“Kabwilōn̄lōn̄ an M̧aan Kōjām,” Jera, Jānwōde 2026, 18–19.

Kabwilōn̄lōn̄ an M̧aan Kōjem

Jān Lucy Stevenson Ewell

Enaaj ke em̧m̧an an jinen Gracie mour?

Juon bwebwenato em̧ool jān USA.

Gracie ear kōmaat pankeek eo kijen, door kōnno ko an ilo jikin kwaļko̧l kōnno, im bōke backpack eo an.

“Iien jar an baam̧le,” Baba ar ba.

Aolep raar juubkwe ilo etōņaak eo. Ļaddik po eo an Gracie, George, ear jar. “Jouj im jipan̄ kōm m̧ōņōņō ilo jikuuļ,” ear ba. “Im jouj im kōjeraam̧m̧an M̧am̧a bwe en em̧m̧an mour. Jouj im kōjeraam̧m̧an takto ro n̄an jeļā kilen jipan̄e.”

Jinen Gracie ewōr an tumor ilo kōmālij. Ej aikuj in m̧wijm̧wij. Taktō rej kōjatdikdik ke aolep men renaaj em̧m̧an, ak rejjab lukkun jeļā.

Ālkin jar eo, M̧am̧a ear atbakwoj aolep. “Inaaj etal in bar taktō rainin. Kōjatdikdik ke jenaaj jeļā eļapļo̧k.”

Ak n̄e M̧am̧a emej im iban ban bwebwenato ippān? Gracie ear ļōmņak. Leddik in ar lukkuun mijak. Ar jab maron̄ kōļmenļo̧kjen kōn an jab maron̄ atbakwoj jinen im lo e ālkin jikuuļ.

Raan eo, Gracie ear tal n̄an kūlaaj, iien kakije, im iien m̧ōn̄ā in rāelep. Ak eļakkar ļōmņak kōn jinen. Ke ekar mijak, ear ļōmņak kōn al in Būraimere eo em̧m̧antata ippān. Families can be together forever through Heavenly Father’s plan, ear al ilo būruon.

Ke raar tōpar m̧weo jān jikuuļ, Gracie im George raar ettōr im atbakwoj jiner. “Ejeet kar appointment eo am̧?” Gracie ear kajjitōk.

M̧am̧a ear ba “Ekar em̧m̧an.” “Jejjab lukkun jeļā eļap. Ebar wōr jejjo aō appointment wiik in laļ m̧okta jān m̧wijm̧wij eņ.”

Gracie ear em̧ōņōņō in loe jinen. Ak ekar inepata wōt.

Jejjo raan tokelik, bell in kōjām eo ear jan̄. Ke M̧am̧a ej kōpeļo̧k kōjām eo, Gracie ej ron̄ al.

Ear jutak ippān M̧am̧a ilo m̧aan kōjām eo im reinabōjļo̧k n̄an ro m̧ōttan baam̧le eo aer jān jikin jar im jikuuļ. Raar al al in Būraimere. “Kōm lakkar ļōmņake eok im kōņaan boktok n̄an kwe jidik aenōm̧m̧an,” juon iaer ear ba. Innām raar bar jino al.

Pijaan mama im ajri ro rej kōpeļo̧k kōjām eo n̄an jet armej rej al

George ar bar itok n̄an kōjām eo. Ear jitļo̧k n̄an Gracie. “Jen al ippaer!”

Gracie im George raar bōk nuknuk in pio ko aer im ettōr nabōjļo̧k in kobaļo̧k ippān ro jet. Raar al eļļaaj jon̄an wōt aer maron̄.

Jesus is a God of miracles;
Nothing is at all impossible to Him,
But I know this:
Of all His miracles, the most incredible must be
The miracle that rescues me!

Gracie ear lo an M̧am̧a irļo̧k kōmjaļaaļ ko. Leddik eo jatūn, Rosie, ej atartar neen M̧am̧a im bar ron̄jak.

Gracie ear obrak kōn juon en̄jake in aenōm̧m̧an. Ak ear inepata wōt kōn jinen. Ak ejeļā ke Jisōs Kraist ej iakwe er. E kar juon Anij in kabwilōn̄lōn̄. Im Gracie ear jeļā ke aolep men renaaj em̧m̧an.