຫາທ່ານ.