“Erreim̧aanļo̧k n̄an Būrokūraam eo an Jodikdik ro,” Jera, Nobōm̧ba 2025, 38-39.
Erreim̧aanļo̧k n̄an Būrokūraam an Jodikdik ro
Em̧m̧akūt jān Būraimare iiō eo kwoj oktak im 12 iiō emaron̄ kaamijak ak kabūrom̧ōjm̧ōj. Ijoke, elōn̄ men ko eļap aer kam̧ōņōņō n̄e jej 12 ad iiō im kobaļok ilo kūlaaj eo an Doulul eo an Jiron̄ ro ak Doulul eo an Priesthood eo an Aron! Errein jet iaer.
1
Tampeļ eo
Kwomaron̄ kōnono ippān bisop eo am̧ n̄an kōm̧m̧ane juon peba in mālim n̄an deļon̄e tampeļ im kōm̧m̧ane peptaij ko n̄an ro remej ilo tampeļ!
2
M̧akūtkūt ko im Iien ko
Kwonaaj pād ilo elōn̄ m̧akūtkūt ko kwonaaj kōm̧m̧ane ilo kurup eo an Doulul eo an Jiron̄ ro im Doulul eo an Priesthood eo an Aron. Jemaron̄ barāinwōt etal n̄an kāām ko an jodikdik ippān ro jet im limo ilo ad ekkatak kōn Jisōs Kraist im gospel in An!
3
Jerbal ilo Kabun̄ in
Kwomaron̄ bōk juon kūr n̄an jerbal ilo juon kūlaaj ak doulul eo an būreejtōnji eo. Enaaj bar wōr iien n̄an am̧ katakin ilo kūlaaj eo am̧, jipan̄ kōm̧m̧ane m̧akūtkūt ko, im jerbal in jipan̄ ilo wāween ko jet!
4
Jemenere im Kweilo̧k ko an FSY
Ilo iiō ņe ej 14 am̧ iiō, kwomaron̄ jino jemenere n̄an ekkatak eļapļo̧k kōn Jisōs Kraist im jepļaaktok in gospel in An. Kwomaron̄ barāinwōt kobaļo̧k ilo kweilo̧k ko an (N̄an kōkajoorļok Jodikdik ro) FSY ippān jodikdik ro rekōņaan ļoor Jisōs Kraist.
5
Men ko Kobban Rekāāl n̄an Kwe!
-
Kōn jipan̄ eo an ro jinen im jemān, subscribe n̄an Māākjiin eo N̄an Kōkajoorļok Jodikdik Ro ilo website eo an Kabun̄ in.
-
Kajjitōk ippan juon pāāren kōn ikūjeen downloadi Gospel Living App eo. Ewōr ie meļeļe ko rekalimomo n̄an ekkatak im kōm̧m̧ane kōttōpar ko n̄an ajri ro im būrookraam ko an Jodikdik ro.
-
Katak N̄an Kōkajoorļo̧k Jodikdik ro: Juon Unin Tōl N̄an Kōm̧m̧an Kāālet ko. Bok in kar jeiki n̄an jipan̄ eok ļoor Jisōs Kraist.
-
Kwe im baam̧le eo am̧ maron̄ loi bwebwenato ko rekam̧ōņōņō, al ko, kōjjeļā ko, im bar elōn̄ ilo Strive to Be ilo social media akkaun ko.