ຜູ້ນຳ

EnglishConnect ດຳເນີນການພາຍໃຕ້ການຊີ້ນຳຂອງຖານະປະໂລຫິດ ເພື່ອຊ່ວຍໃນວຽກງານແຫ່ງຄວາມລອດ ແລະ ຄວາມສູງສົ່ງຂອງພຣະເຈົ້າ. EnglishConnect ສາມາດດຳເນີນການໂດຍຫວອດ, ສະເຕກ, ສະພາປະສານງານ, ເຂດເຜີຍແຜ່, ແລະ ພື້ນທີ່ຕ່າງໆ.

ຫລັກທຳຕໍ່ໄປນີ້ຈະຊ່ວຍທ່ານໃນການເລີ່ມຕົ້ນ:

ສ້າງວິໄສທັດ. ໃນສະພາ, ໃຫ້ພິຈາລະນາວ່າທ່ານຈະໃຊ້ EnglishConnect ເພື່ອສະໜັບສະໜູນບຸກຄົນ ແລະ ຄອບຄົວ ໃນວຽກງານແຫ່ງຄວາມລອດ ແລະ ຄວາມສູງສົ່ງຂອງພຣະເຈົ້າແນວໃດ.
ມອບໝາຍໜ້າທີ່ຮັບຜິດຊອບ. EnglishConnect ອາດຈັດເໝືອນໂປຣແກຣມການກຸ້ມຕົນເອງ ຫລື ການສຶກສາອື່ນໆ. ການດຳເນີນການ EnglishConnect ສາມາດຖືກມອບໝາຍໃຫ້ກັບສະມາຊິກສະພາສູງ ຫລື ຜູ້ຊ່ຽວຊານການກຸ້ມຕົນເອງ.
ໝັ້ນໃຈໃນຄວາມຮັບຜິດຊອບ. ກຳນົດເວລາການອັບເດດເປັນໄລຍະກ່ຽວກັບຜົນກະທົບຂອງໂປຣແກຣມ. ສຸມໃສ່ບຸກຄົນ ແລະ ຄອບຄົວ.

ຜູ້ນຳເຜີຍແຜ່

ໃນພື້ນທີ່ຕ່າງໆທີ່ສະເຕກ ຫລື ຫວອດບໍ່ມີກຸ່ມ EnglishConnect, ຜູ້ນຳເຜີຍແຜ່ສາມາດວາງແຜນກັບຜູ້ນຳຖານະປະໂລຫິດໃນທ້ອງຖິ່ນ ເພື່ອໃຫ້ຜູ້ສອນສາດສະໜາສິດສອນກຸ່ມຕ່າງໆ ຂະນະທີ່ຜູ້ນຳສາດສະໜາຈັກໃນທ້ອງຖິ່ນກຽມພ້ອມສະມາຊິກໃຫ້ຮັບບົດບາດນີ້. ຜູ້ນຳເຜີຍແຜ່ ແລະ ຜູ້ສອນສາດສະໜາຄວນໃຊ້ຂໍ້ມູນຢູ່ໃນຄູ່ມືນີ້ ແລະ ລວມຄວາມພະຍາຍາມຂອງເຂົາເຈົ້າກັບຜູ້ນຳ ແລະ ສະມາຊິກໃນທ້ອງຖິ່ນ (ເບິ່ງ “ການຮ່ວມມືເຜີຍແຜ່”).