Kiiō Em̧ōj Am̧ kar Peptaij. Kiiō Ta?

Keememej ke iien eo kwaar bōk mennin letok eo an Jetōb Kwojarjar ālkin peptaij eo am̧? Kiiō E maron̄ aolep iien pād ippam ilo am̧ kāālet jim̧we eo. Ekkā an Jetōb Kwojarjar kōnono ippād ilo ļōmņak im en̄jake ko. Ron̄jake Jetōb Kwojarjar enaaj jipan̄ eok kōm̧m̧ane kāālet ko rem̧m̧an im loe lan̄lōn̄ em̧ool.

Ļōmņak Kake: Kar iien ta eo kwaar en̄jake Jetōb Kwojarjar? Emaron̄ juon en̄jake eo eļap ak juon eo edik!

Ke Jisōs Kraist ear pinm̧uur kōn jerawiwi ko ad, Ear kōm̧m̧an bwe en pidodo n̄an kōjwōj kajojon̄an ukweļo̧k. Ukweļo̧k meļeļein oktakļo̧k jān kāālet ko rebōd im jitļo̧k n̄an Jemedwōj Ilan̄ im Jisōs Kraist. Relukun m̧ōņōņō n̄e jej kāālet n̄an ukweļo̧k kōnke ej jipan̄ kōj eddōk jim̧eļo̧k n̄an Er.

Ļōmņak Kake: Ta juon men komaron̄ kōm̧m̧ane me enaaj jipan̄ eok oktak jimeļo̧k n̄an Jemedwōj Ilan̄ im Jisōs Kraist?

Ālkin peptaij eo am̧, kwojkwoj enaaj lukkun laplo̧k wōt an ejjeļo̧k uwaan. Kiiō n̄e kwōj bōk kwojkwoj eo, kwoj kōkāāl bujen eo kwaar kōm̧m̧ane ilo iien peptaij n̄an kōjparok kien ko im ļoor Jisōs Kraist. N̄e kwōjjab kōjparok kallim̧ur kein ilo weeppān, kwojkwoj eo enaaj kein kakeememej eo kajjojo wiik bwe kōnke kōn Jisōs Kraist, jemaron̄ ukweļo̧k im bōk jeorļo̧k bōd.

Ļōmņak Kake: Ta juon wāween komaron̄ kōm̧m̧an bwe kwojkwoj eo en jenolo̧k wiik in?

Tampeļ eo ej m̧weo m̧ōn Anij ekwojarjar. Iiiō eo kwoj tōpar 12, komaron̄ etal n̄an tampeļ eo im jipan̄ ro jet ilo am̧ peptaij n̄an ro remej. Tokelik, komaron̄ kōm̧m̧ane elōn̄ļo̧k bujen ko am̧ make ippān Jemedwōj Ilan̄. Ta ko kwoj ekkatak ilo tampeļ eo renaaj jipan̄ eok erom elapļo̧k āinwōt Jemedwōj Ilan̄ im Jisōs Kraist!

Ļōmņak Kake: Ta juon men eo komaron̄ kōm̧m̧ane kiiō n̄an kōppopo in etal n̄an tampeļ?