Dominggo sa Hapon nga Sesyon
Sagrado nga mga Kasulatan—ang mga Pundasyon sa Hugot nga Pagtuo
Mga Kinutlo
Ang akong asawa, si Mary, ug ako bag-ohay lang nakakita og usa ka T-shirt nga adunay hulagway sa libro ug may mensahe sa atubangan nga mabasa, “Mga Libro: Ang Orihinal nga Mabitbit nga Device.” …
Mabitbit man o digital, ang Balaan nga Biblia ug ang Basahon ni Mormon: Lain nga Tugon ni Jesukristo naghatag og espirituwal nga giya ug pagtulun-an gikan ni Jesukristo, ang Manluluwas sa kalibotan. …
Sama sa akong gihisgotan, nakadayeg ko sa konsepto sa orihinal nga mabitbit nga device—usa ka libro. Pero, akong giila ang hilabihan kamahinungdanon sa internet sa kalibotan karon. … Ang internet usa ka gamhanang himan sa pagtuon sa ebanghelyo. Karon, daghang tawo ang nagpakigbahin sa mga kasulatan ngadto sa mga higala gamit ang teknolohiya. …
Ang mga kasulatan nagtudlo nato sa paggamit sa paghukom ug magmaalamon sa tanang butang. Ang internet mahimong gamiton sa positibo nga paagi o sa makadaot nga paagi. …
…Dili motan-aw sa law-ay, dili matinuoron, o dili matarong nga materyal. … Pun-a ang inyong kinabuhi og positibo, matarong nga mga ideya; pagmalipayon; paglingaw-lingaw apan likayi ang mga kinabuang. Adunay kalainan. … Labaw sa tanan, isubsob ang inyong kaugalingon kanunay diha sa Basahon ni Mormon, nga makapaduol sa Espiritu nganha sa inyong kinabuhi ug makatabang ninyo sa pag-ila sa kamatuoran gikan sa sayop.
Ang akong tambag alang niadtong sa bisan unsang paagi mitipas gikan sa dalan sa pakigsaad nga mobalik sa pagbasa sa sagrado nga mga kasulatan, propetikanhon nga giya, pagtuman sa mga baroganan sa ebanghelyo diha sa panimalay, ug musika sa hugot nga pagtuo. Matag kalag bililhon ngadto sa Ginoo. Nagkinahanglan kami kaninyo! Ang Ginoo nagkinahanglan kaninyo, ug kamo nagkinahanglan Kaniya! Welcome kamo kanunay.