ຕົວຢ່າງສຳລັບການອ້າງອີງ

ຂ້າງລຸ່ມແມ່ນບາງຕົວຢ່າງທີ່ອາດອ້າງອີງໂດຍຟາຍອື່ນ ແລະ ໂຫລດທັງໝົດ—ໃນ “ລີ້ນຊັກ” ຫ້ອງສະໝຸດພຣະກິດຕິຄຸນ.

ຕົວຢ່າງຊຸດທີ 1

ເລື່ອງທີ 1—ມາເຣຍ

ມາເຣຍຮຽນຮູ້ວິທີທີ່ຈະໄດ້ຮັບຄວາມຊ່ວຍເຫລືອຈາກພຣະເຈົ້າໃນການຮຽນພາສາອັງກິດ. ສັດທາ ແລະ ຄວາມໄວ້ວາງໃຈຂອງນາງໃນພຣະເຈົ້າໄດ້ເຕີບໂຕຂຶ້ນ, ແລະ ນາງສະແຫວງຫາຄວາມຊ່ວຍເຫລືອຈາກພຣະອົງໃນດ້ານອື່ນໆຂອງຊີວິດນາງ. ບັດນີ້ນາງໃຊ້ຫລັກທຳຂອງການຮຽນຮູ້ ເພື່ອຍົກລະດັບການສຶກສາພຣະກິດຕິຄຸນຂອງນາງ.

ເລື່ອງທີ 2—ໂຄຟີ

ໂຄຟີບໍ່ໄດ້ເຂັ້ມແຂງໃນສາດສະໜາຈັກຈົນກວ່າສະມາຊິກຄົນໜຶ່ງໄດ້ເຊື້ອເຊີນລາວໃຫ້ເຂົ້າຮ່ວມກຸ່ມ EnglishConnect. ປະສົບການທີ່ລາວມີກັບຜູ້ເຂົ້າຮ່ວມຄົນອື່ນໆ ໄດ້ຊ່ວຍຈຸດປະກາຍຄວາມປາດຖະໜາຂອງລາວທີ່ຈະເຂົ້າໃກ້ພຣະຄຣິດຫລາຍຂຶ້ນ. ບັດນີ້ລາວໄປໂບດເປັນປະຈຳ, ຮັບໃຊ້ຢ່າງຊື່ສັດໃນການເອີ້ນ, ແລະ ປະຕິບັດສາດສະໜາກິດຕໍ່ຄົນອື່ນ.

ຕົວຢ່າງຊຸດທີ 2

ເລື່ອງທີ 1—ເອັກເຊິເລິນ

ເອັກເຊິເລິນທີ່ອາໄສຢູ່ໃນສາທາລະນະລັດປະຊາທິປະໄຕຄອງໂກ ໄດ້ສຳເລັດ EnglishConnect 2 ແລະ ໄດ້ຂະຫຍາຍທຸລະກິດຂອງລາວ ເພື່ອຮັບນັກທ່ອງທ່ຽວຕ່າງຊາດ, ຊຶ່ງຊ່ວຍເພີ່ມລາຍຮັບເປັນສອງເທົ່າ. ເອັກເຊິເລິນກໍຍັງຊ່ວຍດູແລຄົນອື່ນນຳອີກ ໂດຍການຮັບໃຊ້ເປັນຄູສອນ EnglishConnect.

ເລື່ອງທີ 2—ເຈິ້ງໝິນ

ເຈິ້ງໝິນພັດທະນາຄວາມສາມາດດ້ານພາສາອັງກິດຂອງນາງ ຜ່ານທາງ EnglishConnect ແລະ ໄດ້ລົງທະບຽນໃນ BYU–Pathway Worldwide. ເພາະນາງຮູ້ພາສາອັງກິດ, ນາງຈຶ່ງສາມາດຫາວຽກທີ່ມີລາຍຮັບດີ ຂະນະທີ່ນາງສຶກສາທີ່ BYU–Pathway Worldwide.

ຕົວຢ່າງຊຸດທີ 3

ເລື່ອງທີ 1—ລູກັສ

ລູກັສເຊື້ອເຊີນໝູ່ເພື່ອນຂອງລາວທາງສື່ສັງຄົມ ໃຫ້ເຂົ້າຮ່ວມກຸ່ມ EnglishConnect ກັບລາວ. ມາເຣຍເຫັນໂພດຕ໌ຂອງລາວ ແລະ ໄດ້ຕັດສິນໃຈໄປກັບລາວ. ມາເຣຍໄດ້ຮັບແຮງບັນດານໃຈຈາກສັດທາ ແລະ ການຜູກມິດທີ່ນາງໄດ້ຮູ້ສຶກ ແລະ ໄດ້ຕັດສິນໃຈຮຽນຮູ້ຫລາຍຂຶ້ນກ່ຽວກັບສາດສະໜາຈັກ ຈາກຜູ້ສອນສາດສະໜາ. ນາງໄດ້ຕັດສິນໃຈຮັບບັບຕິສະມາ ແລະ ຕອນນີ້ກຳລັງຮັບໃຊ້ເປັນຄູສອນ EnglishConnect 1.