តើខ្ញុំអាចស្វែងរកសេចក្ដីសង្ឃឹមឯណាបាន នៅពេលនរណាម្នាក់ដែលខ្ញុំស្រឡាញ់បានស្លាប់ទៅ ?
នៅពេលដែលឪពុករបស់ខ្ញុំបានទទួលមរណភាព រឿងដែលជួយខ្ញុំច្រើនបំផុតគឺសេចក្ដីជំនឿរបស់ខ្ញុំទៅលើព្រះយេស៊ូវ ។ មុនពេលគ្រួសាររបស់ខ្ញុំចូលសាសនាចក្រ ពួកយើងកាន់សាសនាកាតូលិក ។ ខ្ញុំមិនចូលចិត្តទៅព្រះវិហារទេ ប៉ុន្តែម្តាយរបស់ខ្ញុំមានភាពស្មោះត្រង់ខ្លាំងណាស់ ។ បន្ទាប់ពីឪពុករបស់ខ្ញុំបានទទួលមរណភាព ខ្ញុំចាំបានថា ម្តាយរបស់ខ្ញុំនិយាយថា គាត់មិនចង់ជឿលើព្រះទៀតទេ ។
ម្តាយរបស់ខ្ញុំមានមិត្តម្នាក់ដែលជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ហើយគាត់បាននាំពួកអ្នកផ្សព្វផ្សាយសាសនាចូលក្នុងផ្ទះរបស់យើង ។ យើងបានរៀនមេរៀនជាមួយគ្នា ហើយចាប់ផ្តើមទៅព្រះវិហារ ។ ខ្ញុំចាប់ផ្តើមជឿលើព្រះយេស៊ូវ និងព្រះ ហើយសេចក្ដីជំនឿរបស់ខ្ញុំចាប់ផ្តើមរីកចម្រើន ។ ទោះបីជាឪពុករបស់ខ្ញុំបានស្លាប់ក៏ដោយ ខ្ញុំមានជំនឿថា ថ្ងៃណាមួយយើងនឹងជួបគាត់ម្តងទៀត ។ យើងអាចរស់នៅជាមួយគ្នានៅស្ថានសួគ៌តាមរយៈព្រះយេស៊ូវគ្រីស្ទ ។
ព្រះយេស៊ូវគ្រីស្ទគង់នៅទីនោះសម្រាប់បងប្អូនជានិច្ច ។ នៅពេលដែលបងប្អូនមានអារម្មណ៍សោកសៅ ឬព្រួយបារម្ភ ឬបងប្អូនកំពុងមានថ្ងៃដ៏អាក្រក់ បងប្អូនអាចបែរទៅរកទ្រង់ ព្រោះទ្រង់ស្រឡាញ់បងប្អូន ។ ទ្រង់នឹងប្រយុទ្ធជំនួសបងប្អូន ។
សាយម៉ុន ស៊ី អាយុ ១៨ ឆ្នាំ ទីក្រុងវីលនៀស ប្រទេសលីទុយអានី
ចូលចិត្តលេងកីឡាបាល់ក្នុងទឹក បាល់ទះ និងលេងអគ័រកាដង់ ។