“Meatball eo Āliktata,” Jera, Nobōm̧ba 2025, 18-19.
Meatball eo Āliktata
Ejjab em̧m̧an! Ejjeļo̧k en ej ajeej ippān Alex!
Juon bwebwenato em̧ool jān USA.
Alex ej batōk neen laļļok ilo jikin uwe eo im kom̧m̧ane ainikien.
M̧am̧a ekar reilo̧k jān bok eo an. “Kweita?”
“Ejjeļok en ej ajeej ippa!” Alex ekar ba. “Illukkun dike aō pād ioļapļapier.“ Ro jein im jatin Alex rekajoor kōm̧m̧ane kōņaan ko aer. Ejjōb em̧m̧an.
Bōlen n̄e enej em̧m̧an am̧ kajjitōk, laddik ran jeim̧ im jatim̧ renaaj ajeej ippam̧,” Jinen ear ba.
Alex ej mejen jememe. “Ekar em̧m̧an aō kajjitōk!”
“komaron̄ ke kōm̧m̧ane awa ne? Bwe aolep ren kajjojo ikkure.”
“Ikar kōm̧m̧ane awa e!” Alex ekar ba. “Ako bolen inej kōm̧m̧ane ruo awa bwe en em̧m̧an.” Ekar jibwetok kein kawawa eo juon jān raan kauntōr in jikin m̧ōņā eo im etaļ n̄an lōn̄. Laddik eo jatin, David, ekar ikkure juon ikkure ilo TV eo.
“M̧am̧a ej ba jen kajjojo, ” Alex ekar ba. Ekar kōm̧m̧ane kien kawawa eo n̄an laļem minit. “N̄e ejan̄ men e, enej baj n̄a.”
Raan eo juon, Alex im laddik eo jein, Jake, rekar kōņaan jim̧or ikkure juon ikkure, innem rekar kōm̧m̧ane awa eo n̄an 30 minit. Ke David im Jake rekar jim̧or ikkure kōn būļok ko, rekar bwini kajjojo nōm̧ba ko n̄an kajjojo armej. Innām David im Alex rekar jim̧ōr kōņaan chocolatechip kukiij eo āliktata, rekar kōrājet e. Kiio men ekar jino em̧m̧anļok.
Ako ekar iien kejota …
Bon̄ eo, rekar m̧ōn̄ā spaghetti im meatballs! Jake ekar jino kanne pasta ilo pileij eo an m̧okta jān an Alex jibwe jibuun eo.
“Ah, ejjab em̧m̧an, ” Alex ekar ba. “N̄a ibar kole!”
Baba ekar door juon pā ioon aeran. “Alex, ebooļ m̧ōn̄ā n̄an aolep. Reitok, inej bar lewaj jon̄an en an Jake.” Jemen ej likit jidik pasta n̄an pileij eo an Alex.
Ālikin aer kōjeram̧m̧an m̧ōn̄ā eo, aolep rekar jino m̧ōn̄ā. Ke Alex ekar kōmaate mōn̄ā eo kijen, ekar kole wōt. Ekar alimōmōik ainbat eo iloļapļap in tabōļ eo. Ekar wōr juon meatball ioon pasta ko. Ekar jibuuni lōn̄tak n̄an pileij eo an.
“Ejjab em̧m̧an! David eaar ba. “Men eo de ne.”
Jake ekar jitōn̄ļok meatball eo kōn jibuun bo̧o̧k eo an. “Ibar kōņaan kijō. Jen kōrrājet e.”
“Kōrrājet e?” Alex ekar ba. “N̄an kōjean̄ jilu? Ako elukkun dik.”
Jake im David rej majidjid. “Enej em̧m̧an.“
Jake ekar bōk pileij eo an Alex im jino an ajeej e meatball eo lo jilu m̧ōttan. Alex ej lale an meatball eo dikļok.
M̧am̧a ekar ettōn̄. “Ebwe an dik m̧ōttan kani!”
Baba ekar bar ettōn̄. Ejjōb aikuj in lukkun jejjōt im em̧m̧an,” ekar ba. Bōlen jej aikuj jeļā lok leļok mweied ijellokin ad ajeej in m̧ōttani.“
Alex ej reilaļļok n̄an jidikdik in meatball eo kijen. Āinwōt ekar kojak jidik. Elukkuun ke aorōk ippān juon meatball? Bolen ekar aikuj ekkatak n̄an an jeļaļok ajeej.
Raan eo juon, ke Jake im Alex rekar jim̧ōr ikkure kōn būlok ko, rekar ippān doon im ekkal. Ke David im Jake rekar pād nabōj, Alex ekar kōtļok aer kajjojo kon baajkōl eo waan. Im ke aolep rekar kōņaan ikkure lo TV eo, Alex ekar jab kawawa. Ajeej im jouj em̧m̧anļok jān kajjion bwe en em̧m̧an n̄an aolep.
Bon̄ eo, ke Jake im Alex rekar jimor kōņaan pilawe eo āļiktata, Alex ekar jiron̄ļok Jake bwe emaron̄ bōk aolepen men eo.
“Kom̧m̧ool!” Jake ej kōm̧m̧aneļok juon mej. “Kwoj ke m̧ooļ kwojjab kōņaan kōrrājete jilu m̧ōttan?“
David im Alex rekar ettōn dikdik. “O aet!”
Kōmeļeļe eo jān Alyssa Petersen