“Kay Gihigugma Pag-ayo sa Dios ang Kalibotan,” Higala, Mar. 2026, 2–3.
Gikan sa Kapangulohan sa Primary
Kay Gihigugma Pag-ayo sa Dios ang Kalibotan
Ang Langitnong Amahan naghigugma kaayo kanato nga Iyang gipadala ang Iyang Anak, si Jesukristo, aron motabang kanato nga makabalik ngadto Kaniya.
Nasayod si Jesus nga adunay moabot nga mga panahon sa atong kinabuhi nga mobati kita og kasubo, kasakit, ug kamingaw. Makahimo kita og mga sayop ug gani mahadlok usahay. Didto sa Tanaman sa Getsemani, gipili ni Jesukristo nga mobati nianang tanang mga butanga aron hingpit Siya nga makasabot ug makatabang kanato. Gibayran usab Niya ang atong mga sala aron kita makahinulsol. (Tan-awa sa Alma 7:11–13.)
Nahibalo usab si Jesus nga kon moabot na ang panahon, kitang tanan mamatay. Ang kamatayon usa ka natural ug normal nga parte sa kinabuhi. Apan dili gusto ang Dios nga ang kamatayon mao ang kataposan sa atong istorya. Tungod kay gihatag ni Jesukristo ang Iyang kinabuhi ug nabanhaw, kitang tanan usab mabuhi og usab. Mao nga Iyang gipili nga mamatay alang kanato.
Atong gitawag ang gihimo sa Manluluwas nga ang Pag-ula ni Jesukristo. Kining sagrado nga gasa gihimo para kanato pinaagi sa gugma. Hinumdomi, gihigugma pag-ayo sa Dios ang kalibotan ug tungod niini gihatag Niya ang Iyang bugtong Anak, si Jesukristo (tan-awa ang Juan 3:16). Ug si Jesus nahigugma kaayo kanato nga Iyang gihatag ang Iyang kinabuhi aron makapuyo kita og balik uban sa Dios.
Ang Pasko sa Pagkabanhaw kay Mahitungod sa Gugma
Kapila ninyo makita ang pulong nga gugma o gihigugma, nahigugma, paghigugmaay dinhi niini nga mga bersikulo? Isulat ang numero sa tapad sa matag kasulatan, dayon sulbara ang problema sa math. Kon makuha na ninyo ang tubag, sulayi sa pagbuhat kanang daghang mga butang aron sa pagpakigbahin sa gugma ni Jesus ngadto sa uban.
Juan 3:16
+
Juan 13:34
+
Mga Taga-Efeso 5:2
-
Juan 15:13
-
Mga Taga-Roma 8:35, 37
=