Te Maroro ma Gabby n taekan te Beku n te Ekaretia

I tatangiria ni kuukani amwarake aika karewerewe ao aika taoro ao n katanga te marimba. I anene ao I mwaie, ao I reiakina katangan te flute, xylophone, ao biano.

E tuangai te bitiobi bwa N na ibuobuoki ni kaira te anene n tain te bootaki n toa. I aki kantaningaia ao I taku bwa a na bon rinea temanna ae ikawai riki. Ma I namakina naba te tangiraki ao te kukurei ibukina bwa I tatangira te katangitang.

N tabetai I bon maaku ngkana I anenea ae kairua ao ana ongo te koraki. Ma e buokai te Tamnei ae Raoiroi bwa N na mweengaraoi imataia te koraki. Ngkai are I a taneiai nako iai, kaanga e a bon kaunga!

N te moan tai, e bon kanakonano. Ngke ti kakataneiai, n tabetai I mwaninga tabeua taeka. Ngaia are I kataneiai n anene ma tinau ni mweengau, ao anne e rang ibuobuoki nakoiu. Ngkana ti kataneiai n te Moanrinan, I anene ni kabaibati ni buokiia naake aki kona ni wareware ke aki ata taekana.

I namakina te ingainga n te bong are e roko iai ara kanoa. A nakoroi bwaai ni kabane. I namakiina te rau ao te mweengaraoi, ao taeka a bon roko nakoiu.

I reiakinna bwa n tabetai aki nakoraoi bwai, ma e bon Nakoraoi ao ko kona n reiakinaki mai iai. Kairakin te anene n te Moanrinan e katauraoai naba nakon tibwangau ae boou!

Tabetai e matoatoa te beku i mataia aomata aika mwaiti, ma te bwai teuana ae ti kona ni karaoia ngaira ataei bwa ti na riki bwa taan kairiiri n aki taraa ara ririki ke tao abwakira ngaira. N na tuangiia naba bwa inanon ara tai ni maroa, e kona ni buokiira te Tamnei ae Raoiroi n namakina te rau. E na buokiira n tainako ni manga kona n oki riki.