ភ្ជាប់ទំនាក់ទំនង
ហ្វ្លាវៀ ស៊ី
អាយុ ១៩ ឆ្នាំ មកពីទីក្រុង ប៊ុយណូហ្សែ ប្រទេសអាហ្សង់ទីន
រូបថតដោយ គ្រីស្ទីណា ស្ម៊ីធ
ថ្មីៗនេះខ្ញុំបានបាត់បង់ជើងរបស់ខ្ញុំនៅក្នុងគ្រោះថ្នាក់រថភ្លើង ។
ខ្ញុំកំពុងអង្គុយនៅក្នុងរថភ្លើង នៅពេលដែលខ្ញុំមានអារម្មណ៍ថា ទូរសព្ទរបស់ខ្ញុំបាត់ចេញពីដៃខ្ញុំ—មាននរណាម្នាក់បានប្លន់ខ្ញុំ ។ ដោយមិនបានគិត ខ្ញុំបានរត់តាមបុរសនោះតាមទូររថភ្លើងដែលមិនមានទ្វារ ។ ខ្ញុំមិនប្រាកដថាមានអ្វីកើតឡើងទេ ប៉ុន្តែភ្លាមៗនោះខ្ញុំបាននៅខាងក្រោមរថភ្លើង ស្រែកសុំជំនួយ ។
ប៉ុន្មានថ្ងៃក្រោយមក ខ្ញុំភ្ញាក់ឡើងនៅក្នុងមន្ទីរពេទ្យ ។ ខ្ញុំបានដឹងថា ខ្ញុំបានបាត់បង់ជើងស្តាំរបស់ខ្ញុំ ។ អំឡុងពេលស្នាក់នៅមន្ទីរពេទ្យ ខ្ញុំយំជាច្រើនដង ។ ប៉ុន្តែគ្រួសារខ្ញុំ មិត្តភក្តិ និងគ្រួសារនៅសាសនាចក្រតែងតែនៅជាមួយខ្ញុំ ជួយខ្ញុំ ។
ខ្ញុំដឹងថា ព្រះវរបិតាសួគ៌ និងព្រះយេស៊ូវគ្រីស្ទក៏បានជួយខ្ញុំផងដែរ ។ មុនពេលវះកាត់ម្ដងៗ ខ្ញុំតែងតែពោលពាក្យអធិស្ឋានផ្ទាល់ខ្លួនថាអ្វីៗនឹងមិនអីទេ ហើយខ្ញុំនឹងមិនខ្លាចទេ ។ រាល់ពេលដែលខ្ញុំមានអារម្មណ៍អស់សង្ឃឹម ព្រះអម្ចាស់គង់នៅទីនោះ ។
ខ្ញុំបានបន្តជាសះស្បើយ ហើយខ្ញុំពុះពារឆ្ពោះទៅមុខដោយមានជំនួយពីព្រះអង្គសង្គ្រោះ ។