Thomas Ri Aintok eo

Eta in Thomas, im n̄a juon ri aintok.

Iiō in ilo Būraimere kōm kar katak kilen aintok. Ritōl ro am raar kajjitōk bwe kōmin ain baam̧le ko am n̄an jar im katak jeje ko rekwojarjar. Rekōņaan bwe jen katak aintok innām jenaaj jeļā kilen aintok kiiō im n̄e jerūttoļo̧k—ilo mijen ko, jikin jikuuļ, ak bar n̄e jej make iaad. Wāween de in aolep iien jemaron̄ aindoon ilo jetōb ippān Jemedwōj Ilan̄ im Jisōs Kraist im lo aenōm̧m̧an Ippaer.

Jerbal eo aō ej aintok baam̧le eo aō n̄an jar in jibbon̄. Ij kajjitōk, “Komaron̄ ke jouj im itok ippa n̄an jar?” Ļaddik eo jeiū Henry ej ain kōm n̄an jar in jota im ekkatak jeje ko rekwojarjar.

Juon jibbon̄ in Jādede, kōm kar em̧akūt n̄an ikkure basketball. Ālkin, kōm kar kōm̧m̧ani jerbal ko jet. Iar keememej im ba, “M̧am̧a, jemeļo̧kļo̧k in aindoon n̄an jar.” Ear jiron̄ eō ke jemaron̄ koba n̄e jepād m̧weo. Ak iar ba, “Jej aikuj koba tok im jar kiiō!” Ear ba in jar, ak ekar kōpeļo̧k wōt mejān bwe ear ettōr.

M̧am̧a im Baba rej ba n̄an komro Henry ewi jon̄an aer kam̧m̧oolol bwe ke kōmij ain baam̧le eo am n̄an jar im ekkatak jeje ko rekwojarjar. Rej ba ainikiōm reddik rej kōm̧m̧an eļap oktak ilo m̧weo im̧ōm. Rej jiron̄ kōm bwe kōnke kōn koba ippān doon, baam̧le eo am ejeraam̧m̧an.

Kōmeļeļe ko jān Augusto Zambonato