Josue 1–8; 23–24

Handurawa kon sama sa unsa kaha alang ni Josue nga pagatawagon sa pagpuli ni Moises. Timan-i kon unsa ang gisulti sa Ginoo diha sa Josue 1:1–9 sa pag-awhag kaniya. Paghunahuna mahitungod sa malisod nga mga hagit nga imong giatubang; unsa ang anaa niini nga mga bersikulo ang naghatag kanimo og kaisog?

Ang ngalan nga Josue (Yehoshua o Yeshua sa Hebreohanon) nagpasabot og “Jehova nagluwas.” Ug ang ngalan nga Jesus nagagikan sa Yeshua. Busa samtang ikaw magbasa mahitungod ni Josue, hunahunaa ang iyang tahas sa paggiya sa anak sa Israel tabok sa Suba Jordan ug ngadto sa gisaad nga yuta. Sa unsa nga paagi ang iyang misyon sama ngadto sa unsay gibuhat ni Kristo kanato?

Samtang siya nag-awhag ni Josue, ang Ginoo mihatag og tambag diha sa Josue 1:8 mahitungod sa mga kasulatan, o “ang basahon sa kasugoan.” Naghunahuna sa bug-at nga responsibilidad ni Josue, ngano kaha kini nga tambag mahimong ilabi ka makatabang?

Kon ang Ginoo nagdapit kanato sa pagbasa sa mga kasulatan, sa kasagaran siya naggamit og mga pulong nga lapas sa pagbasa lamang. Nagsaad usab siya og dagko nga mga panalangin. Ang lista sa ubos makatabang kanimo sa pagdiskobre niini nga mga pagdapit ug gisaad nga mga panalangin:

Giunsa pagtuman sa Ginoo ang kini nga mga saad diha sa imong kinabuhi? Karon mahimong usa ka maayong panahon sa pagtimbang-timbang sa imong mga batasan sa pagtuon sa kasulatan. Unsa ang maayo? Unsay imong gibati nga gidasig buhaton sa pagbaton og mas makahuloganong mga kasinatian uban sa pulong sa Dios?

Tan-awa usab sa “Sa Ako nga Pagsiksik sa Balaang Kasulatan,” Mga Himno, nu. 175.

Ang Bag-ong Tugon nga mga Kristiyano mitan-aw ni Rahab isip usa ka ehemplo sa gahom sa pagtuo ug mga binuhatan (tan-awa diha sa Mga Hebreohanon 11:31; Santiago 2:25). Samtang magbasa ka sa Josue 2, hunahunaa ang tahas sa hugot nga pagtuo ug sa binuhatan ni Rahab sa pagluwas sa iyang kaugalingon, sa iyang pamilya, ug sa mga espiya nga Israelita. Unsa ang gitudlo niini kanimo kon giunsa sa imong hugot nga pagtuo diha ni Kristo ug sa imong binuhatan makaimpluwensya sa imong kaugalingon ug sa uban?

Ang Ginoo nagbuhat og mga katingalahan taliwala sa Iyang katawhan samtang Siya migiya kanila ngadto sa gisaad nga yuta, ug Siya makahimo og sama alang kanimo. Aniay pipila ka mga pangutana sa paggiya sa imong pagtuon sa Josue 3–4:

• Ngano sa imong hunahuna ang mga Israelita kinahanglang magputli sa ilang mga kaugalingon sa dili pa sila motabok sa Suba sa Jordan? (tan-awa diha sa Josue 3:5).

• Timan-i nga ang suba nagbulag lamang human “sa paghidapat sa katubigan … sa lapalapa sa tiil sa mga pari” (Josue 3:13, 15). Nganong mahinungdanon kana?

• Pipila sa ubang mahinungdanon nga mga panghitabo nga nahitabo diha sa Suba sa Jordan—tan-awa diha sa 2 Mga Hari 2:6–15; 5:1–14; ug Marcos 1:9–11. Unsa nga mga koneksyon ang imong nakita tali niini nga mga panghitabo?

• Sa unsang paagi ang Ginoo mihimo og “mga katingalahan” diha sa imong kinabuhi? (Josue 3:5). Sa unsang paagi ikaw makasinati—o makaila—niadto nga mga katingalahan nga mas kanunay? (sama pananglit, tan-awa diha sa Josue 3:17).

Josue 6–8 naghisgot sa mga pakiggubat sa kayutaan sa Jerico ug Ai. Samtang magbasa ka niini nga mga kapitulo, hunahunaa kon unsaon nimo sa pagkigbatok sa tintasyon (sama pananglit, tan-awa diha sa Josue 7:10–13). Unsa ang imong nakat-onan mahitungod sa unsang paagi ang Dios makatabang kanimo ug unsa ang kinahanglan nimong buhaton aron makapahimulos sa Iyang gahom? Sama pananglit, unsay nakadani kanimo mahitungod sa mga panudlo sa Ginoo alang sa pagkuha sa Jerico? (tan-awa diha sa Josue 6:1–5). Tingali ang asoy diha sa Josue 7 modasig kanimo sa pagtino kon “anaay butang nga linaglag” sa imong kinabuhi nga kinahanglan nimong tangtangon (Josue 7:13).

