សម្រាប់មាតាបិតា
ផែនការរបស់ព្រះគឺសម្រាប់បងប្អូន
ជូនចំពោះមាតាបិតា
នៅពេលយើងសិក្សារូបភាព និមិត្តសញ្ញា និងការបង្រៀនទាំងឡាយក្នុងព្រះគម្ពីរសញ្ញាចាស់ នោះយើងអាចយល់ពីផែនការរបស់ព្រះវរបិតាសួគ៌យើងសម្រាប់ពួកយើង និងតួនាទីរបស់ព្រះយេស៊ូវគ្រីស្ទនៅក្នុងផែនការនោះបានកាន់តែច្បាស់ឡើង ។
អត្ថបទទាំងឡាយនៅក្នុងច្បាប់សម្រាប់ទស្សនាវដ្ដីខែនេះ អាចផ្ដល់ដល់បងប្អូនជាយោបល់សម្រាប់ការបង្រៀនកូនៗចេញពីព្រះគម្ពីរសញ្ញាចាស់ និងអំពីផែនការរបស់ព្រះសម្រាប់ពួកយើង ។
ព្រះវរបិតាសួគ៌មានផែនការដ៏ទេវភាពមួយសម្រាប់បុត្រាបុត្រីរបស់ទ្រង់
ហេតុអ្វីវាសំខាន់ដែលត្រូវយល់ពីផែនការនៃសេចក្ដីសង្គ្រោះរបស់ព្រះ ? សូមប្រើ « មូលដ្ឋានគ្រឹះនៃដំណឹងល្អ » នៅលើទំព័រ ១០ ដើម្បីបង្រៀនកូនៗរបស់បងប្អូនអំពីសារៈសំខាន់នៃការធ្លាក់របស់លោកអ័ដាម និងនាងអេវ៉ា ។ បងប្អូនអាចធ្វើបញ្ជីមួយជាក្រុមគ្រួសារ ដែលរៀបរាប់ពីពរជ័យ និងឱកាសទាំងឡាយដែលយើងមាននៅក្នុងជីវិតនេះ ដោយសារយើងបានមកកាន់ផែនដីនេះ ។
បន្ទាប់ពីការអានអត្ថបទរបស់ អែលឌើរ ឃ្វីនថិន អិល ឃុក នៅលើទំព័រ ៦ ហើយ សូមពិភាក្សាជាក្រុមគ្រួសារអំពីពរជ័យនានា ដែលកើតមានក្នុងជីវិតរបស់បងប្អូន ដែលមកពីការដឹងថា ព្រះមានផែនការមួយដើម្បីសង្គ្រោះបុត្រាបុត្រីរបស់ទ្រង់ ។
ការសិក្សាព្រះគម្ពីរសញ្ញាចាស់
សូមពង្រីកការសិក្សាព្រះគម្ពីរសញ្ញាចាស់របស់បងប្អូន តាមរយៈការអានអត្ថបទនៅលើទំព័រ ២០ និង ២៦ ។ តើបងប្អូនរៀនបានអ្វីខ្លះ ដែលនឹងជួយបងប្អូនឲ្យយល់ពីព្រះគម្ពីរសញ្ញាចាស់ ? សូមពិភាក្សាជាមួយនឹងគ្រួសាររបស់បងប្អូនប្រកបដោយការអធិស្ឋានអំពីគោលដៅ ដែលបងប្អូនមានសម្រាប់ការសិក្សា ចូរមកតាមខ្ញុំ នៅឆ្នាំនេះ ។
ការយល់ដឹងអំពី ចូរមកតាមខ្ញុំ
សូមមើលទំព័រ ៣០ សម្រាប់ការបកស្រាយពន្យល់អំពីការបង្កបង្កើត និងសម្ភារផ្សេងទៀតដើម្បីគាំទ្រដល់ការសិក្សា ចូរមកតាមខ្ញុំ របស់បងប្អូន ។