“Mga Habol sa Pasko sa Pagkabanhaw,” Higala, Mar. 2026, 34–35.

Mga Habol sa Pasko sa Pagkabanhaw

Ni Kate Anderson

Ang mga bata sa primary sa Perth, Australia nakigbahin sa pagkamabination ni Jesus pinaagi sa paghatag og mga habol ngadto sa mas edaran na nga mga babaye sa ward. Sa panahon sa Pasko sa Pagkabanhaw sa Australia, ang temperatura mag-anam og kabugnaw para sa tinglarag sa dili pa moabot ang tingtugnaw. Sa buntag sa Pasko sa Pagkabanhaw ang mga bata kasagaran makadawat og bag-ong paresan sa tingtugnaw nga pajama nga aduna sab tsokolet nga itlog. Ang init nga mga pajama ug mga habol makapahinumdom nato sa kainit sa gugma ni Jesukristo.

Paghulagway sa usa ka van nga adunay daghang mga bata sa sulod. Usa sa mga bintana adunay tinuod nga litrato sa mga bata sulod sa sakyanan

1. Nagdungan sila og adto sa tindahan aron magkuha sa mga habol.

Litrato sa mga bata nga nagbuhat og mga butang nga hinimo sa kamot

2. Nagbuhat usab sila og hinimo sa kamot nga mga buwak, nagpintal og kahoy nga mga itlog alang sa Pasko sa Pagkabanhaw, ug nagdekorasyon og mga kard nga ipauban sa mga habol.

Paghulagway sa usa ka balay nga adunay tinuod nga litrato sa usa ka batang lalaki nga naggakos og mas edaran na nga babaye

Paghulagway sa usa ka balay nga adunay tinuod nga litrato sa usa ka babaye nga naggunit og linikit nga habol

3. Dayon ilang gihatod ang mga habol. Malipayon silang nagtinabangay sa pagdala sa gugma sa Manluluwas ngadto sa uban sa panahon sa Pasko sa Pagkabanhaw.

Ania ang sulat sa mga bata nga gipauban sa mga habol!

Ganahan ko nga nakaapil ug nakabuhat og butang nga magkauban. Ang pagpamalit maoy labing nindot, ug nakapili mi sa mga kolor sa mga habol. Usa kadto ka talagsaon ug malipayon nga kasinatian.

Robert D., edad 9

Ganahan ming makakita sa mapahiyomon nga dagway sa mga kababayen-an sa among ward dihang gihatag namo nila ang mga habol.

Micah ug Hyrum M., mga edad 10 ug 8

Nalingaw kaayo ko sa pagbuhat og butang nga nindot para sa mas edaran na nga mga tawo sa among ward.

Miley N., edad 8