“Juon Lo ļok n̄an Irooj eo Jim̧m̧aan,” Jera, Nobōm̧ba 2025, 20-21.
Juon Lo ļok n̄an Irooj eo Jim̧m̧aan
Jim̧m̧a ekar bwebwenatoļok n̄an Gift kōn ro jibūn im jim̧m̧aan.
Juon bwebwenato em̧ool jān Nigeria.
Gift ekar okjakļok n̄an tōrerein booj eo im lale an den ko den̄ōt dipin. Ekar jibwe ņo̧ ko, an ketok den ekakūrkūr pā ko pein. Ekar iaļ eo elukkuun em̧m̧an ippān in. E im baam̧le eo an rekar jibadōkļok bukwon eo an Jim̧m̧aer, im kajjojo iien, ekar kepaakeļok juon laļ emānnimar im jokne jān jikin kweilok eo ijo ekar likūti im etal.
Ilo jikin kweilok eo, Gift ej āinwōt aolep. Ekar juon iaan millien. Jet iien em̧m̧an—n̄an makeļok, ijellokin an jabdewōt kwaļok aer lukkun kea kōn ta ko ej kōņaki ak kōm̧m̧ani. Ako ilo bukwon eo an jim̧m̧aan, elukkuun oktak. Ijin, Gift ekar oktak. Ekar juon leroj—jibūn juon Iroj eo emāletlet.
Ālikin ruo awa, booj eo ekar tōprak tok. Iien eo aetok tata an ial in ekar pād im̧aan: jiljino awa bus. Ekar jeļā ke enej m̧ōk, ako m̧ōttan jidik enej pād ippān jim̧m̧aan. Ekar kōm̧m̧an an wōr tokjen.
Ekar juon ial ekajkaj. Gift ekar limo̧ ippen make ilo an kar lale annan̄in kōdo̧ ekar reinabōjļok jān wūntō eo im alooje an āne eo tab. Aļ ekar jino an tulak ke bus eo ekar tin bōjrak ilo juon stop. Āliktata! Jim̧m̧a! Gift ekar pāļļo̧k jān bus eo im kar ettōr n̄an im̧ōn etto eo.
Ekar pukote jim̧m̧aan ilowan. Ekar pukote itulowan meļan eo, ijo jinen ekar likit koot ko nejin ke ekar juon ajri edik. Ekar pukote ilo ruum̧ in kiki ko, me lo bon̄ enej aikuj in kiili wūntō ko jān ņam̧ ko. Ekar pukote lo meļan eo likin m̧weeo, ijo enej kōņake nuknuk in kairoojoj ko—scarve ko rebbōl im juon kūrawūn pepa—n̄an pād ilo kweilok en an bukwon eo.
Ijen, Gift ekar lo Jim̧m̧a ej aenōm̧m̧an im jijōt ioon juon jea, kalimjōkļok jikin kallib eo an baam̧le eo. Gift ekar ettōn̄dikdik.
“Jim̧m̧a!” ekar ikkūr.
Jim̧m̧a ej jutak im kar erļoke pein. “Leddik eo ejitōnbōro ippa,” ekar unoojdikdik ilo an leļok n̄a e juon jiburlep emāneen. “Jijjet im kakuje ippa.”
“Eto ao on̄ kake eok,” Gift ekar ba.
“Eļapļok aō kar on̄ kake eok. Im̧ōņōņō kopād ijin.” Jim̧m̧a ekar bōjrak jidik innem kajjitok, “Kwojeļā ke eo jon̄an an aorōk jikin kallib in?”
Gift ekar kōjōboululi bōran.
Jim̧m̧a ekar jitōn̄ļok wōjke eo im̧aan ierro. “En̄in ej Wōjke eo nejin baam̧le in,” ekar ba. Gift ekar kile an rutto im pen.
“Taeļ kein laļ ipeļaakin wōjke in epād etan aolepen etan ro jibūd im jim̧m̧aad. Jej aikuj keememej baam̧le eo ad.”
Gift ekar jab jeļā kajjien āt ko ilo taeļ ko. Enej elemen an keememej juon eo ekar jab jeļā kajjien? “Ba n̄an n̄a kōn er, Jim̧m̧a,” Gift ekar ba.
Jim̧m̧a ej riiti āt ko juon ļok juon im ba n̄an Gift kōn bwebwenato ko an ro jibwin im jim̧m̧aan. Ilo an kenono, Gift ej kile ke ilo jet wāween, erkein rej jet bar bwebwenato e. Āinwōt ej en̄jaake an juon wōt ippān membōr in baam̧le kein ejjan̄in kar ioon er.
Ilo iien in, Gift ekar meļeļe juon men e aorōk. Ejjōb ņo̧ ko im āne rekar kōm̧m̧an bwe en en̄jake anemkwoj ijin. Ekar juon jemdoonn̄an baam̧le eo an ekar en̄jaake ilo bukwōn in ippān Jim̧m̧aan.
Jim̧m̧a ekar kwaļok bwebewenato ko m̧ae iien iju ko rekar oktak jikier ilo ilan̄.
Āliktata, Jim̧ma ekar bōk kūtwōn. “Jej aikuj deļo̧n̄ lowa.”
“Kōttar jidik,” Gift ekar ba.
Gift ekar etal n̄an wōjke eo im kadikdik jibwe dipin. Innem ekar reilaļļok n̄an tael ko laļ, keememej bwebwenato eo kōn kajjojo jibūn im jim̧aan etto. Juon raan, enaaj lo ļok tampeļ eo im kōm̧m̧ane kain̄i ko rekwojarjar n̄an er. Kōnke kōn er, epād ijin rainin. Enaaj kōm̧m̧ane ijo koņan n̄an kōrooļļok mennin leļok eo rekar leļok n̄an e.
Jim̧m̧a ekar leļok pein n̄an e, im Gift ekar bōke. Kōn juon ereiļikļok n̄an wōjke eo an baam̧le, Gift ekar relōn̄ iloan m̧weo, ijo aolep baam̧le ro an rej kōttare n̄an wōnm̧aeiki.
Kōmeļeļe jān Audrey Day