Peptaij Ej juon Mennin Letok Ekam̧ōņōņō

Jān Būreejtōn Susan H. Porter

Būreejtōn eo Eutiej an Būraimere

Pija in juon ļaddik ej waloktok jān dān eo ālkin an kar peptaij ilo juon dān

N̄a juon iien iar kōnono ippān juon ļaddik eo ekar ikum̧kum̧ kōn an kar peptaij. E ear inepata bwe enaj kar aikuj bōk eddo n̄an aolep jerawiwiw ko an.

Iaar jiron̄e ke peptaij ej juon mennin letok ekam̧ōņōņō, im ekar jab aikuj in mijak. N̄e em̧ōj am̧ peptaij, Jemedwōj Ilan̄ emaron̄ jipan̄ eok eļapļo̧k! Būreejtōn Nelson ear katakin bwe n̄e kwoj peptaij im kōm̧m̧an juon bujen ippān Anij, E jamin elļo̧k jān an jipan̄ eok.* Jemedwōj Ilan̄ ej karuwanene eok n̄an bōk menin letok eo an Jetōb Kwojarjar n̄an tōl eok eļļan̄e em̧ōj kar kapen eok. Im n̄e kwōj kōm̧m̧ane juon kāālet ebōd, komaron̄ ukeļo̧k im bōk jeorļo̧k bōd kōnke eo Nejin Jemedwōj Ilan̄, Jisōs Kraist, ededeļo̧k an kōļļā wōņāān jerawiwi ko am̧.

Ta juon kōjeraam̧m̧an bwe Jemedwōj Ilan̄ ej karuwanene eok ilo iiō ruwalitōk n̄an kōm̧m̧an bujen Ippān kinke E en kōjeraam̧m̧an eok eļapļo̧k! Eļap kam̧ōņōņō ej kōttar eok ilo am̧ bōk bun̄tōn in n̄an ļoor Jisōs Kraist.

N̄e Em̧ōj Aō Peptaij, Imaron̄ …

Keememej kallim̧ur in peptaij ko aō ilo aō bōk kwōjkwōj eo.

(3 Nipai 18:6–7)

Pād Jetōb Kwojarjar ippa aolep iien.

(Moses 6:52; Katak im Bujen Ko 20:77)

Wojān Kabun̄ eo an Jisōs Kraist.

(Katak im Bujen Ko 20:37)

Bōk etan Jisōs Kraist iooō im ļoor E kajjojo raan.

(Mosaia 5:8)