Ang kataposang mga pagtudlo ni Josue ngadto sa mga Israelita Josue 23–24 naglakip sa importante nga mga pahimangno, tambag, ug gisaad nga mga panalangin. Tingali ikaw makahimo og usa ka lista sa unsay imong makaplagan. Maghunahuna sa tanan nga naagian sa mga Israelita, ngano sa imong hunahuna si Josue mipili sa pagsulti kanila niini nga mga butang sa kataposan sa iyang kinabuhi? Unsay imong nakita nga makapadasig kanimo sa “pakigtipon ngadto sa Ginoo”? (Josue 23:8).

Tan-awa usab sa Dale G. Renlund, “Magpili Kamo Niining Adlawa,” Liahona, Nob. 2018, 104–6.

• Aniay usa ka paagi sa pagtabang sa imong mga bata nga “magmakusganon ka ug magmaisog ka” (Josue 1:6) pinaagi ni Jesukristo. Dapita sila sa pagpangita og hugpong sa mga pulong nga gibalik diha sa Josue 1:6, 9, ug 18, isulat kini o sag-uloha kini. Tabangi ang imong mga bata sa paghunahuna og mga sitwasyon nga tingali sila nagkinahanglan niini nga mensahe, ingon lamang ni Josue nga nanginahanglan. Mahimo usab kamong magdungan og rebyo sa pipila ka mga istorya diha sa Josue 1–4; 6 (tan-awa usab diha sa “Josue ang Propeta” ug “Rahab ug ang mga Espiya” sa Mga Istorya sa Daang Tugon, 85–91). Giunsa sa mga tawo niini nga mga istorya pagpakita og kaisog ug kamakusganon diha sa Ginoo?

  

  2:59

  

  1:39

• Ang pagbasa sa Josue 1:8 makadasig sa imong mga kabataan sa pagbasa sa mga kasulatan sa ilang kaugalingon. Tabangi sila sa pagpangita og mga pulong dinhi niini nga bersikulo nga nagtudlo kanila kon unsaon ug ngano nga kinahanglang magbasa sa mga kasulatan. Makapangita sila sa samang mga butang diha sa 1 Nephi 15:23–24; 2 Nephi 31:20; 32:3; Jacob 4:6; Helaman 3:29–30. Makatabang ka usab kanila paghimo ug pagtuman sa usa ka plano nga magbasa sa mga kasulatan.

• Mahimo nimong gamiton ang istorya sa mga Israelita nga nagtabok sa Suba sa Jordan isip usa ka simbolo sa bunyag—pagbiya sa atong daan nga kinabuhi diha sa kamingawan ug sa pagsugod og bag-o diha sa pakigsaad nga relasyon uban sa Dios. Busa samtang magdungan kamo sa pagbasa diha sa Josue 3–4 (o “Josue ang Propeta” diha sa Mga Istorya sa Daang Tugon, 85–89), kamo makatan-aw usab sa usa ka hulagway ni Jesus nga gibunyagan ug ipasabot nga si Jesus gibunyagan diha sa samang suba nga gitabukan sa mga Israelita. Kamo dayon makakanta og usa ka awit sama sa “Bunyag” (Songbook sa mga Bata, 54-55). Pakigbahin sa usag usa kon sa unsang paagi ang bunyag sama sa pagsugod og bag-ong kinabuhi diha sa gingharian ni Jesukristo.

  

  2:59

• Unsay imong mabuhat sa pagtabang sa imong mga bata pagkat-on og pili sa pagsunod ni Jesukristo, sama ni Josue nga midapit sa mga Israelita sa pagbuhat? Mahimo nimo silang dapiton sa:

  • Pagsag-ulo og usa ka mubo nga hugpong sa mga pulong gikan sa Josue 24:15. Paninguha sa paghimo niini nga makalingaw sa imong mga bata. Ang gidaghanon sa mga pulong nga ilang masag-ulo mahimong mag-agad sa ilang edad.

  • Pangita og mga istorya mahitungod sa mga tawo kinsa mipili sa pagserbisyo ni Jesukristo. Makapangita sila diha sa Higala magasin, sa Mga Hulagway sa Ebanghelyo, o Mga Istorya sa Daang Tugon ug ubang mga basahon sa mga istorya sa kasulatan.

  • Mga sitwasyon sa role-play diin sila makapili sa pagsunod ug pagserbisyo sa Manluluwas.