Paghunong sa Paggamit sa Atong mga Hinagiban sa Rebelyon

Ang rebelyon mahimong tinuyo o wala tuyoa. …

Tingali ang mas delikado nga matang sa rebelyon batok sa Dios, hinuon, mao ang wala gituyo—pagbaliwala sa Iyang kabubut-on sa atong mga kinabuhi. Daghan kinsa wala gayod maghunahuna og tinuyo nga rebelyon ang nagsupak gihapon sa kabubut-on ug pulong sa Dios pinaagi sa pagpadayon diha sa ilang kaugalingong dalan nga walay pagtagad sa balaanong giya. …

Ang mga espada ug ubang mga hinagiban nga gihunong sa paggamit sa mga kinabig nga Lamanita mao ang mga hinagiban sa rebelyon tungod sa paagi sa ilang paggamit niini. Kadtong sama nga mga matang sa mga hinagiban nga anaa sa mga kamot sa ilang mga anak nga lalaki, nga gigamit agi og pagpanalipod sa pamilya ug kagawasan, dili gayod mga hinagiban sa rebelyon batok sa Dios. …

Sa samang paagi, adunay mga butang sa atong mga kinabuhi nga tingali murag wala lang o gani klaro kaayo nga maayo apan gigamit sa sayop nga paagi nga nahimong “mga hinagiban sa rebelyon.” …

… Kon ang atong gugma sa Dios ug ang atong determinasyon sa pagserbisyo Kaniya sa tibuok natong gahom, hunahuna, ug kusog nahimong bulawanong pamaagi diin kita mohukom sa tanang butang ug mohimo sa tanan natong mga desisyon, atong ihunong ang paggamit sa atong mga hinagiban sa rebelyon. Pinaagi sa grasya ni Kristo, ang Dios mopasaylo sa atong mga sala ug mga rebelyon kaniadto ug motangtang sa mga lama niadto nga mga sala ug mga rebelyon sa atong mga kasingkasing. …

Ang paghunong sa paggamit sa atong mga hinagiban sa rebelyon mosangpot ngadto sa talagsaong kamaya. … Hinaot nga atong ihunong na gayod—ang paggamit—sa bisan unsa nga elemento sa rebelyon batok sa Dios sa atong mga kinabuhi ug pulihan kini og andam nga kasingkasing ug andam nga hunahuna.