Mga Maghuhukom 2–4; 6–8; 13–16

Ang basahon sa Mga Maghuhukom mahimong usa ka nagpasidaan ug usa ka nag-awhag. Pangitaa kini nga nagpasidaan ug nag-awhag samtang ikaw nagbasa diha sa Mga Maghuhukom 2:1–19; 3:5–12. Giunsa nimo pagbati nga ang pasidaan ug ang pag-awhag maggamit nganha kanimo?

Sama pananglit, kon ang Mga Maghuhukom 2:19 mahitungod kanimo ug sa imong mga tintasyon kay sa mahitungod sa karaang mga Israelita, unsa kahay isulti niini? Kon ang Mga Maghuhukom 3:9 mahitungod pa sa unsay nabuhat sa Ginoo sa pagluwas kanimo, unsa kahay isulti niini?

Hunahunaa ang pagbasa sa pangutana ug sa tubag diha sa pahina 9 sa Alang sa Kalig-on sa mga Kabatan-onan: Usa ka Giya alang sa Paghimo og mga Pagpili. Giunsa nimo pagbati nga kini naggamit ngadto sa kasinatian sa mga Israelita diha sa basahon sa Mga Maghuhukom? Unsa ang gitudlo niini kanimo mahitungod ni Jesukristo?

Usahay ang hugot nga pagtuo sa uban makadasig og hugot nga pagtuo diha sa daghan. Sa Mga Maghuhukom 4, kana nga usa ka tawo mao si Deborah. Pagbasa mahitungod kaniya diha sa Mga Maghuhukom 4:1–15, ug timan-i ang iyang impluwensya sa mga tawo nga naglibot kaniya. Ania ang pipila ka pangutana sa pagtabang kanimo sa paghunahuna kon unsaon sa iyang kasinatian mahimong magamit sa imong kinabuhi:

• Unsaon nimo paghulagway ang mga kahimtang sa mga Israelita diha niana nga panahon? (tan-awa diha sa mga bersikulo 1–3). Unsa nga mga pagkasusama ang imong makita sa mga kahimtang karon—sa mga indibidwal ug sa katilingban?

• Unsa nga mga pulong o mga lihok ni Deborah ang nagpakita kanimo nga siya adunay hugot nga pagtuo diha sa Ginoo? Sa unsang paagi nga ang iyang hugot na pagtuo nag-impluwensya sa uban? Unsa pa ang nagdani kanimo mahitungod kaniya?

• Unsa sa imong hunahuna ang gipasabot ni Deborah sa iyang pangutana diha sa bersikulo 14: “Wala ba ang Ginoo mag-una kanimo?” Sa unsang paagi nga ang Ginoo “nag-una” kanimo? (tan-awa diha sa Doktrina ug mga Pakigsaad 84:87–88).

Palandonga kon giunsa sa imong hugot nga pagtuo diha ni Jesukristo makapanalangin sa uban sa paagi nga ang hugot nga pagtuo ni Deborah mipanalangin ni Barak ug sa ubang mga Israelita. Sa pagtabang kanimo sa paghunahuna mahitungod niini, mahimo nimong tun-an ang mensahe ni Elder Neil L. Andersen nga “Kita Naghisgot kang Kristo” (Liahona, Nob. 2020, 88–91). Siksika ang mensahe alang sa (1) mga rason sa pagsulti og mas dayag mahitungod sa Manluluwas ug (2) mga paagi sa pagbuhat niini.

Dayon mahimong maghimo og lista sa mga butang nga imong nahibaloan mahitungod ni Jesukristo—gikan sa mga kasulatan, gikan sa mga pulong sa buhing mga propeta, ug gikan sa imong personal nga kasinatian. Kinsa ang kinahanglan nga mahibalo niini? Unsaon nimo sa pagpakigbahin niini?

Tan-awa usab diha sa Mateo 5:14–16; 1 Pedro 3:15; “Matag Tawo nga Motandog Kanamo sa Kamaayo,” Mga Himno, nu. 183.

Samtang inyong basahon ang Mga Maghuhukom 6–8, paghimo og mubo nga sulat sa mga hitabo diin ang Ginoo mihangyo ni Gideon sa pagtuo og usa ka butang nga ingon og lahi. Siya sukad nakahangyo ba kanimo og usa ka butang nga susama diha kanimo?

Unsay imong gibati nga gustong itudlo sa Ginoo kanimo uban niini nga asoy? Nakita ba nimo ang Ginoo nga nagbuhat sa Iyang buhat sa mga paagi nga ingon og lahi?

Si Samson nawad-an sa iyang pisikal nga kusog ug espirituhanong kalig-on tungod kay gilapas niya ang iyang mga pakigsaad sa Dios, lakip niadtong alang lamang sa mga Nazareo (alang sa impormasyon mahitungod sa mga Nazareo, tan-awa sa Numeros 6:1–6; Mga Maghuhukom 13:7). Samtang ikaw magbasa mahitungod ni Samson diha sa Mga Maghuhukom 13–16, timan-i ang mga bersikulo nga nagpakita nga ang Ginoo kauban ni Samson, ingon man ang mga bersikulo nga nagpakita nga si Samson dili hingpit nga may pasalig ngadto sa Ginoo.

Mahimo usab nga imong palandongon ang mga pakigsaad nga imong gihimo ngadto sa Ginoo. Giunsa niini nga mga pakigsaad pagdala sa Iyang gahom nganha sa imong kinabuhi? Unsa ang imong nakat-onan gikan sa mga kasinatian ni Samson nga nagdasig kanimo nga magpabiling matinuoron sa imong mga pakigsaad ngadto sa Dios?

Si Sister Ann M. Dibb mitudlo: “Natawo si Samson nga may dakong potensyal. Gisaaran ang iyang inahan, ‘Siya ang magsugod sa pagluwas sa Israel gikan sa kamot sa mga Filistehanon’ [Mga Maghuhukom 13:5]. Apan sa nagtubo si Samson, mas gisunod niya ang mga tintasyon sa kalibotan kay sa direksyon sa Dios. Mihimo siya’g mga pagpili tungod kay ‘siya nakapahimuot kaayo [kaniya]’ [Mga Maghuhukom 14:3] kay sa tungod kadtong mga gipili mga matarong. Sa pag-usab-usab, ang mga kasulatan migamit sa hugpong sa mga pulong ‘ug milugsong siya’ [Mga Maghuhukom 14:7] samtang nag-asoy sa mga panaw, mga buhat, ug pagpili ni Samson. Imbis motindog ug mopakita sa abilidad aron sa pagtuman sa iyang dakong potensyal, nabuntog si Samson sa kalibotan, nawad-an sa hinatag nga gahom sa Dios, ug namatay sa makalilisang, sayo nga kamatayon” (“Tindog ug Pakita,” Liahona,, Mayo 2012, 118).

Tan-awa usab sa Dallin H. Oaks, “Mga Pakigsaad ug mga Responsibilidad,” Liahona, Mayo 2024, 93–96; Ulisses Soares, “Pagsalig sa Pakigsaad pinaagi ni Jesukristo,” Liahona, Mayo 2024, 17–21.

• Mga Maghuhukom 3 naghulagway og sundanan nga nagtudlo mahitungod sa gahom sa Manluluwas sa pagluwas kanato gikan sa sala. Sa pagtabang sa imong mga bata sa pag-ila niini nga sundanan, ikaw makasulat niini nga mga hugpong sa mga pulong: “mibuhat og daotan,” “nangamuyo ngadto sa Ginoo,” ug “mipatindog og usa ka manluluwas.” Dayon ang imong mga bata makapangita alang niini nga mga hugpong sa mga pulong diha sa Mga Maghuhukom 3:7–9 ug Mga Maghuhukom 3:12–15. Unsay atong nakat-onan mahitungod sa Ginoo gikan niini nga sundanan?

• Sa paghatag og gibug-aton nga si Jesukristo mao ang atong Tigluwas, ikaw makapundok og daghang hulagway sa mga tawo, lakip ang usa ka hulagway ni Jesus, ug ibutang kini nga gikulob. Tugoti ang imong mga bata sa pagbali sa mga hulagway. Kon ilang makit-an ang hulagway ni Jesus, kanta og usa ka awit mahitungod Kaniya, sama sa “Mipadala sa Iyang Bugtong Anak” (Songbook sa mga Bata, 16), ug sultihi ang mga bata mahitungod kon giunsa Niya pagluwas kaninyo.

• Makagamit ka sa “Deborah ang Babaye nga Propeta” diha sa Mga Istorya sa Daang Tugon, 92–95, sa pagsulti sa imong mga bata sa istorya diha sa Mga Maghuhukom 4. Ipakigbahin sa usag usa kon unsa ang imong gidayeg mahitungod ni Deborah. Giunsa sa iyang hugot nga pagtuo diha sa Ginoo pagpanalangin sa mga tawo nga naglibot kaniya? Unsay atong mahimo sa pagtabang sa uban nga magbaton og dugang pang hugot nga pagtuo diha ni Jesukristo?

  

  2:9

• Gamit sa Mga Maghuhukom 7:4–7, niini nga semana nga pahina sa kalihokan, o “Ang Kasundalohan ni Gideon” diha sa Mga Istorya sa Daang Tugon, 96–99, sa pagtudlo sa imong mga anak mahitungod kon giunsa sa Ginoo paghimo nga mas magamay ang kasundalohan sa Israel. Nganong gusto sa Ginoo nga ang kasundalohan ni Gideon mahimo nga gamay kaayo? (tan-awa sa Mga Maghuhukom 7:2).

  

  2:37

• Makadrowing ang imong mga bata og mga hulagway sa usa ka espada, taming, budyong, lampara, ug pitser ug paghisgot mahitungod sa hain niini nga mga butang sila gusto sa usa ka gubat. Dayon sila makabasa diha sa Mga Maghuhukom 7:16 sa pagkat-on unsay gisulti sa Ginoo sa kasundalohan ni Gideon nga gamiton. Samtang kamo magbasa mahitungod sa gubat diha sa Mga Maghuhukom 7:19–21, pakigbahin sa usag usa unsay inyong nakat-onan mahitungod sa Ginoo gikan sa istorya.

• Ang mga pakigsaad ni Samson sa Ginoo mihatag kaniya og pisikal nga kalig-on, sama lamang nga ang atong mga pakigsaad naghatag kanato og espirituhanong kalig-on. Ang mga bata mahimong malingaw sa pagbuhat og pipila ka pisikal nga mga ehersisyo ug paghisgot giunsa niadtong mga ehersisyo pagtabang nga mahimo ang atong mga lawas nga malig-on. Unsaon sa pagsunod sa atong mga pakigsaad paghimo sa atong mga espiritu nga malig-on? (tan-awa diha sa Mosiah 18:8–10; Doktrina ug mga Pakigsaad 20:77, 79).