ຈຸດປະສົງ

EnglishConnect ເປັນໂປຣແກຣມການຮຽນຮູ້ພາສາອັງກິດ ທີ່ຈັດຂຶ້ນໂດຍສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ. ຈຸດປະສົງຂອງ EnglishConnect ແມ່ນເພື່ອຊ່ວຍບຸກຄົນໃຫ້ເພີ່ມການກຸ້ມຕົນເອງທາງວິນຍານ ແລະ ທາງໂລກ ຜ່ານທາງການພັດທະນາທັກສະພາສາອັງກິດໃນສະພາບແວດລ້ອມແຫ່ງສັດທາ, ການຜູກມິດ, ແລະ ການເຕີບໂຕ.

EnglishConnect ສະໜັບສະໜູນວຽກງານແຫ່ງຄວາມລອດ ແລະ ຄວາມສູງສົ່ງຂອງພຣະເຈົ້າ

EnglishConnect ສາມາດຊ່ວຍລູກໆຂອງພຣະເຈົ້າ:

ດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ. ໃນ EnglishConnect, ຜູ້ເຂົ້າຮ່ວມນຳໃຊ້ຫລັກທຳຂອງການຮຽນຮູ້ “ໂດຍການສຶກສາ ແລະ ໂດຍສັດທານຳອີກ” (ຄຳສອນ ແລະ ພັນທະສັນຍາ 88:118). ຄູສອນ ແລະ ຜູ້ຮຽນເພີ່ມຄວາມເຂັ້ມແຂງໃຫ້ແກ່ສັດທາຂອງເຂົາເຈົ້າ ຂະນະທີ່ເຂົາເຈົ້າສະແຫວງຫາ ແລະ ຮັບຄວາມຊ່ວຍເຫລືອຈາກພຣະຜູ້ເປັນເຈົ້າ. (ຕົວຢ່າງ)
ດູແລຄົນຂັດສົນ. ທັກສະພາສາອັງກິດສາມາດຂະຫຍາຍໂອກາດໃນການກຸ້ມຕົນເອງ ແລະ ການຮັບໃຊ້. EnglishConnect ຊ່ວຍຜູ້ເຂົ້າຮ່ວມກຽມພ້ອມສຳລັບການຮັບໃຊ້, ການງານ, ແລະ ໂອກາດທາງການສຶກສາ. ນອກເໜືອຈາກນີ້, ຜູ້ເຂົ້າຮ່ວມຮັບໃຊ້ ແລະ ຮັກຊຶ່ງກັນແລະກັນ ຂະນະທີ່ເຂົາເຈົ້າສິດສອນ ແລະ ຮຽນຮູ້ນຳກັນ. (ຕົວຢ່າງ)
ເຊື້ອເຊີນທຸກຄົນໃຫ້ຮັບເອົາພຣະກິດຕິຄຸນ. ໃນກຸ່ມ EnglishConnect, ຜູ້ເຂົ້າຮ່ວມຮຽນຮູ້ ແລະ ນຳໃຊ້ຫລັກທຳພຣະກິດຕິຄຸນ ແລະ ສ້າງມິດຕະພາບ. ຕະຫລອດທົ່ວ EnglishConnect, ຜູ້ເຂົ້າຮ່ວມມີຫລາຍໂອກາດທີ່ຈະເຮັດຕາມພຣະວິນຍານ ຂະນະທີ່ເຂົາເຈົ້າຮັກ, ແບ່ງປັນ, ແລະ ເຊື້ອເຊີນຄົນອື່ນໃຫ້ປະສົບກັບພອນຂອງພຣະກິດຕິຄຸນ. (ຕົວຢ່າງ)