Panaw sa Tibuok Semana Santa

Sa Dominggo sa Lukay, ang mga tawo mitimbaya ni Jesukristo dihang miabot siya sa Jerusalem. Misinggit sila og “Hosanna” aron sa pagsaulog. Ang Hosanna usa ka Hebreohanon nga pulong sa “palihog luwasa kami.”

Sa gabii sa Kataposang Panihapon, gihugasan ni Jesus ang mga tiil sa Iyang mga disipulo. Nagpakita Siya og panig-ingnan sa mapaubsanon nga serbisyo nga angay natong sundon.

Didto sa Harden sa Getsemani, nag-ampo si Jesukristo ug mibati sa kasakit ug kahasol sa matag tawo. Nag-antos Siya alang sa atong mga sala.

Si Jose nga taga-Arimatea mihangyo nga iyang kuhaon ang lawas ni Jesukristo human Siya mamatay. Gitugyan ni Jose ang iyang kaugalingong bag-ong lubnganan aron si Jesus adunay maayong dapit nga kapahulayan.

Si Maria Magdalena mao ang unang tawo nga nakakita sa Manluluwas human sa Iyang Pagkabanhaw. Midagan siya aron sultihan ang mga Apostoles sa maayong balita!

Human sa Iyang kamatayon, giduaw ni Jesukristo ang Iyang “uban pa nga karnero” sa tibuok kalibotan. Usa ka dapit nga Iyang gibisita mao ang Amerika. Nahikap nila ang mga samad sa Iyang mga kamot ug mga tiil ug nasayod nga Siya ang nabanhaw nga Manluluwas.