Sinemana nga Kalingawan sa Kasulatan

Awit: “God’s Gracious Love [Gugma sa Dios]” (Hymns—For Home and Church, no. 1013)

Kasulatan: Genesis 15:3–6; 21:1–3

Kalihokan: Si Abraham ug si Sara kinahanglan nga magpailob ug maghulat og taas nga panahon sa wala pa ang Dios mipanalangin nila og anak. Mahimo usab kamong magpailob. Pagputos og dulaan o makaon sa pipila ka sapaw nga papel. Dayon tagsa-tagsaha sa pag-abli ang kada sapaw sa matag higayon nga mobasa mo og usa ka bersikulo gikan sa mga kasulatan nga anaa sa ibabaw mahitungod sa istorya ni Abraham ug Sara. Kon mahuman na mo, hisgoti kon sa unsang paagi nga usahay ang mga panalangin dili dayon moabot. Apan kon kita magmapailobon ug mosalig sa Dios, ang Iyang mga panalangin kanunay nga moabot.

Molitok sa Pag-ampo:

Mangulo sa Kanta:

Basaha ang Kasulatan:

Mohatag sa Leksiyon:

Awit: “To Love like Thee [Mohigugma Sama Mo]” (Hymns—For Home and Church, no. 1019)

Kasulatan: Genesis 24:17–20

Kalihokan: Mabination si Rebekah. Gihatagan niya og tubig ang usa ka estranghero ug ang iyang mga kamilyo. Pangita og paagi aron magmabination! Pagsuroy-suroy sa inyong panimalay o sa inyong kasilinganan ug pangita og mga paagi nga makapakita mo og pagkamabination. Dayon buhata kini!

Molitok sa Pag-ampo:

Mangulo sa Kanta:

Basaha ang Kasulatan:

Mohatag sa Leksiyon:

Awit: “I Have Faith in the Lord Jesus Christ [Nagtuo Ko ni Jesukristo]” (Hymns—For Home and Church, no. 1024)

Kasulatan: Genesis 37:2–5, 18–21, 26–28; 39:20–23

Kalihokan: Basaha ang mga kasulatan mahitungod sa istorya ni Jose o tan-awa ang bidyo gikan sa Mga Istorya sa Daang Tugon. Dayon kolori ang iyang kupo sa sunod nga pahina! Sa matag square, pag-itsa og dice. Kon unsa nga numero ang matumong, gamita kana nga kolor para sa sunod nga square nga koloran. Giunsa sa Ginoo pagtabang si Jose? Unsaon Niya pagtabang ninyo?

Molitok sa Pag-ampo:

Mangulo sa Kanta:

Basaha ang Kasulatan:

Mohatag sa Leksiyon:

Awit: “I Know That My Savior Loves Me [Jesus, Naghigugma Nako]” (Hymns—For Home and Church, no. 1021)

Kasulatan: Genesis 47:12 ug Juan 6:35

Kalihokan: Si Jose miluwas sa iyang pamilya gikan sa kagutom ug mipasaylo sa iyang mga igsoon nga lalaki. Ang iyang istorya makapahinumdom kanato kon sa unsang paagi si Jesukristo moluwas ug mopasaylo usab kanato. Pagkat-on kon giunsa kita pagluwas ni Jesus pinaagi sa pagbasa sa mensahe sa Pasko sa Pagkabanhaw nga anaa sa pahina 2.

Molitok sa Pag-ampo:

Mangulo sa Kanta:

Basaha ang Kasulatan:

Mohatag sa Leksiyon:

Awit: “I Can’t Count Them All [Di Nako Maihap Ang Grasya]” (Hymns—For Home and Church, no. 1029)

Kasulatan: Exodo 2:2–10

Kalihokan: Ang inahan ni Moises mibutang sa batang Moises sulod sa basket ug mitago kaniya duol sa suba aron maluwas siya sa peligro! Paghimo og gamay nga basket gamit ang mga materyal nga anaa sa inyong panimalay. Makagamit kamo og mga craft stick, papel, o gani mga prutas o mga gulay. Dayon sulayi sa pagpalutaw ang basket sa tubig. Basaha ang mga kasulatan nga anaa sa ibabaw ug paghisgot kon giunsa pagtabang sa Ginoo si Moises. Ang mga milagro sa Dios miluwas ni Moises gikan sa peligro!

Molitok sa Pag-ampo:

Mangulo sa Kanta:

Basaha ang Kasulatan:

Mohatag sa Leksiyon: