Moises ang Propeta

Si Moises nagsul-ob og Ehiptohanon nga sinina nagtan-aw sa usa ka Ehiptohanon nga nagmaltrato og usa ka ulipon nga Israelita

Si Moises usa ka Israelita, apan gipadako sa anak nga babaye sa Paraon didto sa Ehipto. Si Moises naguol nga ang mga Ehiptohanon mabangis ngadto sa mga Israelita ug mihimo nila nga mga ulipon.

Si Moises nga ang iyang bukton nag-agbay sa usa ka ulipon nga Israelita, nagsuporta niya

Usa ka adlaw niana nakita ni Moises ang usa ka Ehiptohanon nga nagbunal sa usa ka Israelita. Gidapanapdan ni Moises ang Israelita.

Sa dihang nakahibalo si Paraon, gusto niyang patyon si Moises, apan si Moises milayas palayo gikan sa Ehipto.

Si Moises uban sa iyang asawa ug mga anak

Si Moises miabot sa usa ka dapit nga gitawag og Midian, diin iyang gikaila ang usa ka babaye nga gihinganlan og Sepora. Nagminyo sila ug nakabaton og mga anak.

Si Moises nga nakakita sa Ginoo didto sa mga nagsiga nga sampinit

Samtang nagpuyo sa Midian, nakakita si Moises og sampinit nga nagkayo, apan ang kayo wala mosunog sa sampinit. Mipakita ang Ginoo diha sa kayo ug namulong ngadto ni Moises.

Ang Ginoo miingon nga nahibalo Siya nga ang mga Israelita nag-antos sa Ehipto. Gimandoan Niya si Moises sa pagbalik ngadto sa Ehipto ug sa pagsulti sa Paraon sa pagtugot sa mga Israelita nga malingkawas. Ang Ginoo miingon nga Siya motabang ni Moises sa pagpalingkawas sa mga Israelita ug sa paggiya kanila ngadto sa gisaad nga yuta.