ຂໍ້ມູນທາງກົດໝາຍ

ຂໍ້ກຳນົດທາງກົດໝາຍທົ່ວໄປສຳລັບສະຖານທີ່ທີ່ຖືກອະນຸມັດ

ຫ້ອງການທີ່ປຶກສາທົ່ວໄປ (OGC) ໄດ້ອະນຸມັດແນວທາງຊີ້ນຳການປະຕິບັດຕໍ່ໄປນີ້ ສຳລັບໂປຣແກຣມ EnglishConnect. ແນວທາງຊີ້ນຳເຫລົ່ານີ້ຈະນຳໃຊ້ກັບ EnglishConnect 1 ແລະ 2 ທົ່ວໂລກ, ໂດຍຂຶ້ນຢູ່ກັບຂໍ້ກຳນົດທາງກົດໝາຍສະເພາະປະເທດທີ່ລະບຸໄວ້ໃນການສະຫລຸບທາງກົດໝາຍຂອງ EnglishConnect ສຳລັບແຕ່ລະປະເທດ (ເບິ່ງ ຂໍ້ກຳນົດສະເພາະປະເທດທີ່ englishconnect.org/leader/approved-locations).

ຂໍການຍິນຍອມຈາກພໍ່ແມ່ສຳລັບຜູ້ເຂົ້າຮ່ວມທີ່ມີອາຍຸ 18 ປີ ຫລື ຕ່ຳກວ່າ ໂດຍການໃຊ້ໃບຟອມການຍິນຍອມຈາກພໍ່ແມ່. ໃບຟອມມີໃຫ້ໃນຫລາຍພາສາທາງອອນລາຍທີ່ englishconnect.org/resources/leader.
- ຂໍລາຍເຊັນຂອງພໍ່ແມ່ຖ້າເປັນໄປໄດ້. ຖ້າຫາກຜູ້ທີ່ມີອາຍຸ 18 ປີ ຫລື ຕ່ຳກວ່າອາໄສຢູ່ດ້ວຍຕົວເອງ, ບໍ່ຈຳເປັນຕ້ອງໄດ້ຮັບການຍິນຍອມຈາກພໍ່ແມ່.
- ໃບຟອມທີ່ປະກອບແລ້ວຄວນຖືກເກັບໄວ້ໂດຍຜູ້ນຳໃນທ້ອງຖິ່ນ ແລະ ພ້ອມສຳລັບການກວດສອບ.
ຮຽກຮ້ອງໃຫ້ຄູສອນສຳເລັດການຝຶກອົບຮົມຂອງສາດສະໜາຈັກເລື່ອງ “ການປົກປ້ອງເດັກ ແລະ ຊາວໜຸ່ມ.” ປະຕິບັດຕາມມາດຕະຖານຂອງປະເທດທັງໝົດສຳລັບການຄັດເລືອກ ແລະ ການເອີ້ນຄູສອນຂອງຊາວໜຸ່ມສຳລັບຄູສອນ EnglishConnect ທີ່ຈະສອນໃຜກໍຕາມທີ່ອາຍຸນ້ອຍກວ່າ 21 ປີ.
ຢ່າເກັບຄ່າທຳນຽມ ຫລື ຄ່າໃຊ້ຈ່າຍໃດໆກັບຜູ້ເຂົ້າຮ່ວມ ໃນການເຂົ້າຮ່ວມໂປຣແກຣມ.
- ຜູ້ເຂົ້າຮ່ວມ EnglishConnect ສາມາດດາວໂຫລດສື່ໂປຣແກຣມອອນລາຍໄດ້ຟຣີ, ຫລື ໜ່ວຍໃນທ້ອງຖິ່ນສາມາດຊື້ອຸປະກອນສຳລັບກຸ່ມ ຜ່ານຊ່ອງທາງການຈຳໜ່າຍປົກກະຕິທີ່ store.churchofjesuschrist.org. ຜູ້ເຂົ້າຮ່ວມອາດຈະຊື້ອຸປະກອນເຊັ່ນກັນ ຜ່ານຊ່ອງທາງນີ້ຖ້າຫາກເຂົາເຈົ້າຕ້ອງການ.
- ຄູສອນ EnglishConnect ບໍ່ຄວນໃຫ້ ຫລື ຮັບເງິນ ຫລື ຂອງຂວັນ ໂດຍເປັນສ່ວນໜຶ່ງຂອງຄວາມສຳພັນໃນການຕິວບົດຮຽນ ຫລື ການສິດສອນກັບຜູ້ເຂົ້າຮ່ວມ EnglishConnect.
ລວມເນື້ອຫາທາງສາດສະໜາທີ່ສຳຄັນໄວ້ຢ່າງໜ້ອຍໜຶ່ງສ່ວນສາມຂອງການສິດສອນທັງໝົດ. (ເນື້ອຫາທາງສາດສະໜາຄວນໃຊ້ເວລາ 20 ນາທີຕໍ່ຊົ່ວໂມງການສິດສອນ ຫລື 30 ນາທີຕໍ່ 90 ນາທີຂອງການສິດສອນ.) ໝາຍເຫດ: ຖ້າຫາກບົດຮຽນຖືກສິດສອນຕາມທີ່ອອກແບບໄວ້ ແລະ ຄູສອນລວມກິດຈະກຳ “ສົນທະນາຫລັກການຮຽນຮູ້” ລະຫວ່າງກຸ່ມສົນທະນາສະເໝີ, ຂໍ້ກຳນົດນີ້ກໍຈະຖືກຕອບສະໜອງໄດ້.
ປະຕິບັດຕາມແນວທາງຊີ້ນຳໂປຣແກຣມທັງໝົດ ທີ່ມີຢູ່ໃນຄູ່ມືການດຳເນີນການສຳລັບ EnglishConnect ແລະ ໃນຄູ່ມືຄູສອນ, ລວມທັງການໃຊ້ລະບົບການລົງທະບຽນອອນລາຍ QuickReg (quickreg.englishconnect.org) ເພື່ອຮັບຮອງຄວາມເປັນສ່ວນຕົວຂອງຂໍ້ມູນ.
ເພື່ອຫລີກເວັ້ນບໍ່ໃຫ້ວີຊາຂອງຜູ້ສອນສາດສະໜາ ຫລື ສະຖານະທາງກົດໝາຍຂອງສາດສະໜາຈັກໃນປະເທດໃດປະເທດໜຶ່ງເສຍຫາຍ, ເຂດເຜີຍແຜ່ໃດໆທີ່ບໍ່ເຄີຍໃຊ້ການສອນພາສາອັງກິດເປັນວິທີການຕິດຕໍ່ ຈະຕ້ອງໄດ້ຮັບການອະນຸມັດຈາກ OGC ໂດຍສະເພາະ ກ່ອນທີ່ຈະໃຊ້ອຸປະກອນ EnglishConnect.

EnglishConnect 3 ໄດ້ດຳເນີນການ ແລະ ປະຕິບັດໂດຍ BYU–Pathway Worldwide. ດັ່ງນັ້ນ, ມັນຈຶ່ງດຳເນີນການພາຍໃຕ້ເງື່ອນໄຂທາງກົດໝາຍດຽວກັນກັບ BYU–Pathway.

ການໂຄສະນາ

ໃນປະເທດທີ່ການໂຄສະນາ EnglishConnect 1 ແລະ 2 ໄດ້ຮັບການອະນຸມັດ, ສະເຕກ, ຫວອດ, ແລະ ເຂດເຜີຍແຜ່ໃນທ້ອງຖິ່ນອາດສົ່ງເສີມກຸ່ມ EnglishConnect 1 ແລະ 2 ກັບຊຸມຊົນທີ່ກວ້າງຂວາງໂດຍສອດຄ່ອງກັບແນວທາງຊີ້ນຳການໂຄສະນາຂອງປະເທດໃດໜຶ່ງ (ເບິ່ງຂໍ້ກຳນົດສະເພາະປະເທດ ທີ່ englishconnect.org/leader/approved-locations). ການໂຄສະນາຄວນມີທັງໝົດດັ່ງຕໍ່ໄປນີ້:

ຕຳແໜ່ງທີ່ໂດດເດັ່ນຂອງຊື່ຂອງສາດສະໜາຈັກ.
ຄຳຖະແຫລງການວ່າບໍ່ມີຄ່າໃຊ້ຈ່າຍສຳລັບ EnglishConnect 1 ແລະ 2.
ຄຳຖະແຫລງການວ່າ EnglishConnect 1 ແລະ 2 ບໍ່ມີການຮັບຮອງໃດໆ.

ລິຂະສິດ ແລະ ການອະນຸຍາດ

EnglishConnect ເປັນໂປຣແກຣມທີ່ຈັດຂຶ້ນໂດຍສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ. ສິດທັງໝົດໃນອຸປະກອນ EnglishConnect ເປັນຂອງ ຫລື ໄດ້ຮັບອະນຸຍາດຈາກ Intellectual Reserve, Inc. ເພື່ອໃຊ້ໂດຍໜ່ວຍຕ່າງໆຂອງສາດສະໜາຈັກ ເຊັ່ນ ສະເຕກ, ທ້ອງຖິ່ນ, ແລະ ເຂດເຜີຍແຜ່. ການໃຊ້ອຸປະກອນ EnglishConnect ໃນລັກສະນະອື່ນຕ້ອງໄດ້ຮັບການອະນຸຍາດເປັນລາຍລັກອັກສອນລ່ວງໜ້າ. ໃນການຮ້ອງຂໍໃຊ້ອຸປະກອນ EnglishConnect, ກະລຸນາປະກອບໃບຟອມຮ້ອງຂໍ ທີ່ Permissions.ChurchofJesusChrist.org.

ຜູ້ເຍົາ

ກຸ່ມ EnglishConnect ຈະຕ້ອງປະຕິບັດຕາມ ນະໂຍບາຍຂອງສາດສະໜາຈັກສຳລັບການປົກປ້ອງຊາວໜຸ່ມ (ຊຶ່ງລວມທັງຜູ້ເຂົ້າຮ່ວມອາຍຸ 18 ປີ ຫລື ຕ່ຳກວ່າ). ຜູ້ເຍົາຈະຕ້ອງມີໃບຟອມທີ່ຍິນຍອມຈາກພໍ່ແມ່ ກ່ອນທີ່ຈະເຂົ້າຮ່ວມກຸ່ມ EnglishConnect ໄດ້. ໃບຟອມມີໃຫ້ໃນຫລາຍພາສາທາງອອນລາຍທີ່ englishconnect.org/resources/leader. ໃບຟອມທີ່ປະກອບແລ້ວຈະຕ້ອງເກັບໄວ້ໂດຍຜູ້ນຳໃນທ້ອງຖິ່ນ ແລະ ພ້ອມສຳລັບການກວດສອບ.

ເນື່ອງຈາກຜູ້ຮຽນ EnglishConnect ສາມາດລວມທັງຜູ້ເຍົາໄດ້, ຜູ້ນຳທາງສາດສະໜາຄວນສຳພາດຜູ້ຄາດຫວັງເປັນຄູສອນແຕ່ລະຄົນ ແລະ ກວດເບິ່ງບັນທຶກສະມາຊິກກະພາບຂອງຜູ້ສະໝັກສຳລັບການໝາຍເຫດປະກອບ ກ່ອນທຳການເອີ້ນ. ນອກເໜືອຈາກນີ້, ຄວນມີຜູ້ໃຫຍ່ທີ່ຮັບຜິດຊອບຢ່າງໜ້ອຍສອງຄົນຢູ່ນຳຕະຫລອດເວລາໃນລະຫວ່າງການປະຊຸມກຸ່ມ. ຄູສອນບໍ່ຄວນເຮັດວຽກຕົວຕໍ່ຕົວກັບຜູ້ເຍົາເປັນການສ່ວນຕົວ. ທ່ານຕ້ອງປະຕິບັດຕາມນະໂຍບາຍເຫລົ່ານີ້ ເຖິງແມ່ນວ່າກຸ່ມຈະປະຊຸມທາງອອນລາຍກໍຕາມ.

ຜູ້ເຍົາທີ່ເຂົ້າຮ່ວມໃນກຸ່ມສົນທະນາອອນລາຍ

ຜູ້ເຍົາສາມາດເຂົ້າຮ່ວມກຸ່ມສົນທະນາ EnglishConnect 1 ແລະ 2 ອອນລາຍໄດ້ພຽງແຕ່ເມື່ອໄດ້ຮັບອະນຸຍາດຈາກພໍ່ແມ່ ແລະ ເມື່ອກຸ່ມໄດ້ຮັບການອຳນວຍຄວາມສະດວກໂດຍຄູສອນຢ່າງໜ້ອຍສອງຄົນ.

ເພື່ອໃຫ້ຄວາມສຳຄັນກັບຄວາມປອດໄພ, ກຸ່ມສົນທະນາອອນລາຍທີ່ລວມຜູ້ເຍົາ ຈະຕ້ອງຖືກຈັດຂຶ້ນເພື່ອຫລີກເວັ້ນຈາກການໂຕ້ຕອບອອນລາຍແບບຕົວຕໍ່ຕົວລະຫວ່າງຜູ້ເຍົາ ແລະ ຄູສອນ. ຜູ້ເຍົາສາມາດເຂົ້າຮ່ວມກຸ່ມສົນທະນາອອນລາຍໄດ້ພຽງແຕ່ເມື່ອມີຄູສອນສອງຄົນ ຫລື ຫລາຍກວ່ານັ້ນມີໜ້າຢູ່ໃນການປະຊຸມກຸ່ມດ້ວຍ.

ນອກເໜືອຈາກນີ້, ຄູສອນ EnglishConnect ບໍ່ຄວນສົ່ງຂໍ້ຄວາມ, ອີເມວ, ຫລື ຕິດຕໍ່ຜູ້ເຍົາໂດຍບໍ່ໄດ້ຄັດລອກຄົນອື່ນໃນການສື່ສານ. ສຳລັບການໄປຢ້ຽມຢາມດ້ວຍຕົນເອງ ຫລື ໂທລະສັບ, ຜູ້ໃຫຍ່ຄົນອື່ນຄວນຈະມີໜ້າຢູ່ນຳ. ຖ້າເປັນໄປໄດ້, ຄູສອນຄວນເບິ່ງແຍງການໂຕ້ຕອບກຸ່ມຍ່ອຍໃນລະຫວ່າງກຸ່ມສົນທະນາອອນລາຍ.

ຄວາມເປັນສ່ວນຕົວ

EnglishConnect ເປັນໂປຣແກຣມທີ່ຈັດຂຶ້ນໂດຍສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ. ສຳລັບລາຍລະອຽດກ່ຽວກັບວິທີການປະມວນຜົນຂໍ້ມູນສ່ວນຕົວຂອງທ່ານ, ກະລຸນາໄປທີ່ ChurchofJesusChrist.org ແລະ ກົດ ໃບແຈ້ງການເລື່ອງຄວາມເປັນສ່ວນຕົວ ຢູ່ລຸ່ມໜ້າ.

ຜູ້ເຂົ້າຮ່ວມທັງໝົດຕ້ອງຍອມຮັບເງື່ອນໄຂຂອງການມີສ່ວນຮ່ວມ, ຊຶ່ງສາມາດພົບໄດ້ທີ່ ChurchofJesusChrist.org/legal/englishconnect-terms-of-participation. ຜູ້ເຂົ້າຮ່ວມສາມາດຍອມຮັບເງື່ອນໄຂຂອງການເຂົ້າຮ່ວມທາງອີເລັກໂທຣນິກ ເມື່ອຜູ້ອຳນວຍຄວາມສະດວກ EnglishConnect ລົງທະບຽນເຂົາເຈົ້າໃນ QuickReg.

ຄູສອນ EnglishConnect ບໍ່ຄວນລົງຮູບພາບຂອງຜູ້ທີ່ເຂົາເຈົ້າຕິວບົດຮຽນ ຫລື ສິດສອນໃນສື່ສັງຄົມ.

ການຮັບຮອງ

EnglishConnect ບໍ່ມີການຮັບຮອງ, ປະລິນຍາ, ຫລື ໜ່ວຍກິດ ຈາກໂປຣແກຣມການສຶກສາ ຫລື ການຝຶກອົບຮົມ ຫລື ສະຖາບັນຝຶກອົບຮົມໃດໆ. ການເຂົ້າຮ່ວມເປັນໄປໂດຍຄວາມສະໝັກໃຈ. ຜູ້ເຂົ້າຮ່ວມສາມາດອອກຈາກໂປຣແກຣມ ຫລື ຢຸດເຂົ້າຮ່ວມໄດ້ທຸກເວລາ.