Ang Doktrina ni Jesukristo Yano

Ang pulong sa Dios mao ang doktrina nga gitudlo ni Jesukristo ug sa Iyang mga propeta. …

… Kini nga doktrina mao nga ang hugot nga pagtuo diha ni Ginoong Jesukristo, paghinulsol, bunyag, pagdawat sa gasa sa Espiritu Santo, ug paglahutay hangtod sa kataposan mopanalangin sa tanang anak sa Dios.

Samtang itudlo nato kini nga mga baroganan ngadto niadtong atong gihigugma, ang Espiritu Santo motabang kanato nga masayod sa kamatuoran. Tungod kay kita nagkinahanglan sa mga pag-aghat sa Espiritu Santo, kita kinahanglang molikay sa pagpangagpas o personal nga interpretasyon nga molapas sa pagtudlo sa tinuod nga doktrina.

… Usa sa labing segurado nga mga pamaagi sa paglikay nga maduol sa sayop nga doktrina mao ang pagpili nga mahimong yano sa atong pagtudlo. …

Ang yano nga pagtudlo magtugot kanato sa pagpakigbahin sa makaluwas nga doktrina sa sayo pa, samtang ang mga bata nagpabilin nga wala matandog sa mga tentasyon sa tiglimbong nga moatubang kanila sa kaulahian, samtang ang mga kamatuoran nga kinahanglan nilang makat-onan layo pa sa pagkalumos sa kasaba sa social media, mga kaedad, ug sa ilang kaugalingong personal nga mga pakigbisog. …

Samtang buhaton nato ang atong labing maayo sa pagtudlo niadtong atong gihigugma mahitungod sa doktrina ni Jesukristo, pipila gihapon ang dili mosanong. Ang mga pagduda mahimong mosulod sa inyong hunahuna. … Ayaw padala niadto nga mga pagduhaduha. Dangop ngadto sa Dios alang sa tabang. …

… Kamo mahimong makugihon ug mainantoson. Ug dayon kamo masayod nga inyong gibuhat ang tanan nga inyong mahimo sa pagtabang niadtong inyong gihigugma ug niadtong inyong giampo sa pagsagubang latas sa pagsulay ni Satanas sa pagpugong sa ilang pag-uswag.