Dapit alang sa mga Hinimo sa Kamot para sa Pasko sa Pagkabanhaw

Sa daghang bahin sa kalibotan, ang tulips mao ang pipila sa unang mga buwak nga mobuka panahon sa tingpamulak. Tungod niini, mga simbolo sila sa bag-ong pagkatawo ug makapahinumdom nato sa sakripisyo ni Jesukristo. Kon makasala kita, kita makahinulsol ug mahimong matawo pag-usab sa espirituhanong paagi!

1. Pil-a og katunga ang usa ka kwadrado nga piraso sa papel nga pinatakilid aron maporma og triangle.

2. Ipailawom ang taas nga kilid, piloa padulong sa taas ang tuo nga tumoy, segurohon nga dili kini molabaw sa ibabaw nga tumoy.

3. Pilo-a ang wala nga bahin sama sa ikaduhang lakang.

4. Baliha ang imong papel. Ang bahin diin anaa ang duha ka tumoy kinahanglan nga anaa sa ibabaw.

5. Piloa padulong sa ubos ang tumoy sa triangle sa kada kilid.

6. Baliha og usab ang imong papel aron makita ang imong tulip! Dayon ipapilit kini sa usa ka piraso nga papel.

Aron sa paghimo og punoan sa tanom, paggunting og green nga papel, pangita og mga dahon sa gawas aron ipapilit, o pagdrowing og imoha!

Nahibalo ka ba nga ang mga itlog makapahinumdom nato sa bag-ong kinabuhi? Himoa kining resipi sa itlog nga salad aron matabangan ka nga mahinumdom sa Pagkabanhaw ni Jesukristo!

1. Pinaagi sa tabang sa dagko na nga mga tawo, pagpabukal og 6–8 ka itlog sulod sa 10 ka minutos.

2. Pabugnawa ang mga itlog, dayon paniti ug hiwaa sa gagmay nga piraso.

3. Diha sa panaksan, sagoli ang hiniwa nga itlog og 1 ka kutsara nga mustard ug ¼ ka tasa nga mayonnaise. Balibori og asin, paminta, ug paprika ug sagola pag-usab.

4. Ibutang kini sa ibabaw sa pan o sa mga cracker ug pagbusog!