Pojak in Etetal ippān Jisōs

Iakwe!

Etam̧ ro Hailey im Violet, jeimjati po rein jān Arizona, USA. Kōm̧ kōņaan ļoor waanjon̄ak eo an Rilo̧mo̧o̧o̧r eo, kin am̧ro pojak n̄an kar peptaij!

Em̧m̧an ippam etetal iturin juon reba epaak n̄an m̧weo im̧ōm. N̄e kōm naj peptaij, kōm naaj jinoe juon etetal ilo jetōb ekāāl ippān Jisōs! Jetōb Kwojarjar enaaj pād ippam ilo am kajjieon̄ n̄an ļoor Rilo̧mo̧o̧r eo kajjojo raan.

Jet iien kemij ae libukwe mouj jiddik ko iturin reba eo. Rej kakeememej kōj kōn juon men eo Rilo̧mo̧o̧r ear kallim̧ur: “Men̄e bōd ko ami rej āinwōt būrōrō, renaaj mouj āinwōt sno” (Aiseia 1:18). Kōn wōt Jisōs Kraist, jemaron̄ ukweļo̧k im maron̄ in erreo bar juon alen āļkin ad kōm̧m̧ane juon kāālet ebōd. Jenaj ekōņaak mouj ilo raan in peptaij eo n̄an bar kakeememej menin.

Jem̧ad elukun jeļā kōjjebļāļe dekā ioon dān ilo reba eo! Ej katakin kōm kilen n̄an jerbale, im kōmij em̧m̧anļo̧k aolep iien kōmij kajjieon̄. Menin ej āindein an Jisōs Kraist ej juo Rūkaki eo eweeppān. Ej kōņaan n̄an jipan̄ kōj ekkatak im eddōk.

Dekā ko ilo reba eo rejjir, im ejiban̄ n̄an jibwe pein jinem. Jisōs ej aolep iien pād n̄an kōj eļļan̄e jej jej aikuj jipan̄. Im n̄e jekar peptaij, jenaaj kallim̧ur n̄an jipan̄ ro jet ilo jekjek eo E naaj kar!

Em̧m̧an ippām etetal iturin reba eo ippān baam̧le eo am. N̄ee jaar peptaij, jenaaj pād wōt ilo ialan bujen eo me ej tōl likļo̧k kōj n̄an m̧weo im̧ōd ilan̄. Jemaron̄ pād ippan baam̧le eo ad n̄an indeeo!

Ilukun m̧ōņōņō n̄an kar peptaij kōnke ikōņaan ļoor waanjon̄ak eo an Jisōs. Ij bōk n̄an kwaļo̧k n̄an Jemedwōj Ilan̄ ke ikōņaan kōjparok kien ko.

Violet W., iiō 7, Arizona, USA

Ij kōņaan ļoor Jisōs Kraist. Ālkin aō kar peptaij, ij maron̄ bōk Jetōb Kwojarjar, im Jetōb Kwojarjar eo emaron̄ jipan̄ eō bwe in peran.

Hailey W., iiō 7, Arizona, USA