Au Koaua n te Anene

I abau, angiia aomata bon kain te Katorika. I ira te reirei ni Katorika.

Ngke I kauoua n ririki, au tia reirei e katanga te katangitang ngke ti mwakuri iaon ara waaki ni kakukurei ibukin te bong anne. Te bwakantaai teuana, e tuangai ngkana iai ae kona n rinea te anene ae e na ongoraeaki. E nang koro waniua au ririki n te ririki anne ao I a katauraoi ibukin au bwabetito. Te kuna “I like to look for rainbows” e roko n au iango. I tuanga au tia reirei bwa e na katanga te kuna “When I Am Baptized” man Ana Ekaretia Iesu Kristo ibukiia Aika Itiaki ni Boong aika Kaitira. E kariaia au tia reirei ao e a kakaea.

N te tai ae tawe e a katangaki te kuna bwa a na ongo kain au kiraati. N te moantai tabeman raou n reirei a taraai ma mataia n aki ota, ma imwiina I a kona n namakina te Tamnei ae Raoiroi i nanou. E kaona nanou n te rau.

Te bong anne ngke I kiitana te reirei, I namakina te kukurei bwa I a tia n tibwa te euangkerio ma raou n reirei rinanon kunau ae I tatangiria n te Moanrinan. I taku bwa bon te kawai ae raoiroi are e katauraoaki bwa N na kaoia raoraou nakon au bwabetito.

Kauka te PDF

Kamataata iroun Simini Blocker