Josep ekar Mej kōn Gospel in

Elōn̄ armej rekar illu ippān Josep Smith im Kabun̄ in. Er raar jab kōņaan ta eo Josep ekar katakin. Em̧ool jet raar kōņaan m̧an e.

Josep ekar etal n̄an jikin kweilo̧k Carthage bwe juon riekajet en maron̄ lale eļan̄n̄e e ekar rupe kien. Josep ekar kōjeraam̧m̧an Emma im ajri ro nejin, kar mejān māik er im ba goodbye, im ilo̧k n̄an Carthage.

Hyrum eo jein Josep im ro jet m̧ōttāer rekar etal ippānļo̧k. Ke rej ilo̧k, Josep ekar reililo̧k n̄an Nauvoo. “En̄in ej jikin eo em̧m̧an tata im armej ro rem̧m̧an tata ium̧win lan̄ ko,” e ekar ba.

Ilo Carthage eo rekar likūt em̧m̧aan ro ilo kalbuuj. Hyrum ej riitļo̧k n̄an er jān Bok in Mormon. Josep ekar jiron̄ļo̧k ro rej lale jikin kalbuuj eo bwe Bok in Mormon ej m̧ool.

Tokālik ilo raan eo, em̧m̧aan ro me rej jōbjōb bu raar m̧ōkajļo̧k in deļo̧n̄e kalbuuj eo. Raar jino lam̧ōj n̄an ruum̧ eo ijo Josep im m̧ōttan rej pād ie Hyrum im Josep raar mej.

Armej ro Rekwojarjar raar lukkuun in būrom̧ōj ke raar ron̄ bwe Josep im Hyrum raar mej. Ak rekar jeļā bwe Kabun̄ eo enaaj eddōkļo̧k wōt n̄an kōjeraam̧m̧an ajri ro nejin Anij ilo aolepān laļ in